Wednesday, January 19, 2011

The BIG BOSS, the BULLY

Naupang cik, lawm I hong neih apat in BOSS I hong nei ngal a, KIT in I pang ngal hi. Boss I cih pen a 'mi nuam' a om mah bang in a gilo zong a om hi. Boss te thu pen ki thupi leh poimoh ngaihsut gige ahihman in a thu uh 'man' d ahimai hi. Ngaih nonloh a I om khak ding kilau gu giugiau ahihman in ki mangto charchar hi. Man loh khak ding kilau top in ka ngaihsun zaw hi. Innsung a nu-le-pate sang in zong Bosste thu va thupilak leh manzawk hun a om hi. Bangmah pi hong hihsak kei mah le uh a panpihtu poimoh ihihna ah I dinmun ki poimoh ngaih gige mawk hi.

A kit ua ka pankhakna BOSS bangzah hiam ka hong gelh ding.

Nidang in leeng (kangtalai) kithan hunlai in Boss te lamsuk hi in lamtou ah sawntu in kipang hi. Hong tuangsak kholkei mahle uh Bosspa va 'sawnkhak' pen hamphatna in a kikoih hi.


Khatvei le lah midang toh hong sutuah in kisual bang a ngai hi. Ngamlo leh zolo hih ki utlo ahihman in ki pang eksam jel hi. Eh, hilo. A tamzaw ka u toh kithuah tangpi ka hihman un 'ka boss' ahihna bangtan hiam a om hi. Midang ten a hong vuak sawm ciang un panglo leh thuklo kahih man un a lehbuai uhi. Panglo na na na chu a vuak/kisual pih theih kei!

Gamlak I vak a vasa'bu mu I hihleh zong, ' kei hawi second' ki ci ngam lel hi. Hawi first chu tutse loh in Bosspa' a hi sa ahimai. Uncontest a cing ahimai. Vasabu I laak ciang in a noute a ki luak zel hi. Vasa noute lak ah 'a ann saangh' a om a; ann kham ahihman in a hoih deuhse hi. Ann saangh chu tankhak ding ahi sekei. Laizial sumh teepte ahih le lah a tep first ahi mai uh hi. Boss petmah uh himai; a gen didan dang omlo.

Skul I hong kai a Boss te boss cih mahtak lai a siam khol kei uhi. Homework om le lah kei hihte dik tangpi ahihman in Boss te a di toh homework hih a ngai jel hi. A poimoh na ah ei tung a gilo te raap na din I zang a kizen zawzen. Boss toh kisai ka mangngilh theihloh leh ka ngaihdam theiloh khat ka hong gen deh. A Ki boss sak deuh khat in Teacher te room kiang a tui ama thol a dimh ding in a hong sawl hi. Kei lah ut hetlo bilbel, kisualpih ek. Ama taksa lian mok leh zong kei pen ka lungtang toh pang kahih ciang in.... ka zo tuan kei na a, ka kap tuan kei. A man hong zo zawdeuh sam hi. Hilhcetna: Amah khamtheih I cih corex /phensidyl hih ahihman in a dangtak, tui suak dia hong sawlna pen a phensi thawl hi zawmah ahicia ! Ngaihtuah dih. Kua'n khamtheih 'phensi' thol a tui va suak himhim di? Tuni tan in mangngilh nai kei ing. Ka ngaihdam thei nai kei.

Khatvei Boss pa homework ka gelh laitak in class room khat le khat kikal, bang vang apat suang in hong kideng kha hi. Kei zong ki kap khembawl pah. Boss pa'n suang dengtu va kankhia, va vua ban ah a fuh pen ka homework gelh ding hih ngai nonlo. Sir pa'n ka handwriting thei ahihcia, nuam ciahlo. Escape route mu ka hi mai.

Boss pen tuhun in sepaih te' ki zahtak dan leh ki thuman dan sang in ki hih utzaw ahi de aw cih ngaihdan nei ing. Pukhri leh Tuitha lui khong ah kibual ding ahih ciang in [tuizap siam khol khang] Boss pa' andalpen kawng kol deuh a hihleh a zangsak ut a kit te a om lel hi. A mau pheituam tungten pen toh kibual in a tui sukkang se loh in a teeng keu ngap uhi.

Tulai virtual ah ki om zawta ahihman in shout box ah kei tel in goonda leh midangte ut bangbang a phitkhum ziahziah te himailo dia maw.... BOSS i cihte? Comment pe egeg te tel in.

Next ah “managing your boss, the BULLY at the workplace n in life” cih gelh ngam d ahi diam ah.

No comments: