Wednesday, August 3, 2011

Report : 18th ZCF Pune Foundation Day Celebration


A minthang mahmah Union Biblical Seminary pansan a kiphutkhia Pune ZCF in foundation day a 18na dt 31 July leh 01st Aug 2011 in lopna a nei uhi. Theih ciatsa bang in bible lam ah mi masate kisakkolhna mun poimoh tak UBS ahi. Thangkhangin Vualnam inn ah kikhopna pat ahi. Khalam kikepna, UBS Ministry ngimna leh salam kipumkhatna dia Zomi siamsin leh sepna nei a Pune khopi a om mi 20 ana patkhiat uh ahi. Chairman masapen din David K Samte ahi. Tua hun 01st Aug 1993, dak 1600hrs ahi. Kum 18 pai ahita.

ZCF pune in foundation lawm dek cih ka zak in 'Pune khopi va hoh kom theih na d chance om ei' ci in ka kisa khol hi. Delhi EBCC pastor Nenglian Vualnam in cial a om ahihdan hong hilh ahihman in thuzak jel ni ka ci uhi.

A nuam zaw ka ofis' guest house book khin thrap mah leng UBS ah zong tun theih ding cih ka zak in ka utna a lianzaw hi. Mumbai Pune train, Pragati Express in ka inkuan khozang un ka taitou uhi; Numei leh naupang simtel in 7 ka hi uh. UBS a M.Th sin lel Kham Suante in hong na dawn in a ma makaihna toh nuamtak in ka om uhi.

UBS a lemtan lohman in Pu GL John Seldow thusiamna toh BSNL community hall ah prog a ki zang. Ni nih, thanksgiving leh celebration in a ki zang.

Day 1: THANKSGIVING

Ani: 31-07-2011

Amun: Community Welfare Hall, BSNL Colony, Salisbury Park, Gultekadi

Ahun: 11:30AM

Leader: Gin Lalsiam Munsong leh recorder Kham Suante thu nuai ah program nuamtak in kinei hi.

Invocation Nu Nian in hong nei hi. Tua zawh ciangin ZCF Chairman Vumkhanpau in 'Pasianin tuciang dong hong gualzawhpihna hanga lungdam kohna' nei hi. Aman hih program siima mun tuamtuam pana hong paite vaidawnna a neih banah, meel lahna tawh zomto suak hi.

Vaidawnna hun zawh ciangin Ms. Ruth Naulak in LST Ps. 121:3-8 a simna nei in, worship team te makaihna tawh Pasian phatna hong neih pih ziahziah uh hi. La tuamtuam “God is Good; All the Time,” “Higher Ground,” “Give Thanks” cihte noptak in hong makaih uh hi. Hih hun pen Sumpi (Offering) lakkhopna in zomsuak pah hi. Mr. Mung Tawmbing in Sumpite Pasian kiangah aapna nei hi.

Intercessory Prayer Nu Manno Varghese, Advisor ZCF Pune hong makaih a. Hih hunah Topa hong makaihna hanga lungdamthu puakna, makai masate adinga thungetsakna leh Program lawhcing taka a kizat theihna dingin thumna kinei hi.

Hih zawh ciangin Good Shepherd Home panin Bible Recitation naupang mi 7 in hong nei uh hi. English leh Paite in Ps. 23:1-6 sung hong gen ban uh ah, Action Song “Jhum Jhum Jhum” cih kilawm takin present uh hi. Paite pau a vai naupang ten bible chang gen cih ka zak ciang in lamdang kasa hi. A co-ordinator uh Mung Tawmbing kiang ah kankhe pah in aman,"naupang ten theih haksa a sa kei uh, kaal thum kaan a zil kei uh" ci hi. Ps 23:1-6 in zokam.

Amaute zawh ciangin Speaker Pastor Nenglian Vualnam in ama hun hong la to pah hi. Lai Siangtho pansan in thulu dingin, “Bang hanga Puan-Inn kek kisam hiam?” cih siamtak in gen hi. Puanbuk keek a kisapna hici bangin gen hi.

(i) Pasianin nang le kei a dingin geelkholhsa hoihtak nei ahihmanin. Gtn. Pasian in Noah leh a inkuante Tuiciim pana a hohkhiatna ah 'Mite in hai sa phial mahleh, Noah in lungkia lo in a nasep zom to to hi'. Tua mah bangin a kua mah peuhin lungkia lo in, kuhkal takin I sep ding ahi hi. Laisimte in zong Puakbuk keek ding i nei hi.

(ii) Zumna tuak loding na hi (v. 4). Pasian adinga I lungsim te hong a, Pasian deihnate leh hoihnate I sut kei leh maizumna ki thuak ding ahi hi. Ahi zongin, i pilnate Pasiana dinga i zat nak leh, maizuman i thuak kha ngei kei ding hi. I omna muna a om den dingin hong deihlo hi. Amah in geelsa (plan) eite khempeuh adingin nei khin zo hi.

(iii) Pasian pen nang hong honkhiapa ahih manin, na Puanmun na kek ding kisam hi. Mi simmawh a na om lohna dingin na Puanmun na kek ding kul ahi. Amah muang lecin, na vei leh na tak lam ah kong hong honsak ding a, na suan na khakte adingin thupha ngah na hi ding hi.

Pastor pan hun a zat zawh ciangin Spicer College apat hong pai Zomite in La ngaih nop mahmah tawh mipite hong awi uh hi. Album bawl som cih thu zong kiza. Amaute zawh ciangin Goa khopi pana hong pai Thangno in “Hong Zang In” cih lasakna hong nei leuleu hi.

Ama zawh ciangin Music Secretary ahi Mr. T. Suanlian in Souvenir honna hong makaih a, Pastor Nenglian in a honna hong neihsak hi.

Mr Chungminlien in Pasian phatna la hong sa hi. Ama lasakna a zawh ciangin Worship Teamte in tawpna la “He Leadeth Me” cih hong makaih uh a, tua zawh ciangin Pu Siama, ZCF Advisor in hunkhakna nei hi.

Tea break

SECOND SESSION (31/07/2011)

Ahun: 2:40PM

Leader: Kevin Mung Guite

Leader in mipite muakna a neih zawh ciangin, Praise and Worship Teamte in lasakna hong makaih uh hi. Amaute makaihna tawh “On a Hill Far Away,” cih la kisa hi. Hih la a kisak zawh ciangin Holy Communion Pastor Khai Khan Pau in hong neihpih hi. Aman LST mun khat 1 Cor. 11:23-32 simna nei hi. Tua zawh ciangin Holy Communion a kizatna hang tuamtuam te gen a tua te ahih leh: (i) a sign of continuing fellowship with the Lord Jesus Christ, (ii) remembrance of what Christ has done on the cross, i.e., His victory, (iii) Reminder of Jesus’ second coming (Parousia), (iv) the proclamation of the Lord’s death, (v) For spiritual nourishment, (vi) a sign of unity of believers, (vii) affirmation of faith in Christ, (viii) it gives us hope. Aman, Topa annkuang a um ding mi khempeuh lungsim siangtho tak neih ding a kisap thu gen hi. Tua zawh ciangin kiphatsaknate paikhia a, kiniamkhiat tak leh kisa kawma ne dingin mipite zawn hi. Ama hun zawh ciangin la makaite in “Ancient of Days” cih la hong makaih ziahziah uh hi.

Amaute zawh ciangin Pastor Nenglian Vualnam in Pasian thu tawh hanthotna kipan hi. Aman LST pansan in thulu “Bangci bangin I Puanbuk khan Ding” cih ngaihnop takin hong gen hi. A thugen tomlak a nuaia bang hi.

I Puanbuk I khansak ma in, Pasian zon masak ding a poimoh na tawh pan a (Jas. 4:8). Tua dingin Pasian ah I Upna leh muanna I ngak ding kisam masa pen hi, ci hi. Tua hileh, Pasianin hong naih ding hi. Bang ci bangin Pasian naih ding?

(i) Pasian sap ding cihna hi (Isa. 55: 6f).

(ii) Gitlohna leh ngaihsutna hoihlote taisan ding, cihna hi (To forsake our wicked ways and evil thoughts).

(iii) Pasian muan ding leh Ama’ deihnate zawn ding, cihna hi.

Tua ahih leh, bang hanga Pasian naih ding kisam ahia? Bang hang hiam cih leh Pasian deihna leh mihingte deihna kibang lo ahih manin. Bang hangin Pasian naih ding kisam? “A mawhna uh Ka maisak ding,” Topa’n ci hi. Amah I kiang hong nai laitak in eiten zong i naih ding ahi hi. Tua pen Puanbuk khan sakna dan khat ahi hi. A result tu leh tu in I mu pah kei zongin, I muh hun om veve ding hi. I sap zawh nak leh, Pasian I mu takpi ding hi. Bang hang hiam cih leh, Amah I kiang nai ah om hi. Ngaklah lua in, lungkham pah kei in, Topa naih lel lecin, na haksatna teng hong veng ding hi. Topa naih na tawh I Puanbukte keek ni.

Rev. Asong Chiru, ZCF Missionary in hun khakna Benediction tawh hong neihsak hi.

Ann limtak nek khit in kikhen phot ahi.

Ko bel Chairman pu thusiam na toh pastor va zui in innteknu anhuan limtak nitak in ka va ne in UBS lam ah Tim Naulak in gari in pii kawi kawi hi.

Day 2: CELEBRATION

01 Aug 2011.

Leader: Mr GL John Seldow, recorder: Lia Dimthianmawi

Invocation Mrs Manno Varghese in a neih zawh in praise and worship nuam tak in hong pii uhi. Guitarist thum, drum leh keyboard leh song leader mi thum in hong makaih taktak zaw nuam lua himai. Unp T. Suanlian in a makaih zo mahmah hi. Mun dang tampi toh ka tetkak sang in 'praise and worship lively petmah' cihtan in ka gen lel ding. Amaute-

T. Suanlian- lead vocal

Chhingpui-vocal

Ruth Naulak-vocal

Suanpau-keyboard

Jenkhanlun-elec. Guitar

Lalmuan-elec. Guitar

Mangchinlian-Bassist

Veven-on the Drum ahi uh.

Mr Samuel Songate in thohlawm latna a neih zoh in lasakna 'aw Topa na vualzawlna pha cih leh..

Yeshu masih cih a ki sa ziahziah hi. Lungkhoih diak

'...tuana selung mawlte tun hong domsangta.

Topa eidin hoih na e.

...'Pyare pita

Tune humse kitna pyar kiya

Mere paapo se chudane ko

Apne bete ko kurban kiya

Pastor Nenglian in hunpi hong la to hi.

Will of God cih toh kisai a gen. Aman a genna ah 'there are certain features in all God's plan. Sanctification, Prayer and Thanksgiving, Doing good, Surrender leh Reading the bible” cihte ahi. I hinkhua a thiltung leh vision tungtawn in a hong pii hi. Bucingtak in a hong gen to hi.

Tuakhit in celebration cake cut na Pastor Nenglian leh ZCF Chairman in a nei uhi. Kei, Kamzalian in zong I biak Pasian a I neih uh toh kisai bia kha ka hihna leh hampha huai kasakna ka gen hi. Mr David, FMPB in greetings hong gen hi. Greeting msg kingahte simkhiatna leader in a neih beh hi.

Adoption and enactment of the bye-law of ZCF Pune cih laibuta Evan. Tongminthang in a hong nei hi. ZCF om teng lak a bye-law nei masa pen ahi diam ka ci nuam hi.

ZCF Pune toh kisai makai masate gift piakna neih a hih khit in Suanlian in 'Simply worship' cih la sak na hun hong neih pih hi.

Mimal lasakna bang zah hiam zoh a hih nung in Pu GL John Seldow, Secy ZCF pune in foundation zatna toh kisai kipahthu puanna siamtak in hong nei hi.

Zo ann limtak nek khit himahleh prog khelah tak in zoh ahita. Hun zat khit himahleh lasa leh tumging tum siamten concert hong nei taktak zaw aw ‘thupi leh nuam himai’.

This is Keikahi and Kham Suante reporting.

For Pix CLICK

No comments: