Monday, January 18, 2010

Kikimna Khovel

a kibang geih cih milun Chinkham in a gen jel pen dikna khat om hiveh aw. Kikim vek zaw hi hang.


Leitung mihingte Pasian in hong siam vek i hi. Ka ngaihsut vengveng ciang in i omna pen 'kikimna khovel' ka ci hi. Khial a piangvek, gawtmun tang ding ngen i hi. A zawng a hau ki deidan thei i hi kei. Tuni a mizawng i cihpa a zawng hiphot lel hi. A pu-pa mihau na hithei a, tua bek thamlo in amahmah a hau nailo lel hithei zomah hi.


I biak Pasian in zong it leh deihsak tuam/deuh neilo ahihman in kikim vek ihi uhi. A khelhna uh kithei phadiak ten ' kei Pasian in hong it diak' ci uh a hilel. A hihhang hong ngaihdamna kibang vek jel hi.

Ki kimna khovel ahihman in kihtak leh va tung-et a muhsang luat ding zong a om kei. Kihtak cih bel kizahtak toh kibanglo ahihman in a tuam in koih le hang. A niamte hi in a sangte amau tuabang ahih laitak uh ahilel hi. Tualo in I innkuan ciat en le hang khamtheih a buai, guta-lata leh mi ginalo kia gentakloh noptalna leh numei-pasal kal a buai ki om ciat hi. Hi toh kisai in Biakna makai leh nam makai te a awl tuan kei. A mau zong a buai veve uhi. I ki theihtuah ciang in midang i ngaihsang simpa zong eimah bang ana hileltak hi. Meigong daipam a mite simmohna ding ahi tuan kei. Kei tagah lubawk nangawn thupit sawm mahmah hi ing a, thupi nailo lel in ka kikoih hi.


Tuni leh tukhang a thupi leh mihaupa zong a tate leh tute khang ah khutdoh dingpa zong na hithei hi. Makai, mihau leh miliante a kiphasak leh ki-otsak ding uh ahituan kei. Kuaman ih maban ding theikhang. Tuma in kithuk pianpian leng nuam cih ka gelh dan in i letlai leh hauhlai in i gitlohnate mite'n hong thuk mawk leh buaihuai kia hilo in a paap i pawzo kei ding hi. Kei khang in zong mihau leh milian tampite puksiatna mukhata ing. I tenna leitung akipei bangin leh ei toh kituak in Pasian in vaihawm in hauhna leh zawnna mihingte tungah kipei lel in mu ing.


Tuni a mi thupi leh haupa zong a zi hang hiam, a samggampa hang, a tate ahk ama hang mahmah in niamkiat thei hi. I pilna leh siamna tuamtuamte ki simmohsak ding zong ahi kei. Ki zahtak tuah in ki hoihbawl ciat le hang human rights issue cihte a om kei ding.
Ompih leh nasemtu neite zong ki poimoh tuahna nei ahihman uh ahilel hi. Etdan tuam in en le hang ompih ngaipen niamzawkna khat nei in ka koih hi. Cih bel amah kia a khosa theilo ahihman in. Hoihtak in ki kem kei le uh, Labour law, Wages Act leh human right activist om ahihciang a ki khotuah hoihdeuh ding poimoh hi. Zomite pen suak leh sal aki neite i hikei hi. Thadah leh omdan banah mun leh mual ginatlohman in 'tualniam' deuh bel om mah hang. Ni dang ciang a khangto ding kisa niam phot zawzen a cihte uh na hithei hi. Sia Do Khup in zong a film bawlte ah na lak khin hi. Tu hun a khutdoh a ngen te'n doh denlo ding a mi hausapa zong hausa denlo ding hi.

Damlohna gen ding cile hang gen ding nei ciat hihang. Kiphat ding cile hang kiphatna ding bang na omciat sam hi.Ki fuhsak deuh a mi nasimmohbawl lai in na bucinlohna khat hong leh nuihsan hiauhiau thei uhi.

1 comment:

kawpsiam said...

dik mah2 ei....AMEN...