Thursday, June 18, 2009

Pangkhawm hatna- Lengtong pauno

Lengtong Pauno [ mintak Cin Za Hau Pau] lasak teng theikhin ing ka kicih leh khial ing ei! A laa lui te; 'Lia tam a paal zong, Na min thei bang lo kha zel ing, Khamawk zaan' cihte ban gen ding ci leng tam lua. Ahihhang ken etloh in thei khin ing. Lasiam lak ah ka ngaihsang gige ahi. Lapuah lah siam si. A aw mahmah zong ngaihnat huai kasa top mai. A lapaute mahmah ngaih thei se a, a thu luandan zong khumdiak se hi.

Lengtong bandte vaanglai kana theikha liamliam sam hi. Khatvei ka Khua/Veng uah hong zintung kha ahihman in laa kisa saksak mai hi. Kou a naupang ten a lasak zaknop sa lua ka hihman un ama mai tektek ah va tu in kam ka heuhou zen in ka ngaihkhiat lamtak uh ka phawk hi. Lawm Haumuanlun in Sir title a pe namah a hihkhial kasa hetkei ! A ma phuah mah lasa aihciang, deihthohtak a, laa copy ense lo in, a hong sak leh zaaknop diak se sa ing.

ZOMUS in 2008 kum in Malaysia ah konsert a na lak ah asak Pangkhawm hatna cih pen in hong vut khase ahihman in ka hong gelh suk hi. A laathu pen gencian kul kei e, simsuk le cin theisiam lel ni teh. A lathu na ngaihsun dih ve lawm.

Pangkhawm hatna- Lengtong pauno

1. Hunte paipai ni le kha beibei
Khuahun omdante zong ki heihei
Ka zak ngeiloh thu tampi
Ka muh ngeiloh nna tampi
Pian ki lamdang khan ki lamdang ta
Mawk om mawk tut mawk vak nawn ken !

Na kiim leh na paam khuadak dih ve
Na nunglam na mailam en dih ve
Mi omdante khuadak lungngai leng
Ngaihsun hun ngaihsut hunta
Luplup ih mutmut ding hun nawn kei
Sep ding bawl ding tampi om e.

**Tho inla na khedap bulh in
Na konggak na lukhu khu in
A tawntung ki gingsan om in
Hun hong nai zota

2. Gam leh nam a ding pumkhat suak in
Sem khawm bawl khawm ma I pang khawm a
Ki thutuahna Topa’n deih a
Ki lemna mun ah Topa om
Topa eite lam ah hong pang hi
Kua I lang hong pang zo ding hiam?

Tanglai I pupa ten bang gen hiam?
Khuakhat kituak khua kua in zolo
Sakhi in zong a tatnang
Kuam kua khual hi a cih bang
Diamdiam in mailam saupi khual ni
Khangsawn momno te lam sial sakni

**Tho inla na khedap bulh in
Na konggak na lukhu khu in
A tawntung ki gingsan om in
Hun hong nai zota

3. Ganhingte nuntakna lungngai leng
Mun le gam leh lei neiciat uh a
Vasa ten zong bu nei a
Gamsa te’n zong kua nei hi
Amau munciat ah suakta tak in
Ki it ki lem in nungta uhi.

Tuan pupa satsa luahsa gam hi
Mi gam mi lei ah teeng ka hi kei
Ka mun ka gam ka lei ahi
Ka mi kasa te hinna
It ding kem ding cing ding humbit ding
Hih in ka mohpuak lianbel ahi

#Makai vaihawmte zahtak in
Khat le khat sawlna ki mang ni
Sep ding neek ding a om teh zong
Sem khawm ne khawm ni.

ZOGAMONLINE.COM
feed2 Comments
zokhual
June 19, 2009
124.247.205.217
Votes: +0


Naak hoih na mahmah e! Hiai bang la ahi tu hun a i sak - i gel tak di, ci aw, apa Lian.
Nuam zel e.
report abuse
vote down
vote up
phualva
June 18, 2009
59.161.112.113
Votes: +0


hiai la utube khonga a om leh a link khong hon thuah ve ua

No comments: