Friday, September 7, 2007

Report through ZONET YAHOO GROUPS

ZOM#23732 From: nok langh
Date: Tue Dec 19, 2006 4:48 pm

Subject: koi-ah om

Mr.Kam Za Lian pen Manager,NABARD hi a,tulaitak a sepna ahih leh Itanager,Arunachal te khuapi ahi hi.Amah Dt.29 Dec.2006 tiang a pawlpi ngeina a zi nei ing a vaihawmsa ahi hi.Ni. 15th Dec.2006 in, a nu leh a naute khat tawh innlam zuanin ama mawtaw(car)in a sepna uh nusia in kal uh hi.Ahih hangin tunitan in a tun a ban na uh kisei lo in hitih om bikbek hi.Lamzang taka pai sei hileh amau omna panin a inn tan uh ni 2 zong sawt lo kipai hi A cell phone lah pai nawnlo,pawlkhat in bel Dimapur tung uh hi ti a,pawlkhat in Dimapur tung lo hi ti uh hi.Mi suamhat pawlkhat te'n lamkal ah na man in na suam uh hiam?ahih o leh ai bang????koiah om?????tih aimah ki seilo hi. Innkuanpih,pawlpi mite leh veng lepamte mangbang in om uh hi.Pawlkhat bel a kan ing in kuan uh hi.Tuni tanin aimah thu thak kiza nailo hi.Topa'n a om na poh voh dam leh bit tak a akep nang thunget sak tek tong mawtaw.Amah pen mi cinghkam leh mi hoih mamah hi.

#23746 From: ppg guite
Date: Wed Dec 20, 2006 6:07 pm

Subject: Re: [ZONET] koi-ah om

LATEST: "ZAKHAMA LEH KOHIMA (NAGALAND)KIKAL A ACCIDENT. 3 SI 1 UNCONSCIOUS CHIH NAGATEN DEN MAHIN LAMKA A ZRFTE HILH UH" Phungchinthang 6.02 pm 20/12/2006

#23768 From: "G.K Chin"
Date: Thu Dec 21, 2006 11:37 am Subject:

Re: [ZONET] koi-ah om Accident uh hi e

#23773 From: "G.K Chin"
Date: Thu Dec 21, 2006 11:40 am
Subject: Re: [ZONET] koi-ah om

Nagaland a medzhiphema kiang ah accident uh.Amah bek dam.Anu,asanggampa,numei atuanpihte uh si vek uh.Tu in post mortem hilel.azohphet ciang un Lamka lam zuan ding uh.Kamzalian bel dimapur ah kienkol lai ding hi. #23790 From: Gin Khan Nang Date: Thu Dec 21, 2006 9:18 pm Subject: Re: [ZONET] koi-ah om Sanggamte aw, Tg. Kam Za Liante nuta teng in Nagalandah Accident tuak cih ka zak ciangun ka dah mahmah uh hi. Hih lai Kansas city a om Sia Kap Za Mangte kiangah ka hawh laitakin hih thu ka za uh hi. Pa Kai Mung (Tangnuam) tapa Tg. Kam Za Lian in zi nei dinga inn lam ciah a, lam kalah hih bang kamsiatna a tuah uh pen dahpih mahmah ing. August kha-in Lamka ka hawh leh a nu leh a nupi a nasepna-ah paipih cih thu ka za hi. A nupi pen ciah zo hi dingin um ing. A nu leh a nauten hih banga hong nusiat pen dahpihna thu kong pulak hi. A lawmnu ding zong Bank manager khat mah hih tuak hi. A pa in a nusiat khit ciangin a nu beek tawh nuam takin mopawi zang khawm leh deihsak huai mahmah hi napi, anu in nusia lailai i cih ciangin ama adingin zong thuak hak mahmah ding hi. Hih bang dan mah America a om Florida lama sanggamte in na tuak hi. Lia Khawmnu in Dec.28 cianga pasal nei ding ci-in a pate zong Kawlgam panin US hong tung khin hi. Lia Khawmnu dam loin a ki-et sak ciangin Cancer stage 4 hi kici a, Zato panin tuak sak hi. A pasal leh a nu leh pate in keem lel hi. A kiten ding uh zong cancel zo cih thu kiza lai hi. Zomi kop nih bang in hih dan kamsiatna tukumin kituak hi. Zomite in Topa i belh semsem ding kisam sa ing. Ama khut sungah i nuntakna leh i vai tengkhempeuh om hi. A dam laite in tukum Lungdam Bawl leh Kumthak pen nakpi takin muak ding thupi sa ing. Ei tungah zong hong tung thei hi. Sanggam dah leh kap a omte thungetsak tek ni. GKNang Kansas city, USA.


Re: [ZONET] Switzerland ah zin, hong hilh lo

Dear Pa Chin,

Amasa in thai mah ciang hong tung takpi ta ding i Topa pianni Lungdambawl Pawi nuam tak in na zang un. Kei zong na cih bangin i 'laigui zom' te ahi kei ding cih theih vet loh lak ah na kibual hanhan sam ing. Christmas concert ka neih zawh uh kal khat kizom ta a, English, Chinese, Bilingual, Children program, youth program, adult choir cih bangin kizom ziahziah hi.

A music tum uh, a lasak uh, a thugen uh na khat peuhpeuh pen eilam bang hetlo in professional mahmah vive hi uh a, lasak a nop deuh leh zong laam gawp, awng gawp, hawk gawp ci zaw ni, tua dan om hetlo in Pasian zah siam takin, Sakhi singgah zuan bangin gamta khiankhian uh hi. Khangluite in 'Pu te leh lamphung kinawk zolo' a cih bangin, i pute pen i phakna ding hamsa lai veve mawk ding hi. Ahi theilo ding bel ci ngam nai kei hang, na khempeuh ahih thei Pasian bia i hih manin. Nang zong na khualzinna lam nong gen nailoh hangin na lungsim ah 'ei zong hi bang i hih hunding ngaklah huai si e maw' ci a gual na eng ngaungau hun om saam in um ing.

Vai polhteh te kiangah i ten khak mawk hangin ei tenna teng beek mi gam bangin siangtho sak, puah in keem leng cih om hetlo a, amau ngeina hoihlo tampi ki adopt (kizui, copy) mawk pen dah huai mahmah hi.


Switzerland ah zin, hong hilh lo:

Nang Swiss watch kizuakna ah pai a, hong hilh lo, en zong leitunga Nai (watch) hoih pen kideih tak hi ven. Na zinna report leh na lungsim a na ngilh theih loh thu pawlkhat koi hiam ah hong at khia lecin kiza nuam mahmah hi. Tu'in hih ka kiangah Vaphual Magazine (2004, Delhi) copy nih leh Leivui Panin copy 2 tawh ka tu a, na article Some Words Worth Knowing na cih khawng ka na simsim hi.

[Hih Vaphual magazine ah Rev. Khup Za Go a damlai in hoih a sak pen article ka dot leh Pasian leh Pilna by Zam Khai, D.Min., US gelh teel hi. A thusuut dan pen systematic sa mahmah a, researcher lungsim, scholars lungsim ciimtak nei hi ci-a... lai at hi bang ding hi ci hi - kong behlap pak hi, amah lian kua hi hiam cih keibang a thei pak lo hi ing, Pa Khup in zong a theih leh theih loh dong tuan kei ing.]

Na zinthu nong gen ciang, a minthang vangvang Frankfurt Book Fair khawng ah a pai zo tangtang Zomi i om hun ding ngaklah huai tak ven, Effil Tower lawmte in amaan a lak uh ka muh thupi zeza sa mawk ing e (zuning bang lian, make up omlo, professrional photographer te in a zeem uh khatzong om vet lo).... Nu Buangi tawh zin thei na hih man in hong lungdampih ing....

Laitui papi khat in 'Leitung pen ka lamet bang kei' a cih hang, leitung pen khatbek a muh ding, khat bek a zinna dingin a pammaih lua mun om zeuhzeuh sa mawk ing, kei muhna neucik sung bek ah zong.

Joshua zong tangval ta lo ding hiam Pa Chin? Kimuh loh kum 10 bang hong naih nuam hiam ci veeng aw...


Lungzuan zatam meiibang theng tuam!!

Lawm Thang Za Lun kammal kawm pak leeng, ka singdang Cingno in 'keima khut mahmah tawh ka bawl' acih ngaungau liang, a ki lawm mahmah Christmas Card, tu nitak Christmas concert ka etkhop zawh uh cianga a bag kaang sungpan hong lakhia a hong piak, tuni tana Christmas Card ka ngah om sun ka mai ah tunga en hithiat kawma kong mail hi ei. Ka lamet loh pi, hongpiak ka saan ciang' 'Lungzuan zatam' meiibang theng tuam hi!!


Hau Za Cin
Phuitong Liim



"G.K Chin" wrote:
Dr Cin (pu),
A Cin/Chin veve hihang e.2004 june in switzerlanf(geneve)ah hohna nei in,kuanlam in frakfurt leh ciahlamin Paris official in vazin in Anu/lawmnu toh tawnpih ing.Taipei mite(mel leh puam kibatpih..also vietnamese,thai,cihte)swisse gam bang ah tam bilbel uh hi.,tunsung khat pan,peuh ina hikhamaidiuam mato!
Khrismas cibai leh Kumthak Pha.,Toupa in hong keem hen aw.
GinKhanChin(GKChin)
----- Original Message ----
From: Hau Za Cin
To: Zomi
Sent: Friday, December 22, 2006 5:46:42 PM
Subject: Re: [ZONET] Re: [SSPPNet] Lungzuan zatam sial khawm/Kamlian te tuah siat thu.
Dear Pa GK Chin,

Sorry mahmah ei, na min pen ka at khial hi zaw mah ei. Hong na maisak in. Detail nong gen ciang a thei pan hi ing ei. A paite thuak mahmah ing, Lian zong hong dampah ding deihsak in, phawk mahmah ing.

No shillong pan na paisan uh ciang makai deuhte a banban in paikhia khia a, a tawp ah pa Kai Kho Chin leh Pa Chin Khen Thang ho in ka na om uh a, ka na kikhawm changhchang sam uh hi.

Pentecost hong tung kik hiam thei kei ing, Biakinn tuamtuam, khualu khuataw ah mi 50 pha peuh leh hong ding zangzang a, "Lamka ki Xerox" hi mai hi. Tun na pai kik khakna a om leh 'Ko pawl ah hong kikhawm ve' cih hi ta dinga, 'Kikhopna ah kimu ni' cih na 'Aw" mawk leh kimuh loh omthei ding hi..... India khuapi tuamtuam a Zomi Christian Fellowship a om bang deuh hi a, a mi a cin ciangin Nuclear Cluster banga kitam zuai zuai zel ding dan hi. Tua lam sau gen ngailo in Zomi kuamah peuh in (Zoram Khawlvel ah) i theihsiam sa hi, kong pheen khak pak hi.

Kei zong 2004 November pan Kanpur zuana ka nusiat zawh Shillong khatvei nawkkha in, tam man keng. Kanpur sangin hih lai themkhat na siangtho zaw in USA pan nong ciah lai a Pa Pau, (RevDr. JM Paupu) in "A Chin min nei teng gamdang zinzin mawk ve uh cin" ci a a ciamnuih khawng hong phawksak kik ei [Pa Chin Khen Thang leh Pa Kai Kho Chin UK ah, nang US ah zin na hih uh cianga]

Na inkuan un Christmas nuamtak na zat ding uh kong deihsak hi.


Hau Za Cin



"G.K Chin" wrote:
Dr.Cinpu,
Kamzalian te Kohima tun hun a atun louh chiang un patauh kipan hi.Kei zong Imphal nusia ding kahih man in Tezpur te contact no.kahilh hi.Kolkata nitak 17/12 a tung in phone kual den,ipmut omnonlou hi.Ka Uzi toh TSLian in LMKhaute IGP kimuhpih.18/ 12 hong hita.Ka u tapa Lalboi,TSlian ten Kohima zuan.Kolkata pan theihtan coordinate bol.19/12 a BSNL ten panpih,mobile last signal tan kokmuhsak,etc. 20/12 muhkhiat hi uh.21/12 asite p.mortem. 1.30pm left dimapur.,arrvd Imphal 10.40pm.12/00hrs lamka zuan.Vuina prog pailelel. Kamzalian DMP ah kienkol lel,halh,99% recovery chance.Thumpih ni uh e.;Ka quatation theilai nahih man nuam ing ,lung ong suleng sim mok ve cia le......Chinpu( GKChin..kamin ah pen cin sang in chin,hoizo bang e)

Dear Lun,

Kam Lian te tuahsiatna pen zantak in John Thawmte tawh ka online laitak in ka thei uh a, khawlphot maini ci in ka gen uh bang hiam cih zong thei lo in ka khawlsan uh hi. Pawi cih loh gen ding omlo a, a paisa te ki khoh thei nawn lo ahih manin amah cidama hong thahat pah ding i deihsak mahmah hi.

Hih thu a detail deuh NET ah hong suak ding ka ngak uh a, nong genteng vaal theih beh kinei tuanlo hi.
=========

Thudang i zop ding zong nuam nawnlo a, themkhat bek hong dawng leng:

Kei lasak siamlo, La phuak leng zong a aw bulh thei lo ka hih cianga..... phuahsa teng zong a aw bulh loh in Shillong maw, koi ah maw almirah sung khawngah amah leh amah na kisasa lel lo diam??

UCF ah bel nihvei solo kha mawk ing, ka nungngaih sut ciang 'PA' kisa veve ing.... Ahang pen Pa GK Cin criteria ci-a ka ciamteh mai te hang hi..... aman:

1. Lasak na siam loh uh hangin a thu hoih nasak uh a, mi zakdinga na deih uh leh sak theih hi.
2. Lasak na siam uh leh sak theih hi.
3. Lasak himhim na ut uh leh sak theih hi.
4. .....
5. .....

(a vekpi in thei nawn kei mawk ing, a mah gensak kik leng bel sak loh ding bang hilo hi)

Tua criteria hangin Khawl hithiat in dak in ngai dih in To Zeisu hong hotkiatna cih leh A pawn Khutte cih kei leh kei Guiter tum tawm in Don Bosco ah ka awi ngaingai sam hi. Secy pa zong a lu su ngeungeu sam hi (a thu ka deih zawkna hi cih thei ahih manin , ama zak loh kalin).


PS:
Delhi ah (no innuai lampi khawng mah a ci ding un nei veng aw) zan nih khawng lawmte'n nungak hel ciin hong vak pih in, ken bel nungak zong ka ci zaw hi, kuamah heel ding kimu lo kiik zel, amau na vak khia zel uh ahih cianga (Delhi nungakte vak hat a ci ka hi kei hi). No zong nungak nei hi le ucin hong kilut kha ding dan hi, neilo cih report om ahih cianga Christmas khuadam tawh kong lut kei uh hi......


I lungleng sak kik phial in tua zah gen mai ni,

Christmas zat nuam,

Hau Za Cin
Phuitong Liim



Thangzalun Khuptong wrote:
Sia Cinpu aw

William Wordsworth English poetry gelh siamminthang in a lavui gelh "Yarrow unvisited" chih a a gelhna ah Yarrow a nop didan, tui luang sialsial kiang a ganhing tuamtuam nuamsatak a aom di dan uh, leh paak chi tuamtuam tui tung a kilaam a huai kiang a om a tawldam huai di dan a ngaih tuah hi. Yarrow Visited chih a gelh leuleu a ava mu taktak a lah a gin a bang kei hi. Huaizoh a muh suah tuh "imagination is better than reality" chih ahi.

A tung a kon gelh a kon gen ut ahih leh Inn lam ah Christmas vazang le chin nidang a nalawmte bang kim nawnlou thei, Leengkhawm peih bang om meel lou thei zomah... Tua lung zuang tak a nidang lai a Mas a nop dan na ngaihtuah pen a manpha zo mai diam maw chi ut dan kai.Philosophical lua hia leh! Eh, Cinpu aw tua lungzuang tak a na om a thu manpha tamtak non gelh khiat zong a manpha hikhin ai ve, kong nget beh nop in la zong hon compose beh lai ve, mi a chauh quote lou in.

Thu dang ah thauzak nop lou khat hong hilh ning maw. I lawmpa T.Kamzalian @ Kamlian, tua NABARD a Asst.Manager, Itanagar a sem in koppih (Nisim 29th December, 2006 a Tangnuam EBC Biak inn a Chiinngaihlian, RBI Officer, Delhi a om toh) neih ni ding leh mun lam December 16, 2006 a Itanagar pan zuan a ama Santro Car a pai Dimapur khen Kohima tung manlou in lamkhang feet 400 vel ah a moto taal khia? hih tuak in/ accident ua, a Nu ,anau leh numei dang khat si ua amah zan in nak(breathe) hamham lai in tu'n Dimapur Hospital a ki en kol lel hi.(After 3/4 days a kimu khe pan pan). Misi thum te post mortem bawl zoh in tuni in Lamka puak lamet ahi uhi.Ka thuak pih lua a a thu ka zak apat ka om a lem theikei a ann bang duh lou in ka om hi. Ka inn kuan un zan nitak bang in Kamlian a di'n inn kuan thumkhawmna special in ka zang uhi.Khovel zaw.......


Christmas zat nuam

Na lawm
Lun Khuptong
New Delhi.

Hau Za Cin wrote:
Lungzuan zatam sial khawm ni:

Christmas lah nai, masi khuang lah ginging ta, lawm ten innlam zuan diaidiai, a honhon in kiniil niil, kei lah khattang hei ding aw....

Ngaih aw hong leng inla,
Ka nen ah hong khawl aw,
Tang kei zuan nuamtuam dingin
Na meel hong mu nuam veng...

ci a sap pak ding lah om kei ven... huiha... innlam ah masi lenkhop a nop theihtheih tawh maw, masi ankuang lui khawng a nop theitheih tawh maw... lusu kawmkawm a masi sermon i ngaih diai diai khawng i mang tawh helh suk neunau a.... masi zanhak dinga nute puanza sahsah teel a masi tunna inn ah meikiang teng i kual ciltel khawng ahun nuam hi mawk ei.... cik ciang aki mu kik tam maw?? Hih bang hun nuam miss den mawk zong leitung ah damman om hiam.... damsungin bangzah gualnopna i tuak a, nopsakna bangzah i tuak a....

Christmas ma ni a buhman tangho dinga i suk damdam a, a tunna ding nahla a iki pei vetvet hun khawng, singtang nuntak a nuam hi mawk ei... khuapi ah lu leh taw tello a luvai lianga music luheek dekdek lianga dianpih pong mawk sangin nuam tiuteu veve sam hi.

Christmas cih thei a, piteek puteek te lungleng a, biakin ah khut lamto a hong lam diaidiai khawng uh maw, a vanglai uh ngai in luankhi nul sam ding uh hi... a kumkum in lah zaitha patbang nem zel a... i hun hoih neih bangbang amtak a zat ding hi cih hong telsak mahmah hi.

Nupi te masi anhuan leh papite masi sa huan... a khu in biakkinn lam hong nawk kha, huih nun dan zong kikhop tawp mengmeng leh maw cih ding a hong gilkialsak hi.... masi phawkna a balloon naupangte in hong mutpuak ziahziah khawng uh maw...

(Gennop tamjavascript:void(0)pi tawh hunsak phot ni..)

Christmas a ciah theilo, a lungleng thei, eima bu ciat pan a zang ding teng aw... lungzuan zatam sial khawm ni.

Hau Za Cin
Phuitong Liim

No comments: