Friday, November 19, 2010

Second class citizen

Singtang kho neu khat ah piangkhia. Nuamlo leh haksatna mun ahi. Nu le pa nektawm zong a buai gige, khamkhop khoukhe lah ahihman un hoihtak a hong kepna ding uh hun sehkhiat ding a omkei. Ka hong khangkhia a ka hong piching to nimnem hi. Tulai kitaitehna laisim ah siamlua hikei mah leng Category, Quota I cihte om ahihman in ka phattuampih kia hilo in eipawl in I hinloh uhi. Khangto nailo cih etsakna himahleh hibang minvoh tuam a om pen niam mahmah lai midangte toh kibanglo leh mi pha nailo cihna bel ahi peuhmah hi.


Sepna ah zong mite nuai ah ki om a, sawltawl maimai in ki om hi. Social service I hihtheih uh, medical line lam ah zong a doctor hilo in, panpihtu' panmun lel I len uhi. Nidang in Chennai ah kaikuang khoi ding in tampi mahmah I va lut uhi. A neitu hihna I lenkha kei wa, mite neihsa leh lamsa enkaitu in I pang uhi. Mite pang beel a hing lel te I hi ua, mite 'good book' a omkhak ki nem in naktak in I sepna uah pan a poimoh hi.

Dinmun hoih deuh a I koih Bank a semte ahi I ci hi. Banking lamah zong ei sum hilo in, mihausa te sum etkolsakna nna sem I hi uh. Mite business a paihoih theih na din a Customer i care sak ua, Restaurant leh hotel ah mite nopsakna dia nasemte leh zatkhak a omte ihi zomah ua; Mite ann nekding huansak, nekkhitna kuang sawpsak in a inn kem sianthosaktu in panglel hi hang. Coffee bawlsak leh Zu sunsak khiankhian nasep sem theite hilel hang. Financial planner leh Adviser khong in I pang a, plan taak hial in neih le lam I nei kei. Mi te neihsa etkaipih leh plansaktu I hi lel hi.

A poimohpen sakmin zong a kiciantak a kinei kei hi. Zosuan teng Zomi kici le hang zong a pomtheilo pawl toh min leh pawl tuamtuam I phut tiltel uhi. Midang ten lah Chinese, Japanese etc peuh hong sa mawkmawk uhi.

Nam khat ciamtehna pawi (festival) kineilo phial ahi zomah lai hi. I neih sunsunte lah piak bawl leh zat utlohna nei mok hihang. Pawi neihna ding in ann khamkhop khohkhiat kul a hun awng leh noplenna hun ahimai hi. I pi leh pute na zawng deuh; khamkhop na khokhia khollo hiam ci ing.

Pilkholo hilezong haina thei khol seselo in om milmel lel uhi. Midangte enna leh demphak somna neilo in nna teng ah Quota lamen mok hileh kilawm in I om uhi.

Midangten eite omdan hong gen tam loh hang in a hong nuihsan hiuhiau lel uhi. Mawl milmel i hihman un thu I theitam kei uh. A hi bangbang in pom suk mai; lah i tanhdia kilawm tanglo I hikha thei zomah uhi.


A kikhel nung in piangthak cih d hia, thei khonung jel. Lai va sim leng lah a theih hun a theician pahlo group in pang; ciamnuih theisiam pahlo a khonung nuite toh kibang ka kisa hi.

I mi isa te kia toh kithuah ihih man in I khomuhna a neu a; eipawl leh ei peuh thupi i kisa kha zomah hi. Bangmah hilo a hihdan lah ki thei khonung jel.

Sepna mun kia hilo in innmun ah zite thunuai a omkha lai dep zomah bang chu... gendah mai ni, a theiten hong gen un. Mi hehpih huaitak I hi uh. I dinmun uh hoihtak in ki theihsiam ciat ni. Second class citizen cihloh ngal gen didan dangh a omkei.


No comments: