Friday, August 3, 2012

INTERVIEW WITH Ms. GRACE MUANKIM; SINGAPORE


Khovel tengteng ah pai un..cia Bible a thupiak in i om a, i khua, I gam India kan khe zou mahmah lou i tam mahmah lai in, tung Pasian itna vang a khovak hong taang in Topa thupha tampi hon puak a, gamdang a busa zou bangzah hiam i om panpan ta uh hi. Leitung a gamsiangthou penpen leh mimal kumkhat summuh khiat( Per Capita income) san’ na pen mun, Singapore bang ah va khosa in, laitual i leeng mai ta hi. Singapore gam omdan taangpi ei’ a pai kha lou te’ theih ding in Grace Muankim (GM) leh TAZENSAM (TZS) te houlimna simsuk aw le.
TZS: Haro, U Grace dam maw? Houlim zek leng cia hong kuan hi ung eii…
GM: Ehe! Nouteng zenzen.. Bang houlim d ci na hi ua?

TZS: Houlimna d thu tam veh aw… I pan pah mai u aw le. A cih leh Bang kum a Singapore ana tung na hia le?
GM: 2006 September ahi.

TZS: Bang chi dan a va tung kha na hia? kua hong kawk muh?
GM: Singapore a omsa Imphal te Veronica ki ci a pan ka theih khak ahi. Midang zong zon bawl mah leh ken Passport kana neihsa ziak in baihlam pen suak hi mai. VISA bel Gauhati ah ka ngaihtuah.

TZS: Singapore toh kikal ah International flight bang in na pia a?
GM: AIR INDIA ahi. Calcutta to Singapore direct hi mai. Ka hisap dan mawkmawk in Singapore time leh India time dak kal 2 a kikhia ahih man in Dakkal 5 khong leng thei din ka kigingta. Lenna sung ah Ear phone hong pia ua, mai ah TV om in Blanket khat hong pia ua, Ihmu suk man zek ing.

TZS: Singapore a minam omdan (ethnic composition) hong gen ve maw.
GM: Chinese te tampen uh, Chinese te’ gam ahi. Midang te ahih leh: Philipinos, Japanese, Indian, American, Indonesian, Thai, etc. namteng hi mai. A gam miten Mikang English mi i chih te AMO people a ci se uhi.

TZS: Na sepna te un omna d inn hong pia uh hia?
GM: I pe lou. Lawmte mi 4 toh innluah in ka om khom uh. Indonesian leh Philipinos te ngen a hi uh. Eipau thei lou mawk uh ei ciah English ngen a ki hou ngai ahi. hehe

TZS: Khohun om dan la bang a ci?
GM: Kholum gam ahi. Phalbi omlou. Zan ciang bang a AC leh fan lou a ihmut theih d hilou. Ka nasepna teng uah AC omvek ahi. Guah zuk ciah kisa khol cih om lou in zu phutphut hi. Hua leh thoukang om louh lamdang kasa!

TZS: Hun awl ah bang khong na hih ua?
GM: Hun awl neih ciang in Music ngai, ut leh swimming, ut leh bazaar pot cih khong hi taangpi. Ka omna uah mi hong mawk pot thei lou. Hong hoh ut a om u leh Security ten intercom a hong hou pih un cin, a min leh a hihna gen uh. I theih nung a hong lut sak un i cih leh hong lut thei pan uh.

TZS: Hun awl zat na mun minthang deuh na hoh khakna te ?
GM: Sentosa, East Coast Park, Vivo City leh Singapore Zoo, Singapore Museum cih khawng hi.

TZS: Ann nek tuidawn la, eilam toh a kibang hia?
GM: Ann nek bel innlam toh ki bang khol kei. Gil kial ciah Mc Donalds ah nektheih leh Juice khawng ne in, Chinese leh Japanese food cih te ka ne taang pi uh. A gam miten Ngasa leh aksa tamnek pen un thei ing. Chinese ten soup lam hahbawl mahmah uh. Ann nek puukpuuk cih om khol kei.

TZS: Khotaang hinkhua la?
GM: Ki cheina lam ah gam lum ahih ziak in puan lum sang in half naked phial phial in ki chei uh. Park, Train sung cih khoh ki kawi, ki kiss ngai-ngai un, tun tung lai bang ki en en kha, tu ciang in bel phawk in nei nawn khang, ngeina seh ta. Hahaha. Mi bel mel hoih thei petmah uh. A gam pumpi koimun koimun ah chilsial, nin paih cih te phal louh, a pai teitei te $500/- fine sak uh. Nektheih bawm/hawng khong pocket a kuah phot in dust bin a ki pai pan ahi. Kuva hai ka mu kei a, a ha uh siang thei mahmah cih d hi…haha. Ban ah a gam kiimkot Tuipi vive hi ei.. Tui nak let lua hi mai. Ui deihthoh thei mahmah uh kasa. A ui te uh puan khawng a silhsak uh. A Lampite uh 3 lane taangpi ahi a, one way ngen ahi.
Little India Tekka ah ZCF Biakinn om, Khang lam(Burma) a pan tam mahmah uh. Ka om sung in kiteng d Zomi leh Zomi zong om ua, ka nasep timing leh kikhop hun a ki tuah ngei khol louh ziak in ka kikhawm vang mahmah.

TZS: Mundang/gamdang hoh khak na na nei hia?
GM: Om mah e. Bintan (Indonesia) ah kaal nih (2weeks), China leh Thailand, cih te ah Holiday zang ngen in ka hoh kha. Singapore leh Malaysia bel Lamka to Imphal tawh ki kim lel in teh. VISA tuam bel neih ngai.

TZS: A sum zat u la?
GM: A sum uh Singapore Dollar ki chi. Kong pai dek in $1 leh India sum Rs.42.80 kikim hi ven. Dollar cheng khat a siik ahi a, $2 a pat a note om pan. A tung a gamte a ka holiday zatna te ah ka chiil zat mahmah leh $600 khawng bei sak ing. (Singapore Dollar te hong sawk khia in ki en laihlaih!)

TZS: Chi khemkhem leng…Thring nasak mahmah khong om hia hehe! ?
GM: A thring mahmah khat chu Cambodia ah holiday ka hoh in singtang law mahmah, a naupang te bang nin bimbem uh, puansilh lou uh, lamdang kasa!

TZS: Awke a gam toh ki sai tampi i thei ta a, nang la bang tan na om thei dia?
GM: Tu kiginni ciah ka paisuk non ta di.

TZS: Tutung nong pai bang hih d dan a, poimawh tuam om hia?
GM: Innlam phak louhna sawt banah ki ensak ut ka hi. Hualam Doctor te sah ei lam a te ka lunggulh zawk na om a hi.

TZS: Damlou sim pipi in nong houlimpih a, TZS te na tung ah ka kipak petmah uh. Tangnuam minhoih sak tu khat na hi cih kon gen lailai uh ahi. A tawpna din gen ud na nei hia?
GM: Gen d zaw a bei ngei kei na dia, INTERVIEW nong bawl uh ka lungdam mahmah mawk ei..ei khawng hehe!.. I khua ka awlmohna leh TZS panpihna in Rs.500/- ong pe ning aw.

TZS: Hi tham-tham eeee zenzen!!! Pasian Lungzai' siam in na chi na lung damta hen!


Source: TAZENSAM, A news bulletin of Tangnuam dated 29 July 2012

No comments: