Wednesday, April 28, 2010

Mun leh mual neih poimoh

I tenna uh Lamka khopi ah mun poimoh teng leikhe geihgeih pawl om cih thu i thei ciat uh. Bangzah leh bangteng leikhin [khahsuahta ihi ua] cih genna ding in data bangmah kanei kei. Nidang in Hausa te thuneipen ahi. Tuhun in bel hausate hinonlo in a mun neite ahita. Ka ngaihsutna ah hong lut pen 'New Lamka ah innmun neucik sum tampi in va leikhiat auh-auh sangin a singtang lam zawdeuh va lei a pilhuai zaw de aw cih ahi'. A hunkhoptak bel New Lamka leh a sehvel ah teeng khinta hang ! Hun phot hen. Ann pianna ding mun poimoh ahihman in tenna in va nei non kei le hang hoih kasa hi. Singtanglam zawdeuh ah mun leiding, huan-hai a pal zawdeuh leh kumtam daih deuhte ciing le hang sing manpha a 'suansuan' kia hilo in i gam ecological problem aki solve khak banah nektak leh summuhna in a pang ding hi. Kuate hiam in tax hong dongh in hong buaisak din koih kei phot le hang. Hong vengbitlo a hong don taak ulehlah ka goverment nahihman in hong pumvak in cih d himai !

I tenna mun pen ei control ahi mai hi. Eskn: Pangzawl khua hausa Thado i cihte ahi. A khomipite eimi ahihman in thuneitu ahimai uhi. 1997 in amau hahpan manin eipawl Tangnuam khua tawn in a hong dou ding ana khaam uhi. Khaamzohloh a hong hihtak in Tangnuam incident: minih in sihna a hong thuakkha lel hi.

Eipawl ngaihdan in Unau Thahdo ten i gam uh hong tuh [tutkhiat sawm] cih ahi. A diklel in genle hang i tenna mun tamzaw amau gam ana hi ngei hi. Eite a peemlut hizaw hihang. Singtang apan peemlut ngen cile hang a sihzakdah bang omkha ding hihang. Nang leh kei peemlutte ihi uh. Kou WW II vaiveng khitin Tangnuam khua ah kana teenglut uhi. Peemlut ihihna ah a neitu om ding cih theih apoimoh. Neitute'n hong nohkhiat theihloh na ding in leikhiat a teen ding hong kisam hi. New Lamka mun bangzah hiam Tangnuam te a na hi ngei hi. Singtang lam apat hong peemthak leh kihisak deuh a omciang in Tangnuam khote'n a ngai thei hetkei ua; a vawsuk geih jel uhi. A tamzawte singtang khua apan peemlut ngen ihihna uah thil omdantak in theikei cihna ahi. Singtang a pan peemkhia cihciang in, ahihthei zawdeuh leh a pil deuh teng genna hipah hi. I peemlutna muh ah va kipilsak leh tualteisak pen hihkhelhna khat ahi. Unau Thado ten zong munteng pen kogam ahi a ci thei tuankei uh. Amau ten ma a na teeng te'n tuabang in tuh leuleu le uh amau neitu ahihna omkha tuanlo cihna hi. Mun leh mual pen va lei a, a va teengte a ahilel hi."Selung geel non ni".

FCI godown sakah ISBT terminal, Tangnuam khokhung ah a om hi. A mun toh kisai ka hong gen deh. Tangnuam khokhungah CBA in Orphanage Home banah Prayer mountain cih ding mun liantak anei. A sak ah Mizote khat etkolna nuaiah gam lianpi a om. Hih mun lianpi pen mi bangzahhiam kipawlkhomte a' ahi. A kiangah Lanva khote hanmual ahi. A saklam paitou le hang den a i gen ISBT mun ahi. Mi pawlkhat khua namu zawdeuh ahihman in Tangnuamah innluah d zong leh mun lei ut bang a om uhi. ISBT sak pen haikung lian mahmah khat pou ahihmanin "Haipi bul" akici. A kiim le kiang teng leikhiat khit ahita. A banah 'Zawntahphai louzau' ahi. A ban gen lai lehang Thado te gam ahihman in 'siah' piak a kul hi. Gam neite kiangah ka nu toh siah piak hong awlsakna dia ka nget lamtak ka theilai hi. Lamzang khua leh kiim toh a tehkak theih hi. Mun leh mual neitu om a siah piak cih mah hong tung veve hi. Mun leh mual neitu hile hang siah piak kullou dia, thuneitu i hi ding cih deihna in ka hong pulak hi.

Pu Sumkam te hunlai in Kaparang/Torbung tan eigam hidingin kilemna na bawl uh cin i gen thei lel hi. Va teenglo leh amun mahmah valeilo[zuakkhia ?] ihihman un i taanta uhi. Tunai in Lamkanuai munbangzah hiam i khahsuahta uh. Lamka khopi mahmah zong mun tuamtuam i zuakkhia [khahsuah] ta uhi. I tamna mun uh New Lamka ngial bang midang a na hingei hi. I zuakkhiat hunhun pen i khahsuah hun hong himai ding hi. Tulai pau in area/stronghold cihte i thangsak mahmah uhi. AIR Ccpur link language i tangh ua a hoih. A omna pen Thado area. FCI godown kitangh, a omna Thado area mah ahi. 1997 buailai mapek a amau munpi poimohtak ahi. ISBT kitangh, hilezong a khang mahmah ah Thado inn bangzah hiam omta cih i thei uh hia? Mun poimoh te nei in a kiimkiang ah teeng le hang phattuampih hipah mai ding hi hang. Koimun koimun ah omle zong hoihtak leh phatuamtak a vazat ding thupi pen hi. Kihawm ding in neulua. Tuabang ahihmanin i kiim le kiang toh hoihtak a hinkhawm kaan omkei ci mai ing. Pil kiukiau a poimoh bang nasep pat khinkhian ding ahi.

ISBT khang

No comments: