Saturday, February 25, 2012

Album Review: Ngaklah ing e


Artist: N. Thawnsangmung @Mungbawi Neihguk
Director: Mungbawi Neihguk
Music: Thangzangam
Producer: Phatuamngai mi bangzah hiamte
Studio: Gibeon Digital Recording Studio
Editing: Uptown Media
Videography: SZB Vision
Email: mungboyz@gmail.com
N. Thawnsangmung @ Mungbawi Neihguk toh kisai:
February 8th, 1991 ni a Singngat khua ah pa N. Thangkhansong leh Vungzanem te goutan nga na din ana piang hi. A nu-le-pa te’n haksatna leh gentheihna palto in ana kep toh uh. Lamet bei bang a om nung in June 17th 2010 in Jesu Krist a hotdampa din ana sangta. Toupa’n lametna thak leh kipahna bukim i khovel in apiak theih bang hilo a tuam deuh ana peta hi. Tulel in Zoar Veng, Bungmual, Lamka, Manipur ah a khosa lel hi.
A muan leh a belh a dia a septheih khomkhom semto in, mun tuamtuam ah kalsuan in a phatna laa te bang sa toto a hong om chiang in, Topa’n laa a piakte banah ama mimal testimony te album a bawl khiat ding lunglutna liantak nei in, Amah min pahtawina leh midangte adinga khalam vualzawlna ahong suah ngei ding lametna toh a panto a, a vualzo to jel hi. Singngat vanglaini pholh kiik thak na Singngat Special Meet 2011 ah zong nisim December 29, 2011 ni in Mungboi Neihguk in lung khoih mahmah, Piangsak Vontawi cih laa a sa hi. A hihtheih khomkhom in vaulphalo te a ding in ‘the malsawm initiative’ tungtawn in a pang hi. (website: http://www.communityinitiate.org). Hihte tungtawn in Topa kia’n Thupina tang hen a ci hi. Laigelhtu V.L Mangzo in Mungbawi lasak a ngaihkhiat in 'Muana Ngaihte a piangnawn a hia?' a ci hial hi.
Australia mi khut leh khe kimlo a piang Nicholas James Vujicic, (born on 4 December 1982 website- http://www.lifewithoutlimbs.org ) toh ka teh a ka lung hong khoih mahmah. A hinkhua tungtawn a midang te a ding in preacher and motivational speaker minthang mahmah ahi.
8For this thing I besought the Lord thrice, that it might depart from me. 9And he said unto me, My grace is sufficient for thee: for my strength is made perfect in weakness. Most gladly therefore will I rather glory in my infirmities, that the power of Christ may rest upon me. 10Therefore I take pleasure in infirmities, in reproaches, in necessities, in persecutions, in distresses for Christ's sake: for when I am weak, then am I strong ~2 Cor 12:8-10.
Album toh kisai:
November 12, 2011 nitaklam in dak 1:30 in honkhiat New Lamka YPA hall ah honkhiat ahi. A late ama phuah vek hikei mahleh a hoih vek hi. A hoihpen teel ding hileh a teel hak mahmah ding. Pasian' hopihna za a laphuakte'n a gelh uh ahi cih muh theih hi. Album HIT na dia poimoh laa hoih, kipezotak a sa, music hoih, background scene, editing cihte leh Pasian ompihna tang ahihman in a HIT mahmah hi.

Gamdang ah muhtheih hita:
Pasian hehpihna in a lawhcing mahmah kia hilo in US natan ah zuakkhiat theih din gelfel ahita. 13 February 2012 in US tungta cih thu ka za hi. US ah om na hihleh hiah a kan theih ding.
Tg. Thomas Tuang
1309 E Roosevelt Rd Apt 4
Wheaton IL 60187, USA
Home ph 630 908 2349
Cell 630 344 2981
Chicago
Australia leh Malaysia ah zong muh theih pah ahi ding. Tualo in maban ah zong a lemtheih leh album bawl sawm ahihdan review bawltu kiangah a kamteh hi.
A lasakte apat in:
Bukim a piang himah le hang mihingte bucinglo kisakna om ciat. My heart truely knows now that you love me cih laa ama phhuah toh a kipan a, tawldam tuan mahmah. Siangtho leh lamdang pumpi silh in i leeng ta ding uh. Lungkim omlohna gam, Omlai vei lungzuan zatam sial veng.
Topa aw na gam ka ngai ngei e. Bukimlohna gam ahi. Na gam kong tun ciang kahna leh sihna te beita ding a. Na siang tunkal hai bang ngaklah ing. Nang vaang in kei zong ni bang taang silsial ta ding. Topa aw hong ngaidam in, thelnah keusa bang ka nuntakna. Siit neilo in hong kipia ing e. Pilna siamna bangmah neilo zong phulo na Lalgam na hong tangsak lai. Hong pialsan non kei ning.
Hon huai zel in- Hun leh kumte luang liam zel mahleh Topa itna ki dang ngeilo. Na khut muanhuai in kei hong pii in; ham bang hong huai zel in. Israel te gamdai ah na pii bang in hong pii zel in aw. Tom kal zong hong nusia lo aw.
Neemtu Topa- Hatna neilo a lungkia in om ing. Simmohna silhpuan in bat zel mahleng hong taisan ngeilo neemtu Topa nei ing. Kon beel den ding. Topa nang ka bitna na hi. Muh ding kei ah omlo zongleh hon neemtu ginom Topa nei ing. Vangsia kisa, Dah leh ngui in om mahleng khovel piak hilo nang kiang pan mu ing.
Nang toh om leng- Leitung nopna koi ah om hiam, ci in kim leh pam ka zong a, lungnopna neitu Topa lo ngal. Koiah om in bang teng hih zong Topa nang toh lo in ka lungsim hihnuam thei dang omlo. Nang toh omleng ka lung nuam hi. Na huailoh in kei khattang lua ing. Nang hong it bang in itna dang ka mulo. Nopna kicing pahna kicing nang kiangah om hi cih thei ing.
Kei leh ka inkuan- Ka simlei tang bang damlai ni sawtlo in hong bei ding. Khaaltui bang in luang liam zota, hong hehpih in. Nang man vai hong hawmta in. Lemna Pasian nang hong ngai in. Na mai ah cingzo ding om kei ung. Ham bang hong huai in. Sum-leh-pai toh inkuan kiho theilo sangin genthei a kiho thei utzaw ing.
Damlai khovel gamdai- Melma khemtu a tam ngei e, Topa na hatna in hong zo sak in. Laukha siktui siangtho hong ngai ing e. Van kannan ka hong tun ma zaw Na ban hat in hon pii zel in aw. Khelhna gu a hat thuak zo kei ing e. Ka pahna bukim nang ah ahi.
Simlei tung ah- Simleitung ah kei pian aw lamdang na lawmlawm e. Gualtoh tanbang kimlo a. Pasian thupitna ding hi ci in Amah phatna ding in zaideih awi ning. Topa kei din hoih hi. Bukimlo pumpi ka nutsiat ciang...
Aw ngai veng e tung thangvan gam nuam, piangsual omlohna. Tuangtun kal ngaklah ing e. Tua mun ah To Zeisun naubang hong pom ding a. Hun leh nite mualliam zungzung. Damlai lampi maciang suan zel ni. Ittu ding neilo kisa ki ngaisia in, ka hinna in pahna ding himhim neilo ahihlai in. Ka hong phokloh lai zong nong it veve. Ka hong pialsan non kei ding.
Kining ching- Lungnopna, nopsakna ka zonzon hang. Topa awnem za ing. Na hehpihna kei a din lian in kicing hi. Na vangletna ki cing hi kei a ding in. Ka hatna nang na hi. Ka hoihna, dikna nang na hi.
Topa tatsa- Topa tatsa zion tate ama kiangah kiknon ni hang. Sal ah ka taang uh hon piikik non in. A tawpna a mittaw mi nih, N.Thangsuanpau & T. Kammuanthang te toh laa a hong sakkhop pen in hong koih kha mahmah. Hih thumal te ahi a sak khop uh: Mittaw khomial pi sung ah om in... Jerusalem thak ah... Kipak in lasa ning Haleluijah ci in... Mittaw khuamial omlo. Mipawi miphak omlo. Aw ken ngaklah lua ing tuamun nuam bel. Bukimlo in leng mah leng zong, ka mel nisa sang in vakzaw ngei ding. Bukimlo hiai khovel ken ngai ngei non kei ning.
Well, Its a Mungbawi presentations 2011

No comments: