Saturday, December 12, 2009

En Kho Suan Gualnam- Thu Go Siah

THU GO SIAH:

1. Na unau teng ua Pasian thupha Pa leh Nu tungtawn a hizah ngah na hih man un, sepkhiat muh khiat khempeuh ah sawm-a-khat(1/10), I Pasian a liin lian;Amah in zong kei a a cih: ei toh ki pe-mat kha lo, ahi, piak pelh lo ding ahi. A pe lo te pen Pasian gu suak ding hi.

2. Pa leh Nu tawn a Pasian in hong gualzawl hi. Pa leh Nu zong na gim na tawl tham loh, cintui na kang liang a, ong na khoi leh kem uh hi. Tua ahihmanin khasum nei te in khasim in Nu leh Pa Rs.100/- or 2% of basic pay tuak piak kilawm hi. Khasum san na neilo te in zong a neih zia a zil in
Nu leh Pa a huh ding uh kilawm hi.

3. U Pa pen sa thu a I Topa hi. Amah zahtak leh tung et in, thu neu leh lian ah dawng khial ngei kei un.

4. U in vai khempeuh a ;a, saat ahih manin, kumkhat sungin naute’n khat vei bek an nekpih leh dau pai ding hi.

5. Khasum sang te’n inn-teen, lo-teen a tuam a neih ciangun, kha khat loh U Pa a tut uh kilawm hi.

6. U in zong naute deihsak in a hoihpen leh a sang pen a tunding ding a tup
leh a ngim ding ahi hi.

7. Nau Pasal leh numei te in inn-tuam, lo tuam aneih ma un, sep leh bawla, loh khiat a neih uh leh U Nu leh U Pa te khut a tut ding uh ahi hi. Inn-tuam leh lo-tuam nei thei din mun a, a om ciangun zong, saving/GPF leh adang dang amau min a om te pen U te phungvuhna dingin a nutsiat ding ahi hi. Khasum sang lo ten zong a hi thei zah zah a, U pa te zah a huh ding ahi.

8. Joint Bank Account neih a hoih hi. Project tuam tuam gel un la, sem khawm
in zong khawm un.

9. A thupi pen in Pasian lo buang, muan zawk leh suan zawk; it zawk leh ngaih zawk in bangmah nei kei un. Pasian mah muang in, na haksat ni uh leh nopni un bel in len tin ten un.

10. A tung a thu te pen khak khiat sa tanu ten zuih ding cihna omlo hi.

TOPA’N THUPHA TAMPI HONG PE TA HEN.

Sd/-
En Kho Suan te nupa

Source: En Kho Suan Gualnam biography, 2008

No comments: