Saturday, February 12, 2011

A NUAMPEN HIMAI

Leitung ah a nuam pen te laka khat ahihleh duhthusam gen ahi. A zom in ngaihdan genkhiat, leh gensiat nuam leh baih mahmah hi. Phatna, pahtawina cihte sang in gensiatna leh dembawlna baihpen in thei ing. Ei toh kisai I gen sang in midang toh kisai zawdeuh te gen(siat) 'nuam diak' a bang hi. Midang te'n ei toh kisai hong gen le uh Tangtel sihtan bang in I heh keei hi. Hong phat le uh, a hong phatna uh la kawi teitei ut te ki hi lai zawsop hi.

Mi teng kibang lel hang e. Nang leh kei hin in biakna makai leh gam makai te zong ei mah bang a mihing hilel uhi. A pilpen leh a theipen ahi hetkei uhi. Mipite hong makaih lai un amau a ding a khualna ding utoh a tup lianpen va hih gige zolo uh cih I muthei hi. Ngaihsutna tuamtuam toh ei bang a buai uh ahihman in a BIG picture pen mangngilh khamok thei uhi. Ei toh kisai hileh bel ngaisiam kha ni. Midang a hong hih se ciang in ngaihzam leh ngaihsiam haksa I sa ciat hi. Amau kia toh kisai hilo in midangte, ei tel in hong ban kha ahihman in mu ing. Tuabang a panmun lian leh poimoh neite a ding in gamtat khohek pilvan huai diak hi.

Mihing khat in tup leh ngim nei hi. I nasep leh omdan ten I tup leh ngim ah phattuamna a neih keileh 'diklo' cihna hipah hi. Tua bang mah in Biakna pawlpi in zong a mite biakpiakna ding a lemgeel masak kul a, hoihtak ngaihsut kisam hi. I biakna leh a Nna i sepna a paikhom hi. Gam vai ah bel a BIG picture I ci hiam aw, a MASTER PLAN a om kul hi. Tua toh kizui in sep leh ki maikaih kul sa ing; a semte leh pangkha te gim thon, semthon hithei ahihna ah. Tuabang hikeileh midangten ki pom theilo hi.

Hibang a sep ding leh bawl ding, pawl ah, gam vai ah hi in a poimoh pen, mimal ah tupna toh phakciam manohlo ihih hunhun pen gensiat ki tuak ding hi. Hi ki gensiatna pen lah miteng siam ciat ahi. Eimah ki-enlo in midang te ki gensia pah kha thei hi. Selung geel non in.

No comments: