Thursday, November 4, 2010

Minlohdan

Kisap kilohdan kician nei le hang hoihsa ing. A diak in Biakna vai a kilohnate ah Local Pastor cih bel phadawm lai, Local Upa, Local Saptuam cihte lakloh sa mahmah ing. English I zatleh zang vet ding, Zo pau I zatleh zang siang vet le hang hoihsa ing. Ka khua Tangnuam phatna hikawm in a zatdan uh kilawm sa vanglak ing. Ordination tang nailote Local Upa cih sangin Tual Upa ci geih un kiciansa vet ing. Local upa committe lah hibang in min i pemok hi, " Tualsung saptuam local upa committee". Bang deihna ahi diam thei ke'ng. Singtang dawn a laithei kholo te zat hileh thukhat kasa. Lamka leh khopi saptuam te natan in Tualsung leh Local kizangkhawm netnot mok.

Tualsung saptuam in I neih uh Baptist Youth Fellowship I cihpen tua bangdan in Local BYF cilo in Tualsung Tuailai pawl cih le hang hoih sa ing. Nidang in Tuailai pawl a kici ngei hi. EBC in Baptist World Alliance a kizop zoh in Kristian Tuailai Pawl (KTP) pen Baptist Youth Fellowship a khek in a om. BYF I cihpen Chin Baptist Association (CBA) te a tuhkhia a kibang sim zawzen hi. Theihkhelhlohna din EBYF min pe le hang hoih kasa hi. CBA ten bel CBYF a cita uhi. Head Office toh kisai I gen ciang in EBC ci ding in ah saptuam I gen ciang in EBCC ci ding. Kumtawp khompi pen Convention hileh zong i hisakkei deuh uhi. Thudang khat ah Convention min deih tentan I hihna bel genloh ding hiphot leh. Paihkhiat hun hong kinei khamoh na'? Tua bangdan in EBC in District a khendan zong ngaihsut huai hi, tunbel Division min kizang ta.

Conference i cih pen bang genna a kithei kha ai diam kinak zat mahmah hi. Mi pil leh siamte kikup khopna hi kholkei leh zong kumteng a i khompi leh meet neihte uh pen Conference min i pawsak uhi. Ngaihsun le hang minlohdan kilawmzaw om hivaw maw ;)

No comments: