Wednesday, April 27, 2011

Kuva, Kwai, Pan

Khatvei ‘oneteen nineteen’ hun lai in Thingkangphai khua a lusei tangval te’n kiphasak deuh a om Lanva te khat man kha. Heh lua 'Enge I duh?' a cihleh 'Kuva' ci in dawng geih. Midang khat pa'n zong limsa tak hi inte 'michapati a tui masa houh sekhe ngam ve cin' a ci hial hi.

Kuva pen duh huai tak zaw hi mah hin te 'Burma te tangthu na tan ah gaal mat te uh a thah ma in a last wish uh, kuva leh dawn ding tui a pia uh' kici. Mun siang leh changkang pen a ki gen Singapore khopi nasan ah a guuk in haai ding a kimu hi. Vietnam gam ah mou heelna singpi khai tang in kuva a zang uhi. South east Asia gam ah a kizang/haai nasa mahmah. A haai na ding haa nei nonlo te nasan in gawlawng dandeuh in a suvui ua, suk nen sa in a ne zawzen uhi.

Sa meh limtak, i nek khit toh ki ton in 'closing ceremony' din I zatleh fuh pen sa ing. Shillong ah 'kwai' a ci ua, a tang picing leh keu deuh zang uh ahihman un a limdan a tuam diak hi. Tua bang mah in a teh taak ten a limsak tuan mahmah. A taak nailo, a ngeek deuh te bel a kick tuam deuh ahihman in ki kham loh thei hi. A fuhlo deuhte ngial houh a uih thingtheng a a limna a tawm deuh hi. A laingek, a lim penpen eive a uih thei.

Zomi ten ci nih in I khen hi. Kom kuva leh Supari a ki ci mai in thei ing. Eipawl in kuva I cih ciang in a teh, a tang leh sunu a kihel cihna ahi tangpi hi. A common name 'Pan' himahleh eipawl a din pan pen zarda supari genna in thei ing. Supari, mitha pati, bangla pati leh varanasi ci in a ki minvoh diudeu hi. Varanasi pen a teh rong eng sim, sa hehu deuh ahihman in Zomi ten ngaina kholkei hang. A tang pen 'areca nut' cih min voh in a om hi. Helpih leh bawldan ci tuamtuam bel personal choice ahita. A limdan pen a bawltu siamnel na ah a kinga mahmah. A namtui phadiak I helsak leh a man a tam deuhdeuh hi. Haai khat Rs250 val man zong a om zawzen hi.
Kamsung natna ka nei zeuhzeuh hi. Doktol ka ki etsak ciang in Vit C deficiency a ngoh den uhi. Hi toh kisai ciah ahi doktol te ka gintak theihloh. Ka neu apat kamsung nna ka nei. Ka neu tuung pan in a hunhun in theigah ci tuamtuam nek ding ka nei gige uhi. Bang dia Vit C deficiency ci in 'Sukcee, Limcee, Vit B complex etc etc' hong gelhsak gige uh hiam ci ing? Kam kaat tanpha a noploh ciang in kuva toh ka bei geih a damna 'damdawi' kei a din na hi mai hi, aw nang Kuva. I haai khum geih ciang in I kamsung natna munte 'numb' sak in a dam loh lehlam hi. Geih lel. Digestion panpih ahihman in sung leh dailen nuam sak hi. Kamsung nna kia hilo in a phattuamna tampi a nei hi. Zun-im, luna, sung nuamlo, gawlna cihte bet daih na din a phatuam.

Cancer omsaktu ahi a ci pawl om leuleu ei. A teh hilo, a sunu zong hisamlo in a tang pen ahi cancer omsak theitu. Cancer omsaktu, zarda; ek saw bis, tin saw saad cihte hizawlo ding a maw ka ci lehlam. Zarda bel a limsaktu a kici hi. Nidang in ka lawm pa'n zarda toh I haai leh lim a ci hi. Tuabang a lim ahihleh ci in a haai ngeilo pa'n ka haai phak/khak sunsun kom kuva toh ka hong meh cheuh chu aw. Himai. Ka ci liing derder, tha teng bang bei. Field ah lum dildel in 'tawpna thuumna' ka neihloh ve. A si d kisa ka hihcia. Pil pah vingveng; haai som nonlo.

Shillong kuva munpi ah ka hong dianglut hi. Ka Khasi lawmte inn ah ka hoh ciang in hong pia uh. Khut ah tawitawi. 'To eat or not to eat that's the question' ahimai. Ei lam a I ki lenglat ciang in singpi I ki suah dan in Khasi te hihdan kuva kipiak ahihman in 'ka haai ta'. Khamsia. Ka zun suak, ci in ka va sekhia vek hi. Thamlo in ka kam ka khuah siang. Ka luut non in a haailai ki neih geih. A mun toh kituak in va haai loh bikbek pen nuam ciahlo ahihman in ka lawmpa khat toh a tang kia ka lei ua, ka haai jel uhi. Ki graduate tou zungzung ahihman in ‘full unit’ ka haai thei ta cih gentaak loh zarda pan ka haai thei zeihta hi. Chain eater bel ka hi nai sam kei. Ni khat in khatvei I hai fuh leh hun kasa. But one thing I still don't know. The red. The red spitum, the red teeth and the red cloth used to cover the betel leaves.

No comments: