Thursday, June 19, 2008

TULAI LASAKNA SOCIAL THIL AH

Tulai lasakna' kha in hongveh in laasak lam a ki pii bawl mahmah hi. Tuailai te apat in naupang te tanpha lasa leh lazil in a buai uhi. A diak in student te a ding in thil hihding hi khollou kasa hi. Neek zon theihna a zang thei bel omkha ni. Ahihang in miteng in lasak toh neek kizong theilo hi. Ken bel sinlai studentte ava ki zat/buai luat ding uh ka deih kei hi. Ka ngaihtuah chiang in hi chih le a hoih diam ka chi hi: Pasian ni pen Tuailai pawlte'n kikhopna atuam a neih a laa bang zil ngal hileh. Niteng/nitaak teng a laazil di'n hoih kasa kei hi. Si leenkhop leh haantohna munte ah lah tuailai pawl te buai zel. Sivui nitak in mipi leeng khawm le hang. A ziingchiang in ah tuailai te mah in tulai a laa hoih deuhdeuh te lapawl zilna lah hikawm in lungkhoih mahmah ding in hong sa le uh hoih ding in um ing. Innteekte laa deihte bang i sa deuh dia, laa kisa te i khumsak dia, hoihtak in a keptheihna ding un. Nitaak teng a tuailai te leh mipi tengteng va buai gige ding hi kasa kei hi. Nu leh pa te pen hihding poimoh nei kholloute a hihman un amau pawl in nitaak si leenkhop bang hong buplaak zaw le uh i chi hi. Maban nei i tuailai te maban hihbuai sak hial in zang nawn kei le hang ka chi mahmah hi.

1 comment:

liankhanlam said...

Tua na gen chiah chu ka veina sawt lua ta.. Innlam a omte ei zong kihi thou mi phatuam ngai lam a i pang khak leh ki pangpang mai..Society demand hi mawk a maw... Tuailaite phattuamngaihna i zilsak lai a suse tu i hizaw diam ka chi