Saturday, April 10, 2010

Beautiful pix

Hiai thu toh kisai a ka phak khak na khat Ooty kilawm leh puah uh leh gahsuahsak uh kasa mahmah hi. I la ua, "suanglei gam kitawi" chi a i sak dan uh bang ka sa hi. A mual kikah toutou in, huchin tangdung kilawmtak ana kikhung jihjiah te ah tea leh coffee te hing dimdim in kichiing dim hi. A guam kal te ah tui bang luang liahliah in nak kilawm kasa lua hi.

Madurai apan in Ooty manohna a kitawn lampi dungtawn sim phial ah lampi sik tuak ah mange (tengtere) pou suak in huai te hoih tak in gah pha mahmah uhi. Ka taxi pu pa uh kianga hiai te a utut in lou thei uhiam chi a ka dot uh leh aman, hilou e, Government a ahi a, kum teng in auction jel ua, huchin huai ten lou jel uh chi hi.

Hiai bang gampuahna leh junna ei pawl in leng lunggulh takpi in a lampi ding sial leĆ¢€¦kua a ei gam ah ahi thei hetkei ding chi thei.

Etsakna ding in Tangnuam khua te bangin NREGS nasepna ah - singnou leh theinou lampi dung a suan honpan in, hoihtaka enkol in kum bangzah hiam khit chiah pichin leh kua khua te a juilou ding. Lamka-Singat lampi hoih in nuam mahmah i chi ua...huai dung a khua omte'n a lampi dung teng mah ah sing honsuan uh henla honpuah le uh, amau adia lah NREGS sum lohna hi veve lai ding ...... Thil hoih ei gam ah leng piang thei hi chi in lamen toutou lai leng.
~Ms. Chinngaihlian

No comments: