Thursday, May 31, 2012

Film review: Man in black III


(Film ka etlohna sawt ta ei. . Ka Mumbai Ofis uah ka sep zoh kum 1 cin ni dt 30.05.2012. Nitaklam inn tun ma a ticket ka lak phei ngal. Inn tung. Naute a dia nektheih ka lei te pia, ka puan silh khek khe zok in a en dia ka kuan. Dak 6.18 lak in atvaltais a om zoh in Jana gana mana... hong play ua, a en ding teng ka ding vek uhi. Tua khit phet in a minthang MIB III film Hindi dialogue with no subtitle hong ki panta...)

 
Give me sugar.
In water.
cih dialogue na theih leh en ut ngel ding hi teh.
Boris the Animal, ei gen dan in a gunda pa security khauhtak mai hi mahleh kum 40 val kolbulh a a omna lunar prison apat a numei nu panpih a hong taikhia hi. Boris mittang lauhhuai ta zawzen, durbin thuahsa mah bang. A khut/baan tankhiatsak pa tungah phuba laksom I a hong phe tenten hi. ArcNet kici alien te apat kivenna bucin sak loh som zomah.

Agent K mi pau tawm, socially eccentric deuh mai lamdang tak in a mang mok hi. Paupu film a Lumpu zi hawldan theilo category ahi sim mai. Agent J, ahihna khek lo in mi pau tam mahmah ahi lai. Seppih ding lawm thak piak in a om hi. Himahleh a mang hiau a lawmpa a ofis uah a kankhiat leh kum tamtak pai ta in Agent K ana si ta cih a thei hi. Tua kia hilo in thil tam tak, ama hinkhua na tan theihloh a nei hi. A sepna organisation computer ua classified database apat a kankhiat som ciang in 'a dinmun niam leh a loh tawm ziak in theihsak ahi kei'.

Et taak mahmah kasa. A sound lah nasa. Hong ging hun hun jel, special effect lah zatsiam ta buang un 'tun ah bang hong ci de aw' cih theih ut na a hong guan hi. A tangthu paidan ngaihtuah thak na din INTERVAL a hong om hi. Pawt khia, zun va tha. Vaimim kanpuak (popcorn ci mah uteh maw) Rs.15 man lei in ka lut non hi. Totally glued and engrossed hi ngel ning; ka kanpuak ka ne gai man kei hi.

Khovel humbit na ding leh baan tansak a om pa a pat bitna din panlak a ngaita. Agent J in a hong sui ciang in hun paisa ah khualzin a poimoh ta. 1969 kum a Cape Canaveral apat Apollo 11 rocket kapkhiat na ua hong ki beihna hun ah. A hong ki beih thak non ua nidang a a lawmpa sih ma hun geih in Boris a hong zou hi. Rocket lohcingtak in kapkhiat ahi a, alien te apat leitung a dia kivenna ArcNet lohcingtak a koih ahita.

A lawm thak junior Agent K pen Agent K mah ahi. Agent J zong na maimai tuan sam lo, Boris in a pa a thahsak, Apollo rocket kapkhiat masak hun lai a venbitna enkai Colonel tapa ahi.
Dak 8 gin ma deuh in a film hong bei a ka dinner time uh ka lap man.

Director: Barry Sonnenfeld
Cast: Will Smith, Tommy Lee Jones leh Josh Brolin.
Rating: A sang lam pang.

No comments: