Sunday, January 11, 2009

Zawngtah meh kei ve ua

Zanitak in zawngtah ka meh ua; lim hita ven! Pianna Zogam apan hong kipan hi in maw. Inn lam pai ten deihsaktak a hong kholh uh ahi. Ne kha ka hih chiang in ki sialhna tham sa lel ing ei. Meitei ten gaap hoih deuh a khai khak uleh ki chapousakna tham ching sa top mai uh aih chiang a maw! Lei d chu thukhat, muh ding bang zong tutung a vaang mahmah hi.

Tutung Mautaam toh kizui ahi diam ka zawngtah un hong kungkeu a. Kou a kia hikei midang tampi a zong kungkeu. Amau[meitei ten] a kungkeu pen ngai thei lo in study khat bang pankhesak zozen uh. Central Agriculture University, Iroishemba, Imphal West, leh Agriculture Department, Government of Manipur ten a suizuina uah zanwgtah kung pen nget [tree borer] bang deuh in a neek man in si hi, chih mukhia uh.

Zawngtah, Yongchaak or petai peuh a kichi a. A botanical name ahihleh Parkia speciosa ahi [Ascientific min ahihleh Parkia roxburghii] Stink bean bang chi zezen le uh zong kei a ding in a real delicacy ahi mai! Khatvei resort khat a French leh Italian food ka neekkhak te, just light breakfast dia 300+ a hong bill nate utoh teh in lim kasa zaw (tham).Ka naupan lai Forest department ten singnou a suan lai uh, early 1980s in Parkia Javanica kichih lamtak lah ka thei lai a. A min pen bangteng hita leh liim kisa himai. Ei chauh hi khang a ne leh liimsa, South East Asia gamteng zong hi .

Zawngtah veih i san leh uih hita ven chih loh gen ding a om kei. Pawlkhat ten methane gas a om man hi chi. A hihhang in ah ken bel protein, complex carbohydrates leh amino acid a om man hi, chih ka pom hi. Veih a uih leh protein tam ne hi mai (ka chih geih hi ven). Kuahiam gen dan in veih a uih leh meh lim meh chihna. Phalbi khovot lai a puankawm ah veih kisan khumna dia zat chi chu hi kholkei.

Zawngtah kiat ka U in nuam a sa mahmah a mehkan dikhop a kiat khe zou jel hi. I tui huan a maw, chi isawh a, a tui i hawp ek a, lim lah lim hi'le i kam leh veih uih d chu theihsa poi kisa tuan teuhlo dan hi in maw. A ngek deuh lai te bel tuisa a i diah leh min himai. Huan min luat a liim kei jel a hiven maw. Zawngtah pen i gil a dia hoih mahmah khat ana hi thepthup hi. Digestion panpih a theih ahi. Fibrous ahihman in ah. Zawngtah neek ziak in i sung a se ngei kei. Daileen a su nuam tuan mahmah. Malta i soh thak pen ahi lel i sung hihbuai pen!

Sathu toh thaksim a i bawl bang chu, himai. Unau Meitei ten duhdiak uh a bang, a kiang uah bang na miss pen chi hi dot chiang in, Yongchak eronba chi le uh zong kei [ei] a ding in sathu toh bawl khop kaan a miss huai ahikei deh aw ka chi vungvung.





ZOGAM.COM a Commentte:
Comments (5)

1. Written by dam maw, on 12-01-2009 12:23 , IP: 122.160.209.254
Zawngtah..sa sang a le kiduh zaw kha himawk in maw...Zanlam a @VPL in ama hong puak ngeingei hon hawm in chin, kon bawl taktak uh chu, an nek khit a bang a gilvah hia a kial hia thei khang, gil bang zaw ki zuut pengpeng ve aw..Ankam tumail zuut di bang om zomah le a zawngtah bangle limdiak bang hive aw...
2. Written by singer85, on 12-01-2009 13:17 , IP: 86.96.228.88
ka naak duh e khai,ki ne kha tei leh hoih di hia,ki email ahih keh ki sms theih hileh maw.......kine pha kha di hia :((
3. Written by Biaki, on 12-01-2009 18:43 , IP: 203.122.61.29
lolzz non gelh nalh lua.... :)
4. Written by mvguite, on 12-01-2009 18:55 , IP: 125.19.9.90
Parkia speciosa (petai, bitter bean, sataw, twisted cluster bean, yongchaa, yongchaak, zawngtah or stink bean)= Wiki....sniff sniff.
5. Written by Hoihe, on 12-01-2009 19:05 , IP: 202.89.67.34
Hauhde... gelh fuh lua himai,duh na bang na supuang kachi e....Zawngtah kung keu Mobile Wave`s ziak achih om a bang a,a dik mah adiam...???..Zawngtah kung keu poi himai... :sigh

ZOGAMONLINE.COM a commentte:
3 Comments
keuhthang
January 12, 2009
220.227.149.142
Votes: +0


kou le zannitak toh tuni in ka meh ua lim hitaven...

U Lian chih ding hia Sir Lian chih ding hia..hehe hon gelh zeel zeel le teh hoih in teh... na thil gelh kasim leh pungent smell chih dan te khawng bang le nang gen a kithei chih dan hin maw ... smilies/cheesy.gif
report abuse
vote down
vote up
kawlva
January 12, 2009
122.161.103.240
Votes: +0


kenle tu zing chu zawngtah ka meh cheuh a tam kimeh ngam li..a gim hat lua... smilies/smiley.gif
report abuse
vote down
vote up
Muvanlai
January 11, 2009
122.163.206.96
Votes: +0


I tui huan a maw, chi isawh a, a tui i hawp ek a, lim lah lim hi’le i kam leh veih uih d chu theihsa poi kisa tuan teuhlo dan hi in maw.



@ A zawngtah pen pammaih i sak deuh leh a tui toh sihzou toh bal toh huam leng i nek teh valh nop mahmah.

No comments: