Saturday, April 2, 2011

Biakinn a thohlawm dondan leh latdan

Biakinn a thohlawm I don pen I biak piakna te lak a khat bang in ka koih hi. Nidang in I pu leh pa te hunlai in dawi leh kau mai ah ki thoihte I hi. Mimal kilatna leh biakinn a I thohlom donte pen I ki thoihna in ka koih hi. Dawi leh kau mai ah hi nonlo in a nungta Pasian mai ah ki thoih a kilan te I hita uhi.

Thohlom I don ciang in thom nei hetlo in a dongh ten a hong dong ding ua, eye contact om hetlo in I na sang dia I thohlom te I thoh ding hi. A dongh ding teng uh a don khit uh ciang in a nunglam apat in sepaih te hih bang in slow marching in pulpit lamah hong tawi phei ding uhi. Hih kawm kawm in mipite I na dingh ding hi. Tua pen pastor a I neih pen I siampu ahih man in aman a na saang ding a, a va pe tou tute toh kikal a table tung/lectern tung ah koih cidan in hih ding ahi hetkei. A sum ki dong te la ding in mipi te mah bang in a ngatna/etna lam uh kibang in nga kawm in a laan ding hi. Bible a thukhunlui hun lai bang in halmang thillat bang in I thohlom leh I lungsim te I laan ding hi. Pasian pen pulpit lam ah om bang in ngaihsun ni. Eite a ding in Jesu a omkhit nung in i thillat te leh Pasian kikal ah amau a hong ding uh hoihsa ke ing. I biakinn kaina san pen Amah biakna leh phatna, ei mah kilatna I neih ding bang I neih khit ciang in ngetna neucik hel ceuh hilo ahi !

No comments: