Wednesday, June 8, 2011

Dual core, quad core leh multitasking

Computer toh I sep teng baihlam tak in ki hih khin ut pahpah a, dual core lo ki deihlo ahita. Computer khuak pen I theihdan in "intel inside" pen ahimai hi. Tu hun in dual core kia hilo in i3,i5, i7 cihte a bawl uhi. Tua bang mah in company dang khat AMD kici ten zong dual core leh multi tasking processor hih thei ding a bawl uhi.

Dual core zat a phatuam leh hoih taktak diam? Hoih bel hoih kha ven cin a phatuam na ding in ka thei kei hi. Computer zang a nasem I cih ciang in software ki bawlte tungton a sem a ki hilel hi. Software a ki develop peuhmah dual core power zang thei ding in ki bawl/gelh cih ka tawm theih mahmah hi. Ei pawl zat khak te lak ah tuabang a dual core power zang thei dia ki bawl software omlo ci phot ni. Pix leh VDO editing prog/software ten dual core hatna a zang zek lel. Computer game bel thu tuam in koih ni.

Cihnopna in ah dual core nasepdan pen hun khat a software in a sep ding hawm/sehkhen in nna a sem hi. Parallel computing zong a kici hi. Tua bang in dual core ki zang kha ngeilo ahihleh quad core I cih te gen/lei se a ngai kei. Quad core pen livei a hatzaw cihna hipah sam lo hi. Computer chips a kibawl pen a limit om a, double, triple leh quad cihte ah hat ding bang in a hat zo kei hi. Sa (heat) pahpah cih lampang ah a satdan a nasa dedeuh lel hi. Dual core zang thei Software I gelhna ding in a programming language pen tak dual core zang thei a poimoh.

Multi tasking ah dual core a phatuam I ci maithei. Kei muhdan in a phattuamna omlo ka ci jel hi. CD writing leh mp3 la ngaikhia kom in na sum neihzah na sun keuhkeuh a, na lawmpa toh chatting na hih kom zomah hi. Hihpen multi tasking himahleh dual core power na zatna a um vawt sih hi. Na software zat te tua bang ding in ki bawl hilo cih I genta. A dang khat ah na computer khuak pen in na nasepte a din a hun a hong hawm kual ahilel. Minute leh second I thei ciat. Split second I cih a sawtdan leh 100 a ki khen nen ahih zong I haih kei. Second khat sung in na nasepte split second bang zah hiam ciat hun hong sehkhen a, buai hetlo in multi tasking hih thei na hi mai hi. Tua ding in RAM lian poimoh ahilel, dual core hilo in. A speed GHz kici pen a tam lam ahih nakleh a hun hi.

Tualo thudang khat ah ka ngaihdan ka hong gen ding. Cloud computing hong thang deuhdeuh ding. Na computer pen Net connected ahi dia cloud ah software teng a om ding. Na computer in khuak leh Hard drive a nei kei dia, a neih leh zong a RAM sang in a memory a niam zaw ding. Na save ut te na pendrive/ external HDD ah save ding hive cin!

No comments: