Thursday, August 6, 2009

JOIN DECLARATION OF CYA AND YPA TANGNUAM UNIT

Dt.26th July 2009(Pathianni) 1:00pm in CYA leh YPA Joint meeting
No.2 vei na CYA Office ah neih ahia, hih anuai a thu te I khosung ah zuih leh
zat ding pawl khat ; leh zuih leh zuih louh ding pawl khat hih anuai a bang
in JOINT DECLARATION ki bawl hi.

1. SI NGAK : Sih na /manna/Siatuahna vai ah hong delh te tung tang ah
Joint in CYA leh YPA Makai te’n a hun leh amun dungzui in thupukna a
lak bangbang uh zuih leh zat ding in ki thupuk hi.

2. HAAN VANZAT : Haan vanzat te ahih leh Joint Meeting deihna bangin
Cemetry Board te’n tu leh tunung in moh hongpuak ding un ki thupuk
hi. Hih thu ah Joint Meeting deihna bangin Cemetry Board te kiang ah
ngetna YPA President leh CYA Secretary min in ki pia hi.

3. P/A SYSTEM : Ahi thei tanin haan dal nitan PA System zat hi thei leh
chih hoih sak thui kigen hi. A ki sai pih ten hon enkai thei le uh chih
ki deih mahmah hi.

4. NAMPUAN TEN : Sihna a haan a kuan leh inn mun a kuan NUNGAK te’n
nam puanten a ten gige tak ding un ki thupuk hi. Nam puan lemchang
loute a ding in puan vom lam ahih ding ahi ding.

5. SILEN KHOP : Si len khop na ah lengkhom ding I hih ngal a leh kua mah
peuh kuan baih chiat dingin nget leh theihsak ihi uhi.

6. PHATUAM NGAIHNA : Hun lui a I khua min se sak thei TANGVAL haan
kuan lampan in om zeuh zeuh ahi chih a kitheih man in Joint Meeting in
poi kisa mahmah a, tua bang ching ten tunung a ching non lou dingin I kin
gen hi. Hih bang thil chiin hoih lou hih te a mi ki thei ahih man in maban
ah ahih lai a om leh YPA leh CYA in a tung tang uh ki ngaihtuah ding hi.
YPA/CYA i chih phatuamngai pawlpi (Philantrophic Organisation)a
hih man in phatuamngaih-na suah diam diam a ki thuman ding in i ki
ngen hi. Phatuam ngai zoulou I hih leh haan ah kuan non kei mai leng
hoih jo ding ahih dan Joint Meeting in ki pulak hi.

CYA leh YPA TOPAN THUPHA TOH HONG VEH TA HEN !!!!!
JOINT MEETING SIK LEH TANG IN

Sd/- Sd/-

THANG KHAN SIAM HANGHAL T. PUM KHAN LIAN

PRESIDENT YPA, TANGNUAM UNIT SECRETARY CYA, TANGNUAM UNIT

No comments: