Tuesday, June 3, 2008

NEW APOSTOLIC CHURCH

C Peter Wagner, Church Growth Father, International in a laibu gelh CHURCH QUAKE pek 85-86 tan a New Apostolic saptuam atuam biik chih thulu a, zang a a gelh kilasawn a hi. Jesu Kris in gingtute dia thupiak golpen (The Great Commission) zui chetchet a saptuam kiphut khia thu a hi. Hiai saptuam ei khang (generation) a dia etton tham ching a ka theih ziak in kahon gelh ahi. A deuh khol in saptuam a heutu hihna nei tengteng in hiah saptuam kiphuhtkhiak GRACE KOREAN CHURCH ki chi a pan a saptuam hong pian jia a tup le ngim tangtunna na ding a mahni hih theih chiang lel a kinga mai lou a Pathian thilhihna leh hatna muang kip a, saptuam pii a hihtheihna dia I liimlang(mirror) a hihtheih khak leh chiin ka gelh sawn hi. Hiai saptuam gelhtupa C. Peter Wagner khovel pumpi a missions lam toh kisai a minthangpen leh tuni tan a apen a hihna la, The Fuller Theological Seminary School of World Missions a kun 1971 a kipan a professor a na pang in a lawmpa David Kim saptuam a gelh a hi.

Ka lawmpa David Kim , American citizenship nei, architect lohching mahmah a hong pianthak zoh sawt lou in California simlam a saptuam phuh khiak ding tup leh ngim in a nei a, a man saptuam phuhkhiak a gamdang a missionary sawlkhiak ding a tum tinten hi. Amau nupa in saptuam phuhkhiak pih ding innkuan thum a mu ua . huchiin David Kim in amah toh mi 4 meeting a sam hi. Aman “Nipini nawn chiang in kikhopna (worship service) masa pen I pan dia saptuam phutkhia hikawm pah ding ihi. Huchiin Toupa nna a hoih thei bang pen I sep sawm ding. GUAM ah missionary dia Pathian sap lawm khat a nei a, aman khateng in US dollar 800 (Rs.36,000) hon mu khe thei ding. Ei saptuam in hiah behlap in khateng in US dollar 400 (Rs.18000) I pe khe thei dia; kha teng in ginna Thuchiam a pan US dollar 1,200 (Rs.5,5000) a vek a gawm in US dollar 2,400 (Rs.1,08,000) pha hi.

Rev. Kim in a saptuam phuhkhiak dan ka kiang a nui hiauhiau kawm a agen lai in, “ huai lai tak a committee memberte mel omdan camera a ana lakha himahmah leng hoih di hia !” a chi hi. Sawt simtak kuamah paulou a adaih dide nung un khat in a hon gen a .”pastorpa aw, saptuam hichibang in naphut khe theikei ding”a hon chi khia hi. Pastor in, “hoih e, huchi a hihleh bangchi dan a saptuam phut khe di I hia? A chi a. Aman tu May kha a saptuam ding khe pan ding I hih chiang in kumtawp tan I enkhe dia sum lut dan zir in budget I bawl dia, I project income a pan I zat teng paihkhiak zoh a a om laiteng en khawm in missionary nna I septheih di tan leh I sep zohna tan hong kithei mai di a hi” achi hi. Ken, Pathian na sem nuamlou pi a bangziak a saptuam thak phuhkhiakna di a hong tel sawm na hia? Los Angeles area ah Koreate Biakinn 400 bang a omta a, Korea mite a dia a hun lolam a hi. Biakinn lambeh ngai kasa nawn kei. Himahleh missionary nasepna dia Biakinn khat neih poimoh ahi. Kei sumsinmi (businessman) ka hi a, 1/10 hong lut di zah baihlamtak a hisap khethei ka hi. Na pocketbook uh a zat didan van Pathian a kinga ka hi. Hiai teng a gen khit in member lak a khat saptuam paidam thei kha nailou Mr. Oh lam nga in, “Mr. Oh, kua ka dik zo ua le?” a chi a, a dawn ding kithalawp chi hetlou hileh kilawm tak in , “hoih e, pastorpa, ka ngaihdan in nang gen a dik di ,” a chi hi.

David Kim in, “committee a ki-el na dan uah kei ka vualzou a chi hi. Thupukna bawl bang a a saptuam ua thil hong tung bang a hia le? A saptuam uh Grace Korean Church milip 2,500 a hi ua, a kum khat budget uh $6.5 million (Rs.24,75,000) lak ah $5 million missionary budget in a koih uhi!! Amau saptuam kia in gam 43 ah missionary 154 a vak ua, Russia ah Biakinn 720 a lam khia ua, China gam lailung (mainland China) ah house church govt.registered ngen 2,000;Vietnam ah Biakinn 280, Africa suahlam ah Biakinn 200 – hiai tan Toupa gam nna a sepna, a sepna uh genkhiak theihte ahi. Tulel (1970 ca ) in Pastor Kim in saptuam khang a Toupa gam kekletna ding toh kisai a atup missionary 2000 support ding a thiltup pipen ahi.

Lamka leh a sehvel a saptuam omte missionary nasepna ding in bang chi in pan ila a? Pastor Kim in a hihleh kum khat budget Rs.24,75,00,000 lak ah Rs.22,50,00,000 misssionary nasepna ding in pia a, Rs.2,25,00,000 a saptuam sung a senna tuamtuam a din koih lel hi.

Written by: Rev. N. Nengzakhai

No comments: