Tuesday, November 23, 2010

Community hall, Y?A hall hellhole

Social organisation tuamtuam ten mun le mual poimohdan thei uh ahihman in nop ni leh dah ni a zat ding in Community hall pi bawl in, naktak in makai ten panla in hall kineih ciat hihang. Hi bang inn poimohtak neihna ding in mi tampi tak in sithu nam jen a pang in mipite mahmah zong donpi-donke bucinna ding neih sunsun I thohkhe ciat uhi.

Kei ngaihsutna ah I hall bawl/ neih pen I sum sen toh teh in I zatkhakna a tawm mahmah hi. Tualai pau leh 'cost-benefit analysis' hih leng I sumsen toh teh in I phattuamna uh a tawm mahmah ding.

Hibang ahihna ah I govalmen hoih hiven kho/veng teng in khat ciat I neih theihna din Scheme om ahih toh I makai leh MLA ten pan hong la leh deihhuai kasa hi. Tulai dan in Scam ana om din koihkei zual ni. Pawl tuamtuam in hall I kineih tuam a, a poimohna om in kamukei. Area khat ah khat omleh hunlua. Social org teng in ah veng/khua sung ah neizo himok le hang zong I zat hun tawm law mahmah ahih man in ki thamanlo lua hi. I sum neih sunsunte thudang awlmohhuai leh septuak te ah zang zaw ni. I hall te deihtak I kisuuk leh kiphut (kigap) a bawl hi zomah lai. Moulopna leh innsung program zatna in nidang ciang in hong kizang dedeuh ding. Kho/Veng sung ah a poimohna bel lian mah.

Biakna toh kisai in a nei nuamten neita ve. Camp leh retreat khong neih theih na ding mun thoveng deuh, parking area tan problemlo leh khosung buaina om neneuh ten a nawkkhak loh na mun, khopi polam deuh ah hileh hoihsa ing. Social org te paidan bang in Biakna pawl tuamtuam teng in va neih deudau ding hi sakei jel ing.

No comments: