Wednesday, September 10, 2008

NAM VAI AH

ZDV makaipa interviewna Zolengthe in kichiantak a dotkhiat leh guh dawk zen a hong phoukhiat paakta ing. Hibang ding mah hi. Tuakhit sawtlo in documentary film Mirror of the Kuki Nation ka et in ka chimul bang a tho jejen hi. Hi bang a mihingte gamtat siatna lamdang ka sa hi. Unau Kukite thuakna, Nagate huhamna te bang ka et na ah a diak in Zoupi incident , 13 September 1994 bang a nasa petmah. Nagate gamtat dan mawngmawng ka chi a. Naga movement a lohchin lohna ding in ka lungsim in ka thum hi. Lohchin uh ka deihsak kei; ka ngaingam kei. Kukite a thahdan; a inn uh a buhaal sak dan leh a thahdan. A mau' Kukite ngawng bantan toihtoih mai! Ka muh in ah Nagate mi huham ka chi hi. Christain khat i hingal bang dia i kiim leh paamte ate toh kituak a om mai lo? Gam leh lou, innmun loumun neih in bang phattuamna hong pia a chih dotna bang a hong ngaihtuah sak hi.

Nam sepaih heutu leh Saptuam makai kihouna bang in ka lung hong khoih nawn hi. Nam sepaih heutu pan faction thu a dawnna ah Saptuam makaite na hi uh faction leh pawl tuam sat a khenzakna pan masa. Khatvei beek saptuam leh nam makai tuak kikupkhop leh a ki thuhilh tuah uh poimoh (pet mah).

No comments: