Tuesday, August 24, 2010

BlackBerry bangtak ahia?

(Techie review hilo ahi cih theih masak a hoih. Normal user khat in BlackBerry 9000 a muhdan leh ngaihdan a gelh ahilel)

Tulai in India gamah BlackBerry (BB) toh kisai a buai vengvung khat a om hi. Hih toh kisai tamlo theih dandan in I gen ding. BlackBerry a kici mobile phone handset min ahi. A bawltu ahihleh Research In Motion kici Canada based Company ahi. Company dang bang in handset model tampi a nei uhi. US Prez Obama mobile phone zong amau bawl hi in a kigen.

Etmai in handset khat peuh toh a kibang hi. Features tuamtuam a neih banah zattheih din software [apps] tampi, free leh lei ngai a om hi. Gari heek kawm in na earplug na thuah a mail ahk sms hong lut te hong simkhiatsak zatzat thei ding ‘apps’ zong a om hi. Ban ah a GPS tungtawn in na omna muntak nang theih kia hilo in na lawmte na khak khia/ msg thei hi.

GPS toh kisai:
BB pen Maps ban ah GPS hoihtak toh kithuah ahihman in a zangtu in ka ‘mang kha’ a cih hun a vaang mahmah hi. Na paina mun ding real time in a hong hilh thei driving route a ettheih hi. GPS i cih Global Positioning System ahi. Satellite tungtawn a na omna muntak ‘pinpoint’ theihna vanzat ahi. A omdantak bel Satellite bangzah hiam pang khawm in, bang hun in, koi tak Latitude, Longitude leh Altitude cihte hong hilh ziak uh ahilel hi. Theihsiamna din; mi thum kiang ah, a hun kibang leh kituak in, football omna muntak kok un ci inla, a kok khak vekna mun geih uh pen a GPS mun cih ding ahimai. Geometry sinlai a co-ordinates x, y leh z leh fourth dimension (time factor) toh tehkak in.

Multimedia
Nokia handset 3.1MP sang in 2MP kia hita seleh a limlakte a ciang kilkel zaw. Bass boost nasa deuh poimohlo te a ding in a music system ahoih huntawk lel. DivX and XviD video a play thei.

Input
Typewriter dan in ‘qwerty’ keyboard a nei hi. A trackball a kici a mouse pen sensitive in a zat nuam mahmah ve. Techie ten bel a cikei maithei, na khuttal nih tegel kaal ah koih inla na khutzung dangte tungah ki ngaisak kawm in khutpi tegel in type lut zungzung a fuhpen. Zat nop/noplo zaw genthei khang hih laigelh zong a word processor zang in ka hong draft ahi. Excel , PowerPoint presentation leh pdf zat leh hontheih ahi lai hi.

Speed dialing/ hot key dialing ding in key 23 tak a zattheih. Speed dial dia zattheih Roman alphabet 26 lakah booksa te; A=Keypad lock, Q=Profile (vibrate) leh W=Voice mail ahi.

Organiser
Calendar hoihtak a om a, na facebook hi in na mail account te hitaleh zopkhop
theih ahi. A phone book ah Home address, Office (Work) address gelhna ding a om hi. Limitless a hisim mai. Mail account tuamtuam 10 tan a support hi. Push mail technology a kici toh kisai in real time in na mailte na BlackBerry handset ah hong lut cetcet ding hi. Mail icon click le teh login sa ahimai a, simpah leh thukkik pah theih ziang ahi. Hih toh kisai in na connection provider te a kipan in data [connection plan ahilel] subscribe a kuul hi. Mail na delte dek ciang in ‘option’ a hong pia hi. Delete ding handset a chauh maw ahk server apen zong. Tulai a thang mahmah facebook leh twitter hi in yahoo messenger leh Gtalk te a om hi. Na account pen na configure /setting ding ahi lel hi.
Call history ah na handset tungtawn a call lut leh pawt te a ‘duration’ toh a om suk ditdet hi. Number khat na call zahvei history pen 100+ entries a khol zawzen hi. Tua bangmah in msg te zong ahi. Msg hi in mail na hon ciang in previous msg teng hong kikhung suk pah mai hi. Lemtan nakhat bang om zawzen hi.

BlackBerry Messenger leh mail
PIN msg (BB Messenger) I cih pen ki chat theihna ‘improve version’ dan ahilel. Real-time, two-way conversation ahimai hi. Msgr dangte, Windows Instant Messenger, Google talk or Yahoo Chat toh kibang lel ahi. PIN I cihpen BB handset unique number ahi. BB in IMEI ban ah PIN number a nei sese hi. BB to BB a ki msg tuahna PIN ahi. Msg leh mail server a down ciang nasan in msg khak theihna ahi, a ci uh. Gintak huai kei maw. Hibang in ngaihsun ni. Na phone network a omloh hun in emergency call na bawlthei. Network a omloh hun in zong GPS a paithei veve hi. A mau msgr zong paithei mah in teh cih gintakna hong neisak. Mahleh zatna ding a vaang hi. Msg pen phone number hilo in a PIN number ah khakkhiat ahi. Mi dang toh ki chat theihna ding in PIN a kici ki piak tuah a poimoh. Handset teng in PIN a tuamciat a nei hi. Digit 8 a pha hi. Kei a bang 20FFF43E ahimai hi. Enterprise mail I cih zong mail dang khat toh kibang ahilel. Hih Enterprise mail leh msgr zang a kikhak tuahte midang ten a ettheihloh kia hilo in service provider te mahmah in zong a hong etsak thei kei uhi. Tuma a cloud computing toh kisai a ka gen bang in midang ten na enterprise mail/msg traffic a muthei lel uhi. A khoih theihloh kia hilo in a kikhakte midang in a phelkhia leh simthei kei hi. A mail/msg server pen Canada kia ah a kikoih uhi. Hibang a security khauh ahihna ah helpawl te a ding in khutzat hoihtak hithei ahihman in lauhuai kisa ahi. A service ‘ban’ taktak le uh a buaihuai na ding a omlo in ka koih hi. Msgr leh enterprise mail te tangpi tangta in kizanglo ahimai. Hih tegel block le uh zong a handset a features dang teng, Yahoo, Gmail leh normal sms banah yahoo messenger, Gtalk te pai veve ding ahihna ah buaikai lo ding a bang hi.

Storage
Internal/device memory ahk inbuilt memory I cih pen a niam thepthup hi. 128MB kia ahi. External/extra memory bel 8GB tan support ahihman in film leh lim tampi koih a et hithiat theih ahi. Inbuilt memory pen bang dia hi ci niam a de aw? A gendan un software toh pangkhawm a data gukna dia zat ahihloh nang a ci uh. Thukhat ah bel 128MB hun mahmah lel e. A function hoihna din software/apps tampi install netnot ahoih kei. Mail leh msg te zong khol nennon loh a free memory space 15MB khong siit a pilhuai.


Battery
‘Nothing last forever’ cih chu ahimai. Deihtak in music leh film etna in zang le hang nikhat a hong daihlah. Tualo in bel sawt kuamtak hong daih thei hi. A screen resolution hoihlua, ciang fikfek ahihman in battery tam ne deuh ahi de aw cih ngaihdan ka nei.

Body
Hoih lel ei. Elegant cih d hinteh. A touch leh feel nuam mahmah. A nunglam pen leather finish ahihna ah etsuaksak tuam mahmah. Nokia handset te bang in a keypad a kimat ceetcuut kei a kintak in na khutpi nihte in a type lut ziahziah theih hi. Auto correct mode zang zomah le cin type kindiak nalai seet. Touchscreen zong a bawlta uhi.
A letdan ahihleh a inch, cm, mm cihte a gen sangin ka khutzung li chia phalo deuh cileng theihsiam huai pen in teh.
Earplug leh Bluetooth headset a om cihtan in gen lel ni in. Tualo in speech recognition software khat a om a phone call bawl di’n phone book ah min va zon duanduan pen cindanlui ahita. Voice command in call a bawl theih geihgeih hi.
A lemtang mahmah dangkhat ahihleh phone call a hong pai ciang ahk mail, sms leh social networking update te hong pai ciang in a ging pah kei hi. A hong phulit a, meeting lai natawm in, a ginkhiat ma in mekmit leh lak man ding ahi.


OS & UI
Hihte bel a sung taktak a nasemsak te ahihman in I gen tam thei kei. I gen theih bel response hat lel cihloh a dang gen thei khang. Microsoft te OS, windows 7 leh Vista compare di bang hileng Windows 7 pen cosmetic i ci hia a lipsitik leh power anak zat ua etlawm zaw, leh a nut loose teng hekgak ahihman un a kinzaw cihloh gen d ka theikei. Menu te home screen ah lemtang tak in om. Category in om ahihman in a zat zangkhai sak tuan mahmah. Web browser ding in a minthang Opera download phot a zat a ngai kei. Aman Browser a tuam mawngmawng a nei, a hat leh fel hun mahmah hi. Tab browsing bel ahih theihkei.

Connections
Bluetooth, Wi-Fi, quad-band/tri-band 3G, leh HSDPA ahi. Tualai a network te piak GSM sim card khat pepeuh zattheih cihna. A screen a EDGE kigelh pen buaipih ken. Ka 3G simcard thuahloh laitak ahi. EDGE ahihleh GPRS sang a hoihzaw network cikhat ahilel. Na omna area toh kituak a network ompen a zang geihgeih lel ding hi. 3G omleh zang ding ahimai; subscriber na hih nakleh. Wi-fi omna mun ‘hotspot’ ah na om ciang in na mobile network off a, wi-fi kia ‘on’ geih inla free in net browsing na hih ziahziah mai ding hi. Na balance a kiam se kei ding.

Thu nepnawi

Music nuamtak na ngaihkhiat didi lai in phone call hong pai zenzen leh, 'pu aw call poimoh om veh aw' ci in na music ngaihkhiat pen call attend din hong heilem geih ding hi. Gen d poimoh teng gen khit toh kiton in na la ngaih na maban geih ah hong zopsak ding hi.

Music ngaihkhiat kawm in na msg, email, document tam ta seleh search mode in na zong ziahziah thei hi. Phone book pen a poimoh mahmah b'day, email account hi in FB te toh kizom khawm ahih na ah na lawmte na phone book a pat na 'poke, msg, email adg adg' hih phei theih geih hi. Mail account pen a tuam a login kul kikeuhlo ahihman in hong zeisak tuam mahmah.

Hong buaisak lo ding in leh na ut hunhun in data service na ON thei hi. Real time in mail e, FB e, twitter leh adg adg notification a hong pai cetcet kia hilo in 'msg hizah na sim nailoh om' ci in a hong phulkhia ding hi. Zan hun leh mial lak ah, internet etlaitak hitaleh notification om ahi cih hong hilh din a front screen tung ah hong vaak litlit thei a om hi. Khatvei mek toh sim theih mai ahi. Reply ziang din login sa hi zomah hi. Screen lock/ password koih theih ahihna ah midang in a hong zatsak thei kei hi. Hong kiguk mangsak taleh a mawk zatthei tuan kei ding uh. Tua bek thamlo in USB toh pang zawzen tamahle uh na phone memory card a data, file, music, video leh adg adg te access na din pw poimoh ahihman in secure top himai. Not only this, a hack theih zenzen wa leh a sung a data teng automatic for security reason a ki delete vek ding hi zomah lai.

Mitoh kiho kawm a poimohte gelhlut zauzau theih ahihna ah multitasking fuh cih d himai.

External memory card pen a pang ah om. A nung cover va lakkhiat masak dondon kullo ahihna ah lemtang mahmah.


Hih toh kisai ngaihdan

1. Khutpi khat kia apat khutpi nih a msg gelh ziahziah na toh graduate na din a hoih mahmah.

2. Application khat peuh ah copy paste a zatkhual theih a kizen kasa. Na msg te bang mail ah or laigelh ah paste in a zattheih mai hi.

3. Ngaihdan khat; company dang ten a technology thei zolo ahihman un a theihkhiat na di chance a lakna in buaina hong uangdeuh ahi deh aw ka ci. Lobby khat beek om ding in a gintakhuai. Top brass te zat ahihman in service teng hong buaikha hetkei ding. RIM a ding in hihpen a selling point/ factor ahizel hi.

4. A GPS omziak in midang ten na omna thei uh ahihman in pilvan huai.

5. BB kia ahikei security buaisak thei. Na mail gelh draft ah koih inla tua mail pen na lawmpa mundang a om toh na thilsawm teng kihilh tuahna in a zat theih veve hi. Mail ki ‘send’ lo ahihman in kuaman theilo leh man khelo hipah mai.

6. Messenger minthang SKYPE zong ‘ban’ sawm uh cih thuthang a om hi.

7. A connection te, wi-fi , Bluetooth leh GSM/3G, khat khat in leh a vek in off theih ahihna ah lenna sung ah game nuamtak kimawlna leh laigelhna ahk worksheet hia, presentation khong bawl hithiat theih pen lemtang sa ing.

No comments: