Tuesday, March 10, 2009

Philanthropic Organisation khat kia

Ei ZOMI sungah philantropic organisation tuamtuam ki phutkhia in ki om hi. Khota khat ah nam tuamtuam I ten dungzui in tawm mahmah le hang zong unit ahk branch I om seuhsouh hi. Ei society a ding in hih philantropic organisation I poimohna uh a lian mahmah. Nopni leh dahni hitaleh lou gam leh innsung buainate ah panpihtu ding in phatuamtna lianpi ahi. Tua bek thamlou in function khat peuh i neih chiang un I culture leh tradition lakkhetu in a hong pang geih jel ua pahtakhuai hina uh e!.

Hi toh kisai ka gen ut in ah, a tung a i gente phungvuhna ding in donpi donke hong kul a; pawlpi atam dungzui in donpi donke hong tampah hi. A nei leh hau kitam lou ahihna ah "piak bel uthuai leh piaktuak ven lah ka neih in hong daih kei" chih lungsim ah a hong lut jel hi. Khosung khat in buaina, nopni leh dahni tuakta le hang khosung miteng mah khentuam omlou in I pang khawm ua, a buaipih leh kithuahte I hi jel ua maw. A lehlamtak ah, Kua hiam in ei ZOMIte pen I biakna [denomination] in hong khen hi a chih bang in ken bel I pawl tuamtuam te in hong khen hi ka chi ut hi.

Kei ngaihsutna pan in ZYA khat kia ommai ding. Nidanglai pek pan in haksat leh mangbat ni a kikhente I hi kei ua, tulai a kristian hinkhua toh zong hong kituak mai lou hia, mate? Tuahileh donpi leh donke hong tawm deuh ding hi. Haantohna ding a poimohte bang organisation khat in van a neih leh hun; a group dangdang in kho khat ah neithuah thuah kei le hang a hoih diam ka chisim hi. Tuabang in hihtoh kisai a i sumsente eimah leh i nam khantouhna ding in i zangkha thei deuh diam maw.


 

Tualo in culture leh tradition toh kisai buaipih ding khat I namkhat om henla tuaten a area lianzaw deuh in hong pawkhawm le uh ahoih mai diam maw. Khoteng ah koih khollou in a bawngbawng in omle hang bang a chi dia?

No comments: