Saturday, December 19, 2009

CLOUD COMPUTING

[With inputs from Mr Manoj Marar]
A min mahmah romantik kasa. Ka theihsiamdan leh ka muhdan hong gelh ka hihman in hong comment/kum ekek ding in ka hong ngen hi.

'Future of computer’, cih toh kisai hibang in kana gelh hi: ‘Mailam ah computer pen a display unit leh connector kia om ding in um ing’. Computer I ci hia, laptop, palmtop leh handheld devices te disposable hong hi ding ahihman in OS hitaleh software a kipat I file teng teng tunglam ah kikoih ding in upna nei ing.

Cloud leh nang
Email na hon ciang in na msg te na computer zatah om hilo in email server ah om pen na mai a computer pen ah om mahmah bang in na en hi. Online a webpage/thugelh hoih nasakte pdf in na convert hi. Hibang na hihciang in a pdf converter software na computer ah om leh zang na hikei. Online a software ompen a zang na himawk hi.

Tuabanga ‘cloud’ a om, Online game na kimawl ngeileh na theisiam mai ding. Na computer ah a game om ahikei, hilehzong na kimawl thei hi.

Na computer [stand alone] hatna na zangkhin ngeikei hi. Gari na heek ciang in a hatna na zatkhit theiloh bang ahi. Khat hatna network ah kikop theih kia hilo in computer tampite hatna a gawmkhop theih hi. Computer zilna mun leh Ofis khenkhat ah centralized server leh LAN [Local Area Network] a kizang hi. Na computer terminal zat pen in hard disk ki neihtuam keileh files, data leh program tengteng server ah kikoih cihna ahi. A omdantak bel a server in nou a zil/sem teng hong buaipih/kop ziahziah lel hi. Mun leh gam tuamtuam ki zomkhom ahihleh WAN [Wide Area Network] a kici hi.

I desktop mahmah zong ki share tuahtheih ahita. Na computer a buaileh na lawmpa mundang a om in online in a hong bawlsak/set diksak thei hi. Cloud ah ka computer crash, ki boot theilo cihte a hong tawm mahmah ding. IT engineer te a ding in a hong noptuam banah nasep a dawnzang ding hi. Na Office a Computer tengah software leh patch/updates na thunvek a ngai non kei ding. Version tuam tuam zat leh buaipih cih pen nidanglai thute ahih banah a patch amau toh kituak thun citciat cihte bang a hia? cih a hita ding. Munkhat ah thun le cin a hun mai ding. Software license tampi lei a ngai non kei dia sum senna a hong tawm deuh ding. Na zatdan toh kituak in a zatman na pe lel ding hi. Zatloh dingpi software full package lei leh zatlohpi piak ahi non kei ding. Electric fee leh phone na zatdan toh kituak in a zatman na piakdan bang ahilel hi.

Na utna mun mun ah na access thei dia, inn munah ofis na kai ding hi. Na zi leh ta omna, eh na ngaihzawng omna manoh a na pai kawm in ahk Holiday na zatna munah ofis nna na semkawm lel ding a, na ut teng leh a poimoh teng at the touch of a button a hong himai ding hi. Na data server host tu kiangah ‘switch ON’ ding in phone bawl a ngai kei ding a, nang mahmah in na tutmun ah na ON lel ding hi.

Na computer pen access unit/port a hong hi lel ding hi. A system ah na lutna ding in web browser dandeuh zang in na user ID leh password na gelhlut khit ciang in, you are on Cloud number nine zaw hi hial kei in ‘cloud computing’ ah om na himai hi.
Na screen ah bangteng hong om ding cih pen a gentheihkei. A ki bawldan ah a kinga. Website design tuamtuam a om toh tehkak lel in. Front end cih min a voh uh. A sungah bang ci bang a nna kisem cih pen a backend toh kisai ahi.
Front end leh backend om ahihleh middle zong omding cihna hipah maw. A middleware ah cloud a omdingte nasep theihna, a rule leh law, access right te a kikoih hi. Cloud in static IP address a nei hi. Zatdan toh et in private, public, community leh hybrid cloud in a kikhen hi.

Tulai in website bawl cihbang hong kithang mahmah hi. A website min, domain name kici hiven na leikhiat a kul hi. Tua zoh ciang in a file te kua’n hong kepsak ding cih buaipih poimoh non hi. Hih na data leh file hita hen aw, na thu kigelhte a hong kepsak/host ding in mituam a zattheih hi. Ei zomi Pu Paul Khaipu in zomionline ah zogam.com hita hen aw website minthang bangzah hiam a host sak hi. Cloud a ding in zong host a poimoh hi.

Server hoihtak leh mantamtak va lei a, cooling system hoihtak thuah a, a koihna ding buaipih cihte a hong tawm deuhta ding hi. Mite service zattheih lel ahihman in. Na poimoh pen ‘just ask’ toh na ngah mai ding hi.
Upgrade na bawl ciang in na setting sate a hihbuai kei ding hi. Ka Ofis uah tech a upgrade ua ka nasep leh setting teng buaizak cihte om ken teh. Na personalized customization teng a hong zahtak sak ding hi. Fuh tuak tho hilou.

Online backup Mozy, idrive te a free in a zattheih hi. Microsoft ten skydrive a pia uhi. I gensa mah bang in na OS zong online ah om thei hi. eyeOS.info zang le cin ‘cloud’ toh kisai theihsiamdan khat a om hi. Cloud ah na computer taktak bang in a Files, Folder cihte a bawl thei banah a set theih hi. Kizenna khat a om zawzen hi.
Company bangzahhiam te’n hih technology a zang panpanta uhi. Microsoft, IBM, Sun leh Google ten sum tampipi seeng in a telkan lel uhi. Cloud Manifesto leh a zat dingdan kikum khawm in a buailel uhi.

Na inn/Ofis uah data kep/koih a ngai tuankei hi. Na utleh bel Disaster recovery ding in back up mundang ah na la thei zomah hi.
Phone call rate Rs.28/- a pat in a hong kiam deuhdeuh cih I thei ciat hi. Mailam ah phone call kia hilo in internet charges a hong niam deuhdeuh ding in lamen ni. A hat mahmah 3G leh HSDPA connection bang kizangta. Cloud zatna dingah hong phatuam ding.

Midang ten na min zang in a login sawm leh theihsakna, alert na kiangah email hiam in a IP address tanpha a hong ki hilh ding hi. A IP track le teh, a luhsawm Chinese te mah na hi kha ding hi. Port kihongte ah lut/luhsawm gige a pheden uh ana hi phiangsan hi.

Na zat gige na email zong bitlo hi. US a Governor Sarah Palin yahoo email ki hack cihbang news ah I simkha hi. Hackers ten na email a hong thei ua a en thei uhi. Road highway toh tehkak ni. Email na khak ciang in highway a gari taite bang ahi. Hackers ten a gari/ na email pen a domkhe thei ua, hongkhia in a sung a omteng en kia hilo kheng/ edit thei uhi. A theih/khoih khit uh network ah koihkik le uh bangmah na theikei ding. Hibang venna ding in Virtual Private Network (VPN) a kibawl hi. A traffic email pen a mu/en theilel uhi. A mantang theikei uh. VPN zong bangdang hilo in internet mah zang a mun tuamtuam a om company office te centralised server a kizoptuahna ahi.

Key logging toh kisai I gen ding. Hacking bawlten na computer ah na type lutteng ciamteh thei ding program neucik a thuah thei uhi. A diak in na username leh password ceptehna in a zang thei uhi. Hibang pen cloud computing ah a lauhhuai pen himah leh a kiven theih hi. Virtual keyboard cih bang zong a omta a na type/click a theihhak deuh ding hi. Hi sang in a bitzaw a hong om lamen ni.
Google in OS bawl ding in a kisa lel cih thu zak ahi. Web 2.0 toh kisai social networking sites leh Web-based OS hong kizang tam din a lamet huai.

Lauhhuaina leh hoihlohna

Mi gilo te a ding in a hong nuam mahmah ding hi. Muntengah zat theih ahihman in. A boss pa ahk IT engineerpa kidnap zual in company a sum teng leh thil poimoh tengteng khengsak/ hihsak le uh ki chai vawt.
Files, software leh system bang ci maintain leh zatding cih toh kisai ‘standardization’ a om nai kei hi. Hong hostsak khek ding hile teh buaihuai thei cihna.

Data leak leh site block te ki visit jel cihten buaina hong piangsak thei hi. Sepna mun ah pendrive leh data koihtheihna mobile phone phallouh hile zong online in guuk theih a hihman in pilvan poimoh lua ahita.

Na email message te ki filter thei ahihleh a sunga om msg te hongin a enthei uh cihna ahi a, bitlo cihna hipah mai hi. Tua mah bang in cloud hong hostsak data center te’n khoihtheihna nei uhi. Hibang I genna ah a data a neitu kua a cih gen poimoh non hi. A kemtu a hia ahihkeh a koihsaktu a? A koihtu in a deih bangbang leh ut hunhun in a kemtu in access sak kei leh buaihuai thei hi.

Muntuam leh Gam tuam toh kisaina ahihman in dan [laws & regulations] toh kisai in nawngkaina omthei hi.

Mailam ah bel a cloud computing service pepawl, a interface I ci hiam a access theihna ding hardware bawl pawl leh a connection pepawl a hong kikhen ding in uphuai hi.
Let ‘the cloud open’ ci in ngak ni.

No comments: