Wednesday, June 26, 2019

Book Review: Dohtam Lunggel


Book Review:
Book Name: Dohtam Lunggel
Author:  Vungzamuan Valte
Pages: 396; 2019, Limited edition

Pu Vungzamuan IRS in Customs and Excises nuai-ah dinmun poimohtak a len hi. Amah mi kuhkal, singtang mi diktak, nam it in vei mahmah mihing khat ahi. Ka theih masak dan ahihleh Matric exam dia Tangnuam khua ah a hong om lai ahi. Tua lo in bike Yamaha RX 100 rong san nei pa ci in ka thei.

A laibu bang ahia?
Dohtam Lunggel ahi. Pi Kimte(Ngaimuankim) tawh a kiten zawh uh kum 25 chiamtehna a bawl ahi. Amau tapa leh tanu khat tuak a nei uhi. A bu min mah bang in I minam apat singtang pa thu, damtheihna, simleivai, khotang, biakna tawh kisai ama ngaihdan leh muhdan kimtakin khumlutna laibu ahi. Tulai vai mahmah social network leh troll cih tawh kisai zong a gelh hi. 2014 in zong laibu khat ‘Ta’nglai Lumsuang’ (Rock of Ages) cih ana bawlta hi. A tom in gen le hang muhna kician mahmah nei mi ahi.

Amah Zogam dot com website a columnist ahihna tawh a gelhsate banah thugelh thak sitset tampi a om hi.  Thugelh a siam in a gelhte simnuam mahmah. A gelh 'Kashmir gam hi in Mishmite gam ka phakual kha. Himahleh a gelh dan siam ahihna ah sim kikkik nuam kasa. Mishmi gam bang chu Shillong UCF hunlai a report a piak ka za kha thamta.

A laibu a hoih kasak mahmah te ahihleh:
Ei lawi kuate ihi ua leh Quo Vadis? I zo min a hoih dan, tawndan leh paidan hoih leh puahtuak ahidan a gen hi. Gen ding I theih keileh genlouh ding bek thei tel le a cih bangin aman gen ding leh gelh ding a thei mahmah hi. Tua natak ahi a simnopna!

Insung leh khawlak kicheidan apat kimleh kiang toh khamuangtak a khawsak ding a gen hi. A thiltuah khenkhat ahihleh a theiloute lak a genthaman omlou acih dandeuh in a manbanlo khangthakte a om kha ding. Misite khua ‘hinglang’ tawh kisai bang. Mimal hindan ah mahni sia-le-pha theina tan ah kizatsiam a kul dan bang, meeting ciangin a tamzawte thupukna pompih theihpen pilna ahi cihleh Pathian vualzawltak ihi uhia? Mimal natan in hih ding target kinei chiat a hihna ah buailouhna ding ah kipumpei kha I hi uh hia? cihte dotna poimoh tak a koih hi. Hi bang in thil etdan tuam deuh in hong gelh sese a kituak kawikawi zawzen hi.

A bawng uh Buanga tawh khosung a lut in boss kai der mai ahihna bang I sim leh nidang a bawng leh lawi chin lai, lawi kisi sak, santak’ champ lai khong hong phawk khe sak hi. Khrismas puan thak leh sa nekna. Lenkhop dan, sepaih suti hong tungte tangthu bang, buuk bawldan leh cap kap ziahziah dan I simleh lunglen huai mahmah hi.
Ui-hik, uithak leh a kaihzatamte a pat kikhuat seenglouh hinkhua pansa gilpi masuan a pai theita te dinmun a gelh siam mahmah.

Aman a genzel na ah I theihdan leh mundante mawk tangkoupih pahpah pen a hoihpen gige lo ahihdan a gen a tua ban ah Mihing a dia chouna hoih a poimoh dan a gen zomah hi.
Chiimnuai apat in lang khatah mantu biri hunseh ma tham sitetmen hun hi in AIR, Doordarshan, the world this week leh Social network hun tan a huamkha hi. Khovel ah I zon peuh kimu hi; khasiatna ding hi in kipahna ding I zon leh simseng louh kimu gige hi a chi.

A kinaihpih laibu kibawlkhete ahihleh Pu T. Gwite in a sihma a sutkhiat ziang dia a koih a zi leh tate pangkhom in 2010 kum in bawl Thangzamang cih laibu ah ‘The rules, skill, leadership, organisation skill, discipline, observation leh strategy’ siam ding a gelh leh tuma deuh 2015 in pu L T Ngaihte in Leel Simthu kici laibu ana release ah khawtang lunglen, khawtang lungkuai leh Pathian lungzai a gelh bangun a sim tuak mahmah laibu ahi. A laibu ah ei tawh kisai ‘issues facing today bangzah hiam tak a 'flag' hi. Khangthu leh tawndan tamtak a gelhte reference material hong hi ngei ding. Laibu dang zong hong bawl touh jel I lamen hi.




Friday, June 7, 2019

Speech on Air Pollution during WED 2019

Speech on Air Pollution during WED 2019

Good afternoon my dear students… Thank you.

Respected Mohan Bhattacharya, Vice Chancellor Mahatma Gandhi University, Dr. Saikia, Registrar of the University, my colleague Ambiga and her husband who came all the way from Shillong to be with us in this programme, Respected Professors, Teachers and My dear Students!

I am glad to be here with you on the occasion of World Environment Day. The day when we show respect to our mother Earth.

If we look around us we see the plants, animals, air, water etc. This is where we all live that we call the Environment. The environment plays a crucial part in our lives. We get food, water, air from the environment. In fact, environment is what sustains us. It means that quality of our life totally depends on our environment.

We need food to live. We eat twice or thrice a day but we need air every seconds to not just LIVE but survive. United Nations realised the importance of our Environment and has declared June 5 as World Environment Day and started celebration since 1973 using various theme. This year the theme is Air Pollution. We know that air pollution is very serious. It is the cause of all illness, climate change etc. Latest information in Today’s newspaper The Assam Tribute reported that about 1 lakh babies below 5 years die every year due to Air pollution. Need of the hour is to reduce air pollution.

The most effective way we can contribute towards reducing air pollution is-grow more trees. Where? in our surroundings. In our environment wherever we find an empty piece of land. Trees gives us clean oxygen which is the air we need to survive. One tree can feed oxygen to four persons. But number of Tree per person in India is one of the lowest in the world; Imagine 28 persons sharing just one tree. That shows the number of tree is very less. Much much less than what is needed; Four persons One tree.

Each one of us must plant tree and look after them. This year our Hon’ble Chief Minister launched One Citizen One Tree campaign. We should plant trees. It is our duty and responsibility to make our Mother Earth a cleaner and better place to live for ourselves as well as for our children and the next generations.

In conclusion, let us take a pledge to build a sustainable environment. Let us take a pledge to do our bit to reduce Air pollution. We are the guardian of this environment for our future generations.

Thank You.

Monday, April 1, 2019

Song of love, Overwhelming Love


Title: Song of love, Overwhelming Love
Lyrics Morihito Arashiya

A special thing, there is nothing but one of the days,
we stacked up is the power that supports ourselves now.
The place where we had been raising the moon is here now
I'm grateful to the new self I fought for the first time.
It’s valuable to say that I've been lost forgotten I will forget
Shock trees flowing through the lights.
Everybody's voice can be heard
They always stayed at the cloudy Aitsu
So one more step another step
Mitsumete T oh oh
Fumi: Let's dish out a lucky cloud writing on the clouds.
I feel gentle Toucan National One by one.
The wisdom of the warrior is fading and someday.
I picked up the line again in the world I went to the next day day by day.
Flowing Wind I swore to the dream just of Kimi only after a little U.
U a little more with each sprint oh oh after a little.
U more a little more at each sprint oh oh.
Songs of love running through Melody trafficked by hearts.
I picked up the line again in the world I was in the next day day by day.
Songs of love running through Melody trafficked by hearts.
I picked up the line again in the world I was in the next day day by day.
Since I can become strong since I do not know what kind of tomorrow I can meet.
I also picked up the line and started on the next day day by day




Thursday, March 21, 2019

Review: Gam siangtho zinna


Review: Gam siangtho zinna
A gelh: Tuan Khankhup Naulak, IFS
First Edition: 2019; 570 pages and relevant photos; `500/-


Gam siangtho zinna (Pilgrimage) I cih ginna lamah hatzawkna ding, kouzanna muh ding ngimna a biakna tawh kisai mun leh mual poimohte ah zinna ahi. Hih tawh kisai Pu Tuan Khankhup Naulak in Kristian sahkhua in gam siangtho a akoih munte ah a vial zinna apat sinlai tampi omte a hong gelhkhiat laibu ahi. A poimoh bang in limlak zong hunkhop tak koih ahihman in a thugelhte a theihsiamnop tuam mahmah. Jesu tungtang kia hilo in Bible a mi leh mun poimohte, thukhun lui hi in thukhun thak hitaleh a huamkha vek hi. Suut detdet a gelh ahihman in I sahkhua laibu ahi Bible theihsiamna dingin a phatuam hi.

Khenpi 15 in a bawngbawng in lepkhop ahi. Bible ki-muhkhiatdan apat tuhun tan in Israel minam tangthu a om hi. Nidang a film kibawl a minthang mahmah, Uganda gam Entebbe’ a Israel Commando te vualtungtuanna na tan kimsipsip in a gelh hi.

A minthang Anthony leh Cleopatra tangthu bang, Israel minam thah cimitsawmna 'holocaust' tawh kisai bang, Juda sungah kipawlkhopna poimohte; Sanhedrin-thupukna bawlthei kipawlkhomna (pasal 23 leh 71 kikal member), Pharisaite, koih tuam cihna, tawh kisai socio-political party te lawi, Sadukaite I cih mihausate (aristocrats) dinmun bang kimtakin a gelh hi.

A laibu ka sim leh ei Kristian te a dia hoh tuak mahmah Israel gam ahi cih ka cianseem kia hilo in Bible theihsiamna din phatuam hi in kamu.
~Kamzalian Tomging.

Saturday, March 9, 2019

Ka Phulouh Pathian Hoihna

Ka Phulouh Pathian Hoihna
~Chinngaihlian
BYF EBCC Delhi Silver Jubilee kum hon musaktu, Pathian kiang a kipahthu gen thei a hon koih, tutan honpi Pathian min ka phat hi. Phawk leh nget a ka om bang in, Delhi a ka hunzat sung a Pathian hoihna ka tan tampite lak a khenkhat Amah’ min phatna ding in kon luikhia hi.
Ahitak in, ‘siamgat in leng nek di na mu zou na di’ chi a, haksat ziak a pawpawt zoulou di’n ka Nu mahmah in hon khou hi. Lamka a piang leh khangkhia himah leng, khosak haksat man in sep theihtheih – siamgat, suangsek, loubawl, adg dg. semkawm in school ka kai hi. Hichizen a Pathian in ka ma honpi lamdang ka sa lou theikei hi. Neulai a ka Nu-le-Pa’n honna sinsak “thil tengteng Pathian kiang a tut-leh-nget di” chih pen manpha ka sa a, hiaitan ka kalsuanna a hon pitu leng ahi den hi. Ka hinkhua adia Pathian kia ka nget – sepna leh pasal - deihtel a buaina di omlou in kichiantak in honpia hi.

1993 in PU Science zou in ka Ute’ leh tanaute deihsakna liauliau in Delhi ah college kai ding in kong tung hi. Tulai dan a kithuzak theihlou hinapi in railway station ah ka UChinpau in honna ngak in train khawlma in ka kigalmuh pah uhi. Delhi kholum laitak ah ka nau Khamthianmung toh kong zing tun uhi. Kintak a kihah a, ka ULiannem honbawl nektheihte ne in DU campus ka zuan pah uhi, train tuanna lung-am in etna lamlam kivei duaiduai mai hi. Tua ni pen DU a college registration last date ana hi hi. Ka subject (economics) leh college (Indraprastha College for Women) deihpen te ka mu tuak hi. Ka mark pen sang huntawklou ahihman in hostel tang dingvual a langlou leh ka Ute inn lianlou chik a teeng beel ka hihman in kisuanlahna a lian hi.

Lamet ngam hikei mahleh, poimoh ka hihman in college lutma apan in Hostel accommodation ngen mi hunkhop lak ah ka va kuan zel hi. A list nihna hongsuak a ka mukei uhi. Chandni Chowk apan college tan pai zel DTC bus omna zuanthei in college ka kai pan hi. Kha khat leng phalou in, lamdang tak in hostel piak in ka om hi. Ladakhi khat leh Tibetan khat toh mi 3 ka ki roommate uhi. Ka khonung theih leh ka Tibetan roommate ten sum tamkhop apiak ziak ua hostel mu ka hihlam ka thei hi. Aziak ahihleh, merit-based a hostel piak ahi a, ka lawmnu’ mark sanga kei mark 0.4 per cent a tamzaw ana hi hi.

DU a Eco(Hons) subject hoih chih ziak a ka lak ahi a, a basic ka neihlouh ziak in ka sikhop mahmah hi. Science apan, maths background nei chih ziak a economics la ka hi a, kuamah rawn masak omlou a gum deuh a beitou ka hihman in, lungkiak hun ka hau a, thumna ah ka hahpan mahmah hi. First year exam zou inlam ka pai in, fail dia kikoih ka hihman in ka pawpawt ngamkei hi. Zouzou lou di ka kisak lai in Pathian in ka thumna te hon dawng in, A hehpihna ziakin back subject le neilou in ka zoukhia hi, ka nung ngaihtuah chiang in lamdang ka sa hi.

1996 college zoh in JNU a maban sutzop ding lunggulh in entrance (Economics) exam ka pia hi. Kipahhuai tak in MA (Eco) ah ST kei chauh lak a om in college a kum 3 ka ki roommate pih sa (Ladakhi nu) toh JNU a kum nih ka ki roommate kha nawn ua, hamphathuai ka sa sawnsawn hi. Huan ah, Delhi a siamsin a ka om sung in ka UGouchin, sepaih, chikmah a Delhi posting ngeilou tuh ka siamsin sung sawtkhop posting hongpai in hon ompih kha hi. Pathian in kei adia lampi hon bawlsak leh hon khotuahnate kiching petmah hi.

1999 kum tawplam hong hita, M.Phil bang zoh hun kuan hong hi in, maban ding lungngaihna in hon lom phak hi. Tua kum in sepna ding exam hunkhop – bank tuamtuam (combined exam om nailou), SSC, IES, RBI te ka pia hi. Nitak khat ka nau hong giak toh lungtang tengteng in mangbang tak in – Toupa aw, bangmah ka phu kei, hilele ka poimoh ahi, sepna nonpiak ding ahi, chi in ka thum uhi. A kha nawn in ka lamet phaklouh RBI adia interview sapna ka ngah a, August 2000 in ka M.Phil dissertation submit zou in RBI ah ka sem ngal hi. Khatpeuh muh bangbang sem dia kiman ka hihlai in a teelhuaipen mah Toupa’n honpia hi (Jer. 29:11)

August 2000 a hostel apan a sepna join dia (Mumbai ah) kuan in, hiai Delhi mah ah 2005-2011 sung ka hong sem kha nawn hi. Hiai kum guk-le-kim hu ding Delhi a ka sep sung in, it tu pasal ka nei in, tanu leh tapa leng piak in ka om uhi. Ka U cancer natna ziak a ki-enkol bang ka kem kha a, school leh college kai naute bang enkol kha in ka om ua, hamphathuai ka sa hi. Delhi tuh lam tampi a Pathian pina ka chetna leh vualzawlna ka tanna, ka hinkhua a hun poimoh ka zatna ahi a, a khua leh saptuam te ka ngaina mahmah hi. Hun haksa hunkhop ka tuah hunte ua, hon veh leh khamuan tute tung a ka kipahna uh ka mangngilh ngeikei ding hi.

Saptuam toh kisai ah, Delhi tuntung in mi kitam nailou ahihman in ki-intek pah hi. Kikhop masakpen (Green Park Free Church) in thohlawm dong in ka pang kha a, ka zahtat man in ka mangngilh theilouh khat ahi. Hun tamzaw ah Sunday School sinsaktu dia seh in ka om a, a sinlaite kei mahmah ading in a phatuam hi. KTP committee member bang in leng ka na pang kha a – kikupkhawm hun a kinialna sim bang om chiang in “na chalak lua” chipeuh a ka na pau chiang in a hehsimte bang hongnui ua, team hinapi a ki ‘amen’ duamduam gige hilou ahi. Kuapeuh in kithumpih tuahna poimoh ahi chih bang ka mu hi. Tuailai box sumkhon a Munirka dung-le-vai a gimtak a kivei hunte bang hun ngaihhuai lua hong hizel ta hi. Ka’ ‘aw’ off-key ahihman in la sinna ah bel a buaihuai lam ka hi. 1995 Tuailai Day Mt. Carmel School zatna ah group leader dia hon sep un, phatuamngai lua in kidemna teng a tel ding chi in Trio adia a mi thumna di ka muhlouh man un ka va ding a (a la sa theiloupi) a nihna ka la uhi. Aziak, sakkhelhte a mark cut ahi a, ken bel salou, sakhial khalou hi zezen ka hi. 1995 papi camp ah speaker (Mrs. & Rev. Dr. Ginnei Thang) poimohte enkai din Vungno tawh ka pang ua, nasep ding om manglou ahihman in, thugen ka ngaisuak kha sim ua, hamphathuai ka sa hi.

Ka tuahte apan sinlai lak tuak ka sakte
• Ka subject kibatpih ka classmate te sang a, eilam NE singtangmi library facilities le zang ngeiloute ngen toh ka kithuah pen hihkhial ka kisak leh ka kisikna mahmah ahi. Student ading in eimi te chauh hilou in, i subject kibatpih i classmate te lawmbawl siam a, amau apan sin ding ahi. Huan ah, subject tel leng pilvanhuai mahmah in ka thei hi.
• LST sim leh thumna hunbit zattheih gige pen manpha ahihman in, bangmah toh kipelsak louh ding ahi.
• Saptuam a panna neih khak zel pen hamphathuai ka sa. Sunday School sinsaktu apan in nasatak in ka phattuam pih hi. 2000 (sepna ka join ma) a Senior pawl sinlai saptuam thu-up te bang manpha ka sa hi. Ahia, sinlai sikhop mahmah ka hihlai a, saptuam hon sehna khatpeuh (midang omlou hilou)
“No” ka chih theihlouh pen a hoihpen ana hi de aw ka chih hun a om tham hi.
• JNU Christian Fellowship a kikhop bang manpha lua hinapi, mahni saptuam ngaihpoimoh luatna in, tamkhop hon chansak hin ka mu hi. Huan ah, weekly Bible study ka phattuampih a, theihsiamna hon behlap hi. Ei saptuam bing pel a, ‘Kris dia muanhuaina’ pen poimoh ka sa hi.
• Kipolhkhawm/kiveh nuam lua hinapi in i hunhoih tampi mansakna ahi a, pilvanhuai ka sa.
• I loh ma nana tuh sumchil ding ahi. Sum zat a pilvan ding ahi. Kicheina hoihpen omdan-nungchang hoih ahi. Van mantam pipi a kizep mawk pen pilvai lou kha ding ahi.
• Khopi a sumsenna a kikhia tuh public transport zat leh auto/taxi zat man ah ahi. Sinlai in i laisimna hun hawmthoh lua ihihkei nak leh student pass toh public transport zat ngeingei ding ahi.
• Roadside dhabha kho anhuan manlouh ni a nekkhiat i hihkeh, an mantam pipi restaurant kho nek chiinlouh ding ahi – sumsen kikhe lua hi.
• Inkuan te kiang a zuau gen ngei hetlouh ding ahi.

Delhi eimite ka muhdan leh awlmohhuai ka sak khen khat
• Delhi tun tung lai in kuapeuh fridge, TV thak nei tuh thupi leh kipahpihhuai, chini-bawngnawi tawi a kidelh ahi. Tuchiang in bel, flat luah thak khawng in hon chial ahihkeh ki delh/veh zou nawnlou hita hi. Hiai in khosak-inten a i masawnna uh hon lak ka sa hi. Hinapi, midang awlmohna, kipanpih leh thawnpiak chih khawng ngaihtuah khak hi law nawnlou ade aw hon chisak hi.
• I saptuam a i thilpiak/thohlawm te et in, ei khandan toh bang achi de aw chih ki-et tuak ding in ka mu hi. I sawm-a-khat khawng i housing loan repayment leh i lifestyle maintenance na in dep lua in a om maimah hia? Aihkeh, ei lemtan bang a, a vangkim a, i muhzah hi sese lou (phal zah) khawng pe lel ihih khak ding le kivenhuai ka sa hi.
• Khopi ah hun kineilou chih thudik pansan a, tasam leh vehtuak tampite thulh baihlam mahmah ding in ka mu hi. I dinmun (saptuam/sepna ah) nopsak pian in, i mohpuakna nelhsiah baihlam ding in mu ing. Biakna toh kisai in i vanzat, lasak, vaisai uh muhtheih a kilawm mahmah ahihlai in, hong kikhawm thei ngeiloute phawkna neilou ihih khak ding lauhhuai ka sa hi. Pathian ngaih in tasam/lungngaite veh leh khovel nitna a kidiah louh pomtak biakna ahi (Jacob 1:27).
• Deihtelna leh zalenna ngai thupi mahmah khangthak (postmodernism) ihih i haih kei hi. Thudik (absolute truth) kichi omlou a, a mihing deihtelna toh kikheng zel (relativism) hi a ngaih ahi. Huaiziak in, i Biblibical worldview – Pathian pen hinna teng kipatna, A thu dikkim, kikheng ngeilou, bangkim tung a thunei leh vaihawm ding ahihna te ah i dinkip ding leh piaksawn ding mohpuakna ei gingtute ah ngak ahi.
Atung a, i gen khempeuh Pathian hoihna, Amah lemgel, kei leh ka inkuan un ka mangmat phaklouh uh, phulouh Pathian hoihna ka muh ahi hi. Tuni in ka maituah lai dingte ka theikei; himahleh, hiai tan honpitu in hon ompih den ding chih theihchianna ka lenkip hi.
I thupi “phakchiam delh tuailai” huap khak in i omchiat na hiam? I phakchiam bang hi hiam? I delh na hiam? Koi tan i tun ta a, tuailai? Lunglel/lungkia i om hia? Pathian a thuchiam – hon nuse ngeilou ding – ah a muanhuai hi.

Chinngaihlian - Kum 1997-2010 sung in BYF, BCD leh BDF chihte ah committee member in na kizang hi. Tu’n RBI a sem in Mumbai ah khosa lel hi.
[Phakchiam delh Tuailai Silver Jubilee Souvenir]