Monday, August 27, 2007

Biakpiak kikhopna ah Sunde Skul

Nidang kum tampi paita leh tuni tanpha a kana ngaihtuah khak jel thu ah i Sunde Skul (SS) neih uh toh kisai ahi. Ei saptuam i et leh Pasian thu ki ngai poimoh in Bible class i chih Sunde Skul kinei jel hi. Pasian thu theihna ahihman in a hoih. Tu din mun a ding in enle hang a kituak leh hoih i sa hiam?
Dotna: Kua teng in i Sunde Skul neih jel uh ka phattuam pih mahmah e i chithei a? A chi thei leh khut a tungtou thei i tawm mahmah ding uh ka chi ngam hi.
Bang ding a eilak ah Sunde Skul ki zang a hia le? A ziak hi dia ka ngaihtuah theih om sun ahihleh hiai bang a hi: Nidang in Kristian i suah tung un Pasian thu leh Bible mahmah zong i theihna a niam. Ei a mipi te gentak louh i makai, Saptuam, Upa leh heutu te’ Pasian theihna mahmah bang zong a niam in ka um hi. Hite khawng mahmah ziak hi’n teh i makai masa te’n Sunde Skul a hong patpih uh.
Tuni in i din mun bang a hi a le? Bible i ki sim theih chiat kia hilo in i makai te kia gentak loh mi tampite Bible lamah Degree nei a kitam ta. I SS ah a hunlui a thu (background) tan pha a ki sut jel a chiang thei mahmah. I thu gentu te’n leng huai bang mah in a chiangtak in a hong gen ua “it’s another SS i chi hi”.
SS i neih sung in a lusu pawl, laibu dang khat peuh a na sim bang i tam thei mahmah uh. SS lunglutlouhna leh phattuampih khaklouhna uh a hi peuhmah. Tuni in kei Pasian phat ut in ka hong pai; a hihkei leh lungsim a puaknat khat Pasian mai ah khi khe ding in ka hong pai a SS in neih daih chiang un kei poimoh toh kisai bangmah hong kigen pih louh chiang in ka kikhop man omlou in ka pai jel hi.
Mihingte thilhih dia poimoh khat a hih leh Amah biak leh phat ding a hi chih i haih kei. I kikhop chiang in tua bang i hih kha na hia le? Hi khalou i hihman in, i life purpose serve khalou ban ah i duty pen fail i hi a poi mahmah.
Hunthak leh hindan thak ah i hing ta uh. Nek leh taak zondan a ki kheng ta. A hoih in kipahhuai mahmah. Tuni a i kikhop dan en le hang kituak in kilawm leh hih jel tuak i sa hia? I nasep dan leh hihdan te uh a ki kheng ta. Kei work pressure ka neihdan a tuam a Nipini a kikhop khawm na ah hong tel thei gige lo kha ding ka hi. Tua hi a, ka hong ki khop ni sunsun in SS khawng hong ki neihpih chiang in ka buaina leh poimoh bangmah hong ki genpih kei leh chu nidang chiang in kikhoptuak sa nawnlo ding ka hi. Pawlpi nasem Pastor te pen accessible di’n ah om ngai ta in ka thei. Catholic te hihdan in i Confessor a hihtheih uh a deih huai a, Sunday kia hilo in access theih le uh a deihhuai. Ka poimoh leh hun awl neih Sunday sese hilo kha thei a hihman in.
Thugenna (sermon or whatever) i neih chiang in lesson poimoh pen: i niteng hinkhua adia bang zat/lak theih chih a kigen jel. Sermon pen SS sang in mipi te a ding in taihuai zaw in halhna tun theizaw ding in ka ging hi. Praise and Worship service hah/pii bawl le hang a nuam dia lungnop lo a hong kikhawm te leng lungnopna Amah i phat khopna ah a mu kha moh na!
Etdan dang khat in en le i kikhop na uh kimuh tuah maimai na ding a i neih hia? Lawmte toh kimuh theihna hun chi a ki khawm? Hiai bang toh pai jel/ kikhawm jel i hih leh a poi mahmah ding. I ki khopdan uh et thak ngai sak in a om hi.
******************************************
SSPPnet a commente

Re: Biakpiakna kikhopna ah Sunde Skul

Posted by: "Vualnam Ginsian Thang" thangvualnam@yahoo.co.in thangvualnam

Wed Aug 29, 2007 12:53 am (PST)

Saptuam Sunday School toh kisai "effectiveness" limtaka etthak poimawh kenle kasa. A program phiat hoih zawdi hia, or i sepsuahdan etthak poimawh zaw? Naupangte adi'n bel SS poimawh gige dingin ka gingta. Ahihhang unaupa Kamzalian gen bangin khopi saptuam khawng ah bel Sunday school sanga lawkzaw ding program ngaihtuah theih om dingin ka gingta.

Re: [SSPPNet] Biakpiakna kikhopna ah Sunde Skul

Ken lah , Khopi saptuam te ta ta ah SS poimoh zaw leh kilawm kasa a !

I sepna a work pressure ziak a Biakin bang le kai man lou phial phial , iva kai man sun sun chiang bang a Laisiangthou thu sinna a va kihelkha chih bang chu meet huai mah mah leh kilawm kasa zaw hi. Thugen/ Sermon poimoh lou chihna hituan lou in . Mi teng teng bible skul a kikai man khollou a, mimal in LST sim sim le le itheih siamlouh bang om thei law tham lai ahih man in. Biakna leh phatna hun siangthou te le nei lou tuan lou in !!.

SS ineih ni in bel, Sinsak tu te le hong kiging khawl u hen la, asintu te bang in le Notebook paw hial mah in , Laikung toh , attendance register /min lamna bang le neihial mah in ( akai lou te gawt di chihna hituan kei mah leh ) , pii bawl zaw le hang i phattuam pih law ding in kagingta zaw hi. Sermon ichihbang le a Pastor deuh te thu gen pen thutuam hi leh , tualsung saptuam khawng ah bel Upa hiam , a vou deuh ( mai et deuh ) khenkhat te' phun /lungkim louh ding khawng khualna a Thugen di kisep kual -vel etc. chih bang omlua (om gi-ge ) hi sim dan ahi. Topic pai pi deuh le omthei tuan khollou , a gen tu atuam chiang a topic tuam zel, mahni lungphuut na lam dan dan gen khe oih oih mai chih dan te pawl khawng gilvahtak a ngaihkhiak /phattuampih na di om tuan vak lou thei hi.

Biak in bel Pathian biak na di, phatna di, thumna di , a Thu sinna mun ding ahih ban ah , a be tu te khat le khat kimuhtuah , ki kholh , ki-kan , ki ngaih nat etc. na mun ding leng ahi.

(kei ma ' ngaihdan lel hi sam ee)

"K. Ginkhanthang"


Kham vum wrote:

Biakpiakna kikhop leh Nipi Skul chih toh kisai a houlimna ah mimal leh deihdan hong kigen jel a, kei mimal muhdan ka hon gelh tei hi:

Nipi School hi Saptuam thugin suangphum bang ahi. Hiai in Saptuam pumpi thu kibang sinsaka, thu-up leh saptuam paidan kembita, saptuam huangkhat a bitsak a, daupaina a pan hon veng a, sa leh kha ah hon kipumkhat sak a naupang leh piching ten ngaih poimawh semsem ding ahi.

Sunday School neilou gamte zaw Pastor khat in saptuam kaikhawm a a phuhsuahte ahi ua, a sermon tengteng uh leng sinsakna hi veve ahi. EBC Saptuam bel tualsung saptuam za val om a hihmanin nipi skul ban ah kum teng-khateng thupi nei a i pai mah saptuam bitna i Evangelical na tak uh hiin ka thei hi.

Nipi Biakna hun ah Biakna & Phatna, mipi kilatna leh Pastor thumsakna om in tuazoh in sinsaktu in-Sinlai kipatna tangthu (historical background), Sinlai kuate kiang a kua gen (context), thumal haksate hilhchetna leh Saptuamte niteng a zat ding sinsakna hon nei leh i poimawh hon sukha chiat dingin ka gingta hi. Hun nanung ah bel thutak sin ngaplouh hun hongtung ding ahi chih LST in a gen hi. “Huan, thutak na thei ding ua, thutak in sal a kipan a hon suaktasak ding hi”(John 8:32).

Pathian thu thei deuhta i chih leh Nipi school poimawh sem a, khosakna sang deuhta a i kitheih leh Pastor thumsakna poimawh sem hiin ka thei hi.

Rev. Khamvum

Amsterdam

Re: [SSPPNet] Biakpiakna kikhopna ah Sunde Skul

Pathian Biakna kikhop te uh lunglut huai tak a zat ahih theihna ding leh Pathian Thu ki theihsak hoihsem theihna ahih khak leh chi'n ka ngaihdan ka hon kumnuam tei hi:

Nipi School ka chih chiang in naupang kum 18/20 tan chiang te kiang a,Bible Thu tangpi topic tuam tuam a a tel bang thei pen a zilsak hoih kasa a, tua hunte'Bible Fundamental' a kiphuh kipna hun, sih tanpha a theih ding leh i hinkhua hon thunun thei ding khop a kizil sak.Saptuam sum leh pai te leng Missionary fund apan hiam, hiai ding a sen ngam hial a,a lunglut mahmah na ding ua,sinsak hoih kasa hi.A naulai in lampi dik hilh le hang, a letnung un leng a mangngilh kei ding uh chih ahi.

Piching a hong hihchiang un bel,Specialization dan a, a hun leh mun toh kituak a topic tuamtuam,kimzaw deuh a suut khawmna dan in kizang leh hoih ding in ka ging ta hi.Bible a thu omteng teng poimoh vek ahihhang in theih zoh vek ding hilou ahihmanin, i nam, igam leh i khotang toh kisai kha thu te pilvang tak a selection kha 6 daihding hiam, kum khat daihding hiam a mipi te muh dia tua topic te luikhiak hoihsem lai ding hi.Pastor in amah adia haksa asak na om leh a saptuam a mimuan huai e.g.upa te lak bang ah tua topic te a hom thei dia,a kiging khol nuam taktak ten a gelh thoh bang in leng a hawm thei ding uh.Seminar pian sim lah inter-active leh discussion hi tou gige ding hi leh lunglut huai ding in ka ging ta hi.Tu lel a ipai dan sang un.

L.T.Ngaihte

New Delhi




ZOGAM.COM
Views: 205

Comments (1)

1. Written by Mang, on 28-08-2007 03:02 , IP: 70.246.234.36
Gamdang te SS zat dan leh ei zat dan bel kibanglou mawk mah a, biakna kikhop hun a SS va neih bel pu Lian gen bang in a hoih pen hilou mai thei ei mah ve. Gamdang ah bel Sunday school kum upat dan khong leh a lunglutna lam kibang deuhte khong in kikhen ua, mi tampi neinoi lou in nei ua, exam bangmah chih om selou in amau lunglutna lam genkhomna leh Pasian thu sinna in nei uhi. Khopi a om a hun hau nawnlou ihihman un biakna leh social thil tuamtuam ah kikhekna thak poimoh taktak hang ei.

No comments: