Tuesday, June 9, 2009

Ka huan hai utoh kisai

Saimual Veng, Tangnuam khua ah ka teeng uhi. Japan gaal (WW II) a hong ven ciang in ka pu, Awn Za Nang pen a gaaltaina Imphal apat hong pai to in Singtom Mualpi ah hong khawsa hi. Tua khit in Tangnuam ah hong peem phei hi. Nasep kuhkal ahihman in huan hai lam hong pii bawl a theikung neihloh a neikei hi. Theigah muh ngei loh khat a tuak khak leh a tang (seed)/a hiang a hong tawi veuveu in huan sung ah, a duum bawl in a tuh/suan hi.

Lengthei bang a nei masa pawl ka hihman un Thingkangphai, Kawnpui apat nungak leh tangvalte ki heelna in hong nei uh a, ne ding leh lei ding in hong hoh uhi. Nipini bang ka nu'n leengthei lohsa, seeng dim khat bang a koih hang in a ki daih kei hi. Suun hi in zaan hita leh a hong lei uhi. Kou bel Skul kai tawp ciang in suun ann kinelo, temta toh huan ah luutsuk in I deih pen lengthei ki lokhe geih in ka ki neek jel uhi. Kou a tute ka hong picin ciang un midang te'n zong Lengthei neita ahihman in midang te a bang lawmte toh va kigu ut sese hi. Lui ah paipih in lengthei ka guukte uh tattam in a kine hi. A gum deuh ten bel a haa u toh ngiat in a kheh uhi. Lei sipawt zen in kine hi ei. Tun bel ka thei duhloh pen ahita...

Kiginni leh suti ni cihte bang nna dang hih ding leh sep ding in kikoihlo; lou kuan ding hi lel. Ka pu pen strict mahmah ahihman in laileng(kite) bang ama theih in ki bawl leh ki khah ngamlo hi. Nasep ding hi mai. Nna I va sep ciang in, suunkhawl hun in leengthei lim penpen valo unla ne un hong ci hi. Sep ding, tua khit ciang in neek ding cih ama thupi ahi.

Ka haaikung uh 21 a phak lamtak ka thei kha hi.Nidang [kou naupan hunlai ci ni] in ki naak zuak mahmah hi. Kou unau teng pen haikung hoih leh a gah limte' ka ki hawm uhi. Haaizawl pen Ka U Thang a, Kei a pen Bombay' hai cih bang in ka ki hawm bawl uhi. Zingsang ki tho pah/baih hi. Tuni tan in ka U te innkuan a thobaih lai uhi. June 2009 kha bul in ka innkuan un Delhi a pat ka taneu uh 'show' din kahoh to uhi, ka Ute innkuan dak 4:30 in hong thokhin ua haaikiate a tawm khin uhi. Kou bel thodekta sam;dak 5.00 in ka tho khe nelnel uhi.

Thohphet in haai kia ka neu ua pat in ka tawm uhi. Nidang in Ka nu, kou unau teng leh Auto bang in hai min zuak di'n kapaw jel uhi. Naupang lai cihmah tak Lamka va tun khit ciang in baraf khatciat ki tawp in ki lungkim mahmah hi. I gim I tawlna zong a ki phawk nawn kei mai hi. Khat veivei bang kou innkuan teng in pokhin zolo ka hihman un ka tanaute'n seng in a hong puakpih jel uhi.

Aak hiam saa khat peuh a ki goh/bawl ciang in a sa sawpna tui pen singno, haai, bul ah va ki baw ngekngek hi. Nitak zan khomial nuai ah, lauhtheih ding a tam a, a nuam kei deuh a hiven. Tua bek tham lo in saguh bang a hiang khawng ah ki koih deep hiven!


Haai min ma in Theihe a hong min jel hi. Theihe pen peeklum chia pha in a min ciang in a san thei theigah ahi. Hun dang in a kung zaam ah, zawng bang in ki delhte ka ki mawl jel uhi. Zingsang in thung-ip pua in a gah kilo jel hi. Seeng dim khat bang ka ngah thei jel uhi. Tua khit ciang in ka nun Lamka ah va zuak jel hi. September a hong tun ciang in Saiseek gahte a hong min/neektheih ta hi. Zanglo buh aat a kiloh thei jel ka hihman un suun ann ding bang in ka pawthei jel uhi. Phal hong bit ciang in seektuite pen vun zuutna din ka zang jel uhi. Glycerine sang in ci keu a daal hoih zaw in ka thei hi. I vun bang a mamsak tuan a, I zut ciang in a nal henhen jawjen hi.Vaimim hong gaau a vuah hong zuk ciang bang in ki em ut deuh se a bang hi. Ka sing lukham uh siiklawng sung a vang hi. Tua sung ah vaimim I koih min a, I ne bang cu, mui hita ven... Vaimim neek ciang in naupang zaw deuhten tolkhe thei lo ahihman un 'a lampi hong sialsak ning' ci in bangzah hiamtak a lampi sial kawm in ki nek sak jel hi.

Phalbi kuan nitak lam in moogphali va kitou thei jel hi. Tohkhiat masak kheh pah in kamsung ki tun pahpah lel hi. Ka'ng min masak ding cihte bang ki ngaihsak kha vetlo !

Annkam huan ki bawl jel hiven, zuak ding hi in mi kholh leh ei mahmah nek ding phalbi zing daitui nuai ah va loh pen nuamlo a ci uhi. Kamsan lah singtanglo buh lak ah i thehleh a hoih mahmah hi; hou keu a koih theih zomah lai !

Nuntakna hong haksa ahihman in ann ki khamlo ci phot ni. Aata neek bang ki sin to hi. Ka pu gen dan in ann ci nih in ki ne hi; khut tungtawi leh suk tawi kawm a neekte ahi. Khut tung tawi kawm a hici I cih leh Aata huan cihna. A hual buaihuai kisa in a beubeu a ki huan jel mai dan hi.Khut suk tawi a hicite I cih leh bel anntak (rice) ne ding cihna hipah.


Huan hai peuhmah minta, neek theita ahihciang in a masa pen in gah masa Biakinn ah ki tawi se hi. Tuama peuhmah leiding a hong ngen hiam aw, mi vakholh/loh leh kou mahmah in ne ding cih bang a om thei het kei hi. Biakinn ah thoh khit ciang in mi kikhloh leh ki zuak thei pan hi. Ka nu pen lai theilo hitamah se leh a khuak pilna lamdang kasa hi. Thaloh a nnasem ding in ka kuan khiat ciang un a thaman bang zahzah a tang ding cihte a paisa natan in a hong hisaap dik geihgeih hi. Tua hun lai in thalang (half) ka hi lel hi. Huan hai peuh mah a ki zuak khe teng hoihtak in ki record hi. Ni nih ni thum record kha kei leng, tua ni in bangzah bangzah ki khong cin dong leng ka nu'n a hong genkhe thei hi. Tulai pau leh a khuak 'hoih' kasa petmah hi. I recordna pansan in sawm-a-khat kipe cetcet hi. Ka pu laibu bawl ah zong nidang pek a theigah apat sum kimu teng a kum kum in a muh theih hi.

Ka gelhgelh leh hong sau gawp kha ei;huan hai dangte gen nawn dah ni. Ki phatna leh ki pholakna ding a ka hong gelh hi kei. Ka gen ut tak bel “Huan hai toh neek ding kimu thei” cih ahi. Kou a tuuk a khaal a zuak ding nei thei. Tua toh ki vaak leh sikul kai thei ka hih man un mi dang ten zong neek leh taak zonna ding in 'huan hai' ciing le uh cih ka deih man hi.

For more pic CLICK

COMMENTS
FROM ZOGAM.COM
Comments (10)

1. Written by THOMAS, on 09-06-2009 16:56 , IP: 122.160.136.137
Dear Kam, Enhuai mahmah chia. Khut nasep gah a lou na hi petmah uhi. Khangthakte'n hong zun zek uhen aw.
2. Written by Vangngaihk, on 09-06-2009 16:58 , IP: 164.100.1.9
Office paikuan kuan in lung su leng mahmah chiai Kamlian aw.A sim mai le hilou in, a et le anuam. Mi taima te adin nek leh tak Pasian in bang lampeuh ah zong piangsak jel mah hi. Ka pa'n a hon thuhilh na khat zong, 'mi zingsang thoubaih te lohching uhi' chih ahi. Lou na seem zong, lai na sin zong, thohbaih lohchinna bul khat hi gige in tuat ing. Hon sun khe zel ou.
3. Written by sukduk, on 10-06-2009 00:03 , IP: 122.169.201.58
Quote:

Kou a tute ka hong picin ciang un midang te'n zong Lengthei neita ahihman in midang te a bang lawmte toh va kigu ut sese hi.



:grin :grin :grin

'lim tuam sese' chi lai ve.. :zzz :zzz :zzz
4. Written by TSM, on 10-06-2009 10:27 , IP: 196.15.16.20
Na huan ah U Ngaihlian le kamu hehehe
5. Written by dam maw, on 10-06-2009 10:34 , IP: 202.140.34.1
Nak sim nop a maw dipdip mai. Na huan a haikuangte bang mitkha ah a lang zozen a. Na theihia kung ua ki delh ekek lai bang, na haikuangte uh nuai ah tutlai bang leh Nipini suun chia na seek kung nuai ua tutlai nite bang ngaih huai mahmah ei.
6. Written by zopalbawm, on 10-06-2009 14:06 , IP: 202.141.141.254
Ulian,
tuma april kha in lamka ah pasikhawm lomkhat (khutlai kilh zah) pek sawm in zuak ua, Bang cidan? Imphal ah hiaicia a lian lom khat pek 2 in kimu, a zuaknu kiang a ka cihleh, Imphal ah va lei ve, hon cihsan. Meh leh theigah khawng innlam a kiman isakleh na huci nawn kei veh aw. Huan neite'n a thak in hong kipan le uh meh leh theigah ciin hong kisiak uhenlan, deih zahzah deih hunhun a kimanzaw deuh a muhtheih leh nekbat uthuai mahmah hi cih ka va mukhia.
7. Written by vaphualization, on 11-06-2009 00:31 , IP: 220.227.149.142
Quote:

Vaimim neek ciang in naupang zaw deuhten tolkhe thei lo ahihman un 'a lampi hong sialsak ning' ci in bangzah hiamtak a lampi sial kawm in ki nek sak jel hi.



vaimiim lampi sialsak, haha lungleen huai e
8. Written by Archi_lun, on 11-06-2009 09:45 , IP: 122.160.69.34
Ukl, sim nop mahmah ai :grin :grin :) :) :) :)
9. Written by Ding, on 11-06-2009 11:07 , IP: 203.199.35.29
D/KL,
Hichibang thugelh om mengmeng lou luang (flow) nalh tak mai leh simnop tak mai dia describe in non gelh a.. ka lung bang a leng zezen..

Kou le Lamka ah huan neuchik ka nei saam ua, thei chi tuamtuam ka pu taihmaakna ziak in ka na neikha uhi eg. kawlsing, haai (mango), nashpati, theimul, theibuhfaai, pear, champara, saisek, singtheimi, sapthei, etc. chih khawng ka thei lai... Bazar a thei nek di ka leikhak lam uh ka thei kei hi. A gah phat chiang in a guk a lawmte toh nekkhawm nuam kisa se zomah hi...

Tu chiangchiang in a gah pha nawnkei a, thei kungte khawng in le lifespan nei mah uh hinteh maw?

Hiai a non gelh
Quote:

Aak hiam saa khat peuh a ki goh/bawl ciang in a sa sawpna tui pen singno, haai, bul ah va ki baw ngekngek hi...


na cih a phattuamna om se mah hitakpi ding hiam? Aihke'h bangziak?
10. Written by kamlian, on 11-06-2009 12:54 , IP: 122.160.59.32
PuDing dotna pen ka hong dawng sukguap deh: Phatuam taktak eive. Hoih deuhse a bang. Na paakte ah try mah.


ZOGAMONLIAN.COM


feed8 Comments
keikahi
June 11, 2009
122.160.59.32
Votes: +0


A foto etbeh utte a ding in http://www.facebook.com/album....1903c7b360
report abuse
vote down
vote up
zokhual
June 11, 2009
124.247.205.217
Votes: +0


Hui ha! A nuam thei tel mai! Kuamah a va lason hiam hilou a, a omlou apan omsaktu - A pa Lian leh a family te salam ka pia. I gam uh hoih si, a sempeihte ading a 'creation of wealth' chance pe ding in zolei kimansa gige ei ve.
report abuse
vote down
vote up
rangkachak
June 10, 2009
86.149.195.247
Votes: +1


oho!! huan hai in inkuan-khosa kivakna tunzou ahi cih hiai ah evidence kiciantak a om ve le... loubawl mite leh horticulture/farming lam lunglutte adia zirlai hoihtak leh etton tham ngahna 'article' ahi ngei ding...

land-based farming icih uh hiai kankan ahi dia hia? smilies/smiley.gif
nektak muhna khop, akhang-khang a kingakna hithei zomah.

UKamlian, ka innvengte' sek ka nek khakjel pen le nou' sek apat kisuan or kilasawn ahih ka gingta, hiai article ka simleh (seriously)
report abuse
vote down
vote up
whoami
June 10, 2009
164.100.41.34
Votes: +0


Tangnuam pen , a taang mahmah lah nuam, thei leh khaici te leng hoih pha mahmah sa ing.
Land holding system kicuup tak nei leng, i gam Zodawn lam khua te khaici leh thei ci tuam tuam te hoih mahmah hi.Kumteng a louvat a gam lianpipi kihal gawp gige pen awl a tawpsap/kiamsak theihna ding lampi i zon uh kul mahmah hi.
report abuse
vote down
vote up
kawlva
June 10, 2009
59.178.175.218
Votes: +0


simnuam mahmah e... mundang a a limlak i muh leh hiai article bang a hong om pah di kha a guk a ki ngak lah mahmah hya.. a hong om a kipah huai mahmah e..

Kare inn lam pai chiang a va phak di himai.. smilies/smiley.gif
report abuse
vote down
vote up
phualva
June 09, 2009
59.161.91.206
Votes: +0


simnuam e. subject tuamtuam simding i neih manin kipahhuai lua! hon gelh zel ou.

huan neih/bawl chih khong leh horticulture lam khong i gama nasa taka i bawl theih, i population tengin le kivakna a i neihtheih ding zaw hikha ding hiven. a huailam nga khollou a thau chihlampang khong i nga souhsouh zaw ua hiven.

utut gensuk le. tukum mizoram ah anteh/hai/theih chih khong a hoih mahmah. hai (mango) bang a gahpha thei law ngut hi
report abuse
vote down
vote up
mvguite
June 09, 2009
122.169.201.58
Votes: +0


"Niteng a maiteh meh gige" chi a phun num2 lai khawng ngaih huai na e!! smilies/smiley.gif
report abuse
vote down
vote up
ppguite
June 09, 2009
122.162.169.28
Votes: +0


Lungleng mah ei... huan limlaak leh huan a gah singte i muh teh ...

Na neu a pan theigah nane a dam thei na ve le...

No comments: