Wednesday, November 26, 2008

Second hand van leh hinkhua

Ka nu'n a hong deihsak ngeikei. Leisak zong a' sawmkei. Sum neihlouh ziak bannah ahoihpen hong deihsak ziak ahi. A deuhkhol in sum neihlouh ziak hizaw in ka thei. Natna hoihlou kakaai khak ding bang a lau a. I nget khak fuh chiang in hong aw jel sam' hi. Ei deih hiven chi in hoihtak in a hong kepsiang sak jel hi. Tuilum leh chiitui[common salt] in zankhat peelmoh in a hong diahsak a, nuai'siang leh nisa nuai ah hoihtak in a hong haai keusak jel hi. Hiai process ka puan deihpen in a 'pass' khit chiang in ka silhthei pan hi.
A hong dampih lai in ama[kanu] van ding ka lei chiang in [un] a thak ahih di himai. Ama deihdan, a style i chihte, ama type ahih ngai tlats. Huchilo in zaw leisak a phatuam kei. Deihlou a chikei a awl in ka silh ding a chilel hi. Puan a hong sawpsakte chu siang hita ven! Jeans bang a sawp chiang in brush [bulut] a ngai se kei. Ama khut mahmah in a' deih khoptan in hong nuaisak leh siang himai! A keu chiang in ngo vilvel zozen hi.
Second hand tulai in khutnih i chigeih ua; nalh lehlam kasa. Khutnih chu a tom in K2 i chiphot ding. Kanchenjunga mual chihna hilo aw. Ken chu tulai pau in a design leh fabric i deihdantak ahihnaak leh K2 puante leisuk mai a neihding in ka thasial nawn kei. Ka lei jelta (uh). Phalbi khovot hi in kholum hita leh ka douzohna ding in ka lei jel ding uhi.
Khatvei nectie zuakna ah ka vapai leh Rs.1K+ ngen ana man zozen hi. Ka lungsim in gold lah hilo a maw ka chi hi. Discount ahih toh chi in nihtak ka leikhe nak' sam hi. Zatna ding lah a tawm mahmah mai. Ka sumsen toh teh in a kibuuk kim kei mahmah ve. Van zatmun loh ding ki leikha ekek jel hi veh aw. A poimoh teng I neihleh jaw ahun mai hi. K2 hoihtak lei a lungkimtak a silh a khosak ding mah hitah e ka chi hi. I hihna sang a saangzaw va silh liauluau sangin I hihna sang a niamzaw deuh a khosak chu I buailoh kei pen.
Khatvei houh ka Umung in K2 lemtang sa lua in chin, chiamnuihna in, "underpant nangawn K2 omleh kilei ut hi ei" a hong chih laizang leh ka nau in, "ommah" chi in, a dawng geih hi. Zi/Pasal ding zong K2 om ahihleh a omlou omkei mah in teh chih ngaihdan kana nei geih a! Puanthak hoih deuh I silh a midang te’n singfuh na chia a hong chih leh a nuam khol kei chihthu kaza mun sim tho.
K2 phattuamna gen ding chile hang point khatna, nihna thumna chiin i gualthei ding. Summeet bawlna leh hunawl zatna in phatuamtak in a pang hi. Sum bangzah hiam hong save sak. Numei toh vanzuakna, a diak in K2 zuakna, ah hohloh ahoih. Hoih a sak uleh a deih uh a tam. A ngakkhiat hak toh i heh ana suak man.
Ka ngaihtuah thak chiang in second hand a khangkhia kana hi. Ute puanlui teng ki silh tou pah. Tua kia hilo laibu lui in zom toulai. Uniform bel K2 ka silh kha kei vanglak hi. Ka U toh skul kaikhompah ngal ka hihman in. Ka naupang theihdan in huai kum in ka pass pah a naupang lawlai ka hihman in class hong repeat sak uhi. Uniform chu K2 silh ding ka save kha geih. Laibu ahihleh ka U a ka luahtou charchar hi. A kizenna bang om lehlam zezen. True or false, Fill up the blanks, leh thal a kaapte [ka Madam khat un a geendan aihkha, amin zaw gendah mai ni] hihsa in ana om in chin phatuam vanglak.
Ka damtou dia ka hinkhua ah K2 zang toutou ding ka hihlam a phawk hi. Mantamtak leh haksatak a branded thil va lei sang in K2te mah lei geih phatuam kasa zaw hi, ken chuh.
Sorry mom, I could not always have the best in life!

Comments on ZOGAM.COM
Comments (13)

1. Written by Cob, on 26-11-2008 19:02 , IP: 61.11.90.52
Delhi a Sunday market bang phawk huai zozen!!! Innlam tu khawng in Tedim road ah Christmas bang nai ta ahih man in kiphu luailuai di ua...second hand gim bang nam thethu dia...lungleen huai.

Ka nun' van hon lei sakte a fuh thei thou a ka pan hon lei sak te....kareeeeeeeeeeeee!!!! i silh louh chia bang amah ana heh sim zomah!!!

Nuam mahmah e...
2. Written by Vangngaihk, on 27-11-2008 09:50 , IP: 164.100.1.9
Hollywood star minthang,lamsiam leh pilot siam mahmah leh eilam a i etton mahmah uh John Travolta biography ka sim khakna ah zong, anaulai a aNu pil a sak na penpen Second hand dress a na leisak zel na ahi.Aman lah tawm, mihausa te silh bang bang thou silh theihna lampi khat ahi a, kei ngaihdan ngial in Second Hand Market i gam a hong tun khak hi Pathian vualzawlna i tankhak te lak ua, a thupi pawltal hi'n ka ngai hi.
3. Written by THOMAS, on 27-11-2008 10:32 , IP: 122.162.115.68
Dear Kam,
K2 telloua om thei lou hita hang e. Puan quality hoih zaw, sum bei tawm zaw. . zat zel ding hi mai!
4. Written by joylie2, on 27-11-2008 11:45 , IP: 122.163.140.112
Mr. Kamzalian don't be so sorry to your mom, cause BRANDED things are INJURIOUS TO PARENTS.
5. Written by Peng, on 27-11-2008 12:51 , IP: 64.136.27.225
good job klian. kinda interesting the way you put together. i prefer k2 than k1 because k1 is toooooooo expensive and outward appearance is not sooooooo important anymore if you are already somebody. when you are nobody you need k1 to hide who you really are!
6. Written by dam maw, on 27-11-2008 14:52 , IP: 203.199.35.29
K2 toh ana ka khangkhia a, sunzom tou zel ding ka bang. I deih a lungtunna tak va leikhiak bangzaw bang e K1 kichi ut sim zaw ahi. A man tawm, puan quality lah hoih ki afford zou pen ahih chia. Lawmte'n brand hoih ngellou tam man sim a a lei chiang bang ua, a sum uh pam maih ana kisa theilua kha hi'n maw... A hi tak in va genle eimi chu K2 silh lou a khangkhia i om khol d ua hia ka chi mai a.............
7. Written by ngeisok, on 27-11-2008 13:01 , IP: 122.162.115.68
"Numei toh vanzuakna, a diak in K2 zuakna, ah hohlouh ahoih. Hoih a sak uleh a deih uh a tam. A ngakkhiat hak toh i heh ana suak man".

K2 zuakna/sinna ah numeite'n pasalte (hb & bros etc) ngai lolou kihi zaw dan ai...coz avek phial a ki ensuak ut ahih tak teh, pasalte patience in daih lou naksek ana hi ve..guai..a topic nuam atave...seasons greetings a hi top hi...
8. Written by lianpu2001, on 27-11-2008 15:06 , IP: 164.100.24.182
Htp Kamlian in thil sapkik siam mah mah sa ingh. A school naupang te'n zong amah a brilliant dan gen hive un.
Mi kizen ichih te zaw nu hoih nei te mah ana hi tang pi ahi. Chiang Kai Sek te Chatrapati Shivaji te chan chin i sim sim hang in ei lak ah jong nu hoih hun khop om hi.
Hih thu pen mothers day toh kituak a khah khiat hizomah leh ki tuak di hiven.
9. Written by lhauzel, on 27-11-2008 15:10 , IP: 220.227.122.205
K2 zaw i khosakna toh kizawi tawn in a hoih mahmah, hilele a health issues te le i manghilh louh a hoih. K2 khah innlam chauh a om i sak le... Vaigam khong ah le tamtam dan ahi, kou omna kiang ah bang kal khat a nikhat K2 zuak ni om in chin, huai ciang a eilam mite (north east as a whole, mongoloid race) a kimkhat khong pha mawk... A khenciah zum huai bang kana sa tuntun sek kuamah theihlouh in. Innlam khong ah chuh a poikei, hilele vaigam a vaite muh a K2 va sing ekek in a hon muhsit na uh a liansak zo mai diam chih khawng hon ngaihtuah sak vungvung...!!??
:sigh
10. Written by zamuan, on 27-11-2008 15:29 , IP: 59.97.184.194
Hoih lua, k2 a kikhanglian chiatsim leng kihiphing lou hia. Neizoulou lua ihih chianga, k2 a puan (fabric)fuhdeuh i leikha a fuhdeuh a i honfit bangzaw, koi a na lei a hon chi chelchul uh ei sam ve, kum 20 paita in leng. Bangladesh relief, Tsunami relief, Gujarat earthquake relief khong eilawi in hamphatpih ihi maimah ve ua. Vaite`n lei utlou sim vial uh,lah noulam Northe East lamte numei bang kichei hoih theilua uh, koi apat nalaak uh aa hon chi thepthup zel uh. Tuchiang in chu vate`n leng lei mah mah ta uh hihtuak. K2 le Vaangdeuh pian lam hilou hia.
11. Written by Chinmuan, on 28-11-2008 19:35 , IP: 123.236.52.137
china/korea leh far east productte khawng fitting bang leng kituak lianlian ibanga ken leng hoihsa vanglak ing. :)
12. Written by Gemgam, on 28-11-2008 21:10 , IP: 59.177.68.156
adih tave mo na thil gel pen........kp it up n wrte mre in future :)
13. Written by Big^G, on 29-11-2008 02:38 , IP: 202.41.205.71
Na gelh utna ana sawtta kha mai thei, himahleh ahun geih in na hon gelh a asim anuam kasa mahmah ve.. adik mah gelh ihih chia chi o! :p

Comments on ZOGAMONLINE.COM
keuhthang
November 27, 2008
213.225.136.163
Votes: +0


A puanak, a khekol chih te khawng i deih nak a leh huai a underpant khawng bang e a mullit huai luat na ding, hoih thou mai lou ding maw? K2 mahmah branded khawng hizomah lai dia smilies/smiley.gif
report abuse
vote down
vote up
phualva
November 27, 2008
61.2.182.27
Votes: +0


i zo khovel, i zo economy in K2 lam mah support zaw bang sim mah ahi. a economy lam genlouh in le aizawl khong a mi hausa i chihte bangin le blanket, curtain, jacket, shirt etc etc k2 mah zang uh ahi a chi uh. k2 ahihchiangin a design khong eilak a kimute sang a hoih zaw se a chi uh.

huaiban ah k2 lak ah mi zat nailouh, old stock pack bang a om a chi ua, underpant khong leh bangbang hiam leng a label leh sticker khong omlai pawl om ahi chi pawl bang om zel uh

No comments: