Monday, September 14, 2009

Thugelh dia cialna

I kim I kianga thu tungte, I muhdan leh theihdan, I Zomi ngeina leh ciindan te gelh leh kep ding pen thupi gige hi. I kepcing loh ciang in mangthang kia hilo in khangthak te’n theilo in I minam hihna nangawn gen ding hong tawm mahmah hi. Tangthu gending neihlo cih pen minam khat I ki cihna ah a ‘hitheilo’ khat ahi hi. Khangthakte’n ‘Thei ing’ cile uh zong tampi na diklo khinta hi. Tuhun in ei minam toh kisai skul naupang ten a gelhsawm ciang un et ding leh maina ding omlo hi.

Lawmte aw, I thutheihte gelhna toh mapang ciat le hang hoih ding in um ing. I skul naupangte, research scholarte ettheih ding a koih pen hihtuak leh ciintuak mahmah sa ing. Amau mahmah in zong a kaina uah assignment, project, thesis leh paper tuamtuam a gelhte uh midangte ettheih ding in hong taakkhe le uh deihhuai mahmah hi. Copyright thu ah bel a themthem in, a tuamdeuh bang in hong taakkhe peuh le uh buaina om ding in um ke’ng.

Hih toh kisai in miteng ettheih ding in internet ah Pu Paul Khaipu in www.zomilibrary.com ah hong kepsak ding hi. A kepsate tampi ettheih ding in omta hi. Na en himhim mah d le. Ama kiangah I thugelhte email lehang na lungdam mahmah lel ding hi. Khakna ding ahihleh admin@zomilibrary.com.

Alwmohna toh,

T. Kamzalian
New Delhi

No comments: