Monday, June 28, 2010

LOTTERY na mann

Lottery na mann. Ka gou ka pekhe ut. A millon a sim hi zomah. Leh hibang piandeuh sms natan in mukha I om uhi. Ki khemna cikhat ahi cih mangngilh kei ni.
Zan in mikhat in a omna apat in hong phone vengveng hi. Bank ah sem ka hihmanin a hilam toh kisai a hong muang mahmah a, hong dongh ahi. A naupa’n a email ah hibang thu mu ahi cih a hong hilh hi. A naupa kipahdan lah himai. A omdantak ka gen ciang in kenzong hibang a sum ki mawkpiak cih ka gingta theikei a ci hi. A hong genzom jelna ah, ‘Delhite zong hibang ah kihelta hilo nahi uh maw’ a hong cih ciang in kn zong ka dongh cian hi. A gendan in a Lottery mat pen ‘process’ na din sum bangzah hiam a hong ngen a huaipen eimi khat account ah thun ding ci in a hong gen hi. Mikhat in a bank account zangsak cihna eive. Nang na omna mun ah thun le teh, account nei pen Delhi ah om himaithei. A sum pen Mumbai lam khong peuh ah ki lakhia [withdraw] thei ahi cin ka hilhcian hi.

SMS khongah hibang in lottery na mann leh a adg adg a mu pawl ki omta hi. Va kan bawl khelkhal a blank reply tan lel zong bawl ding ahikei. Bawlloh ding himai.

Tumalam deuh in ka tanau deuhte khat in a hong phone hi. A gendan in a nau sepna ding a zonna uah a kaam tutan a piaklohman in a sum piaksa teng uh leh a loh ding compensation bangzah hiam bawl in a hong khak uhi. Awm mahmah kasa. A sepna ding kha bangzah hiamtak a ngaksak khit nung ua thiltung ahi. Hihpen a sepna dingpa uh, a boss pan email a khakna ah a gelh ahi. A sumpen hong khak theihna ding un IMF ah clearance na ding in USD1200 piak phot ngai a ci uhi. Amau zong kou sum tuazahzah neilo, na hong khakna dingte apan in deduct unla hong khak un ka ci a ci hi. Clearance poimoh teitei a ci uhi. Ken zong tuabang ahihleh, bangzahzah hiam in moneygram in hong khak ding in gen in ka ci hi. Amau a lehdawnna ah moneygram in hitheilo ding a ci uhi. Ken zong a hong sum khak sawm uh ka dongh phei teitei hi. India sum in crore pha ahihman in ka muanmohna a lian deuhdeuh hi. Den a I genbang in kikhemnate ahi cih ka cettak un buaipih nonlo ding in ka genta uhi.

Hibang message te apat in pilvang ciat ni.

No comments: