Friday, January 2, 2009

Those New Year resolutions

Kum hong thak chiang in goal setting leh resolutions i nei jel uhi. Mihing ihihna ah a kisam leh poimoh mahmah khat ahi. Tutung kou veng in Kumthak dawnna ah kumthak kipahpihna item sai ding in seh in ka om hi. Tua ah ka thugen pawlkhat ka hong taak lang deh.

"Ei pawl in van thak; mobile, gari, camera i lei chiang un a bawl ten a hong piakkhop user manual i sim ngei kei uhi. Sabon leh cream i leite natan un guidelines a nei ua lah i simngei tuan kei uh. Ei tualteina suang in i khoih/zang suk pah ua i zang thei mai uhi. Lamkhat ah siamtak leh smarttak bel hihang. I van thak pen a hongbuai ahk kisia zomah hi. Bangziak a chih gentam a ngai kei. A user guide/manual sim khalo bek thamlo in i zat ding bang in zangkhalo i hihman ahi. Hunthak kumthak ah i ding; i pai ngei lohna leh theihkhak ngei hetloh hunte ahi chih i theih masak a poimoh. Hun leh nna teng bawlpa i biak Pasian kiang ah dong in kinga le hang a manual sim toh kibang ahi chih thei ni. A mah muang in dong gige le hang kizang khial lo ding a, a hoihpen in i zangkha ding hi.

Kumthak toh kiton in goal setting leh resolution bawl ni. Bang chi bawl ding chih a theichianlo zong omkha ding. I resolutionte pen hihzoh ding (attainable) ahih kul masa hi. Tua ban ah eitoh kisai ahih a poimoh hi. Hoih sak man a i goalding a koihmawk ding ahi kei! Tuaban ah etkik kik theih (reviewable) ahih ahong poimoh hi. I etkik theih tan kia hilo in a chiangtan ettheih (quantifiable) ahihding poimoh lai hi. Hi chiang ka tungta maban ah hizah omlai chihtheih ahih ding ahi. I goal leh resolution bawlte pen apoimohdan dung zui in (prioritize) semkhe le hang hoih ding hi.

Midang ten tukum zaw kg 5 ka loss ding, Ann ka tawm neek deuh ding, midang ka awlmoh deuh ding, ka innnkuanpihte toh hun tampi ka zatsawm ding, sum tamsem ka lohkhe ding chih bang anei ding uh. Hoih leh zong ei a ding in a hoihpen khol kei ding.

Na New Year resolution te laipeek khat ah gelh khia in la a nuai ah na suai kai in. Na gelh khiat teng deihhuai leh goal ding a neihtaak ahi ding a; na semkhe mai ding hi".
--/ Ka resolution bawlna uh --
--/

No comments: