Saturday, August 7, 2010

KA LATEEL: ZOGAM HONG PAAL DING

Laa in I hinkhua a hong khoih a, I lungsim leh ngaihtuahna a hong ukna bangtan hiam a om hi. Tuabang in nidang a kipan in hoih ka sak gige leh tulai hun diakdiak in ka deihna, lian law mahmah ahihman in ka hong luikhia hi. A phuak leh sa, Lengtong Pauno mahmah in zong ‘ka tha ngahna ahi’ a cih zawzen ahi. Ana sim dih uau, lawmte. A khiatna leh laa kammal theisiamlo na om zenzen uleh hong gen un. A theiten hong gencian thei lel ding hi. Ken zong hong hilhthei teisam ning.

Zogam hong paal ding

Maa lo bang panta ni Lia leh Taang aw.
I gam in dawnsuang ding haibang ngaklah.
Pangkhawm veni diamdiam pheiphung suan khat in,
Lungdeih simthu tuang hong tung ding,
Zogam hong paal ding.

##Tua ni ciang in lungdeih teng liibang cing ding a.
Sam gibang kikhen om nawnlo ding.
A khangto gam hongsuak ding tua ni ciang in,
Lungtup teng tuibang tung in Zogam hong paal ding hi.

2. Pupa sakmin Zogam loubang tulta.
Hi zong leh puan bang thak nawn ding sakmin.
Giabang zuun ding lungtuak ma bang pangve ni,
Maciang khimkhua bang zing zong leh,
Zogam hong paal ding.

3. Maciang suanlo in lobang khual kei leng,
Khangsawn te’n, pi le pu selung mawl hi.
Zaitha neem hi
, ci in simthu khau bang suut ding.
Zaitha neemlo maciang suan leng,
Zogam hong paal ding.

4. Lungtuak maciang suan ni ciin leh tuai aw.
Sak leh khang sim leh maal tuibang gawm ding.
Lehlam simthu ziing zongleh hanlung ciam ni,
Tung sianmang aw hawm siam inla,
Zogam hong paal in.

No comments: