Saturday, September 5, 2009

YSR Reddy lenna toh kisai ngaihdan

Zan lam Andhra Pradesh CM YSR Reddy tuanna lenna amanh toh kisai in ka ngaihsutna ah hong lut ka hong gen deh.
News report kazak na ah a mobile ua pat signal bangmah kimu lo cih thu ahi.Tua bang in a mobile pat signal kimulo/kingahlo cih mawk pen a puakzak hi ding in ka koih pah hi.
Helicopter pen ninhuai zah phial in ana tuang samta hi ing. Bangzah veitak hiam theikei mai ing. Khatvei val hi ei. Kei tuan khakna te bel Dauphin a kicite ahi hi. Amau tuanna toh akilamdanna omtuak kei. 8 seater leh 12 seaterte ahi. Lenna dang banglo in mobile phone pen switch off ngai citciat khollo hi. Ka cihna in ah switch off ding bel himah, ahihhang in switch off teitei ding in hong gen leh check lo uhi. Milian- milal CM kiangah switch off in a cih ding pen umlo hipah mai ing.

Hijack ding ci leng noptuak mahmah leh kilawm kasa hi. A pilot nung mahmah ah kitu pah hi. Aman’ sweets hawm ding in a kuangdai in hong khakphei lel hi. Air hostess cihte omlo ci leng theisiam nop in teh.

2006 December kha in Dimapur khokiangah Car accident ka tuahlai un zong ka mobile tungtawn in hong zong khia uh ahi. Ni nga sung kamang uhi ci ni. Ka nu, ka nau leh Dimhau a sihthu gen sawm bel hikhang. Mobile tracking zang a I omna mun theihtheih ahi cih gen ut hi ing.

YSR Reddy toh kisai in bang hong om hiam I cih leh a tuanna Helicopter pen puakzak, a tuang teng si vek cih ahi.

No comments: