Tuesday, August 7, 2012

Linux OS, UBUNTU: Phat ding kilawm


Computer na zat ciang in a sunga software omte a jang na hi lel hi. A software kikoihna foundation pen a Operating System (OS) a kici hi. A ki thei deuh tangpi te; Microsoft te bawl Windows, a techno deuhte zat Linux, a changkang deuhte zat Apple te a Mac OS X ahi uhi. Google in zong OS khat (Linux based) a bawl a Google Chrome OS a ci uhi. Ubuntu pen Linux version tuamtuam te lak a khat ahi a, a khiatna in, 'humanity to others' cihna ahi. Theihsiam na din Unbuntu OS pen mobile phone a Andriod toh tehkak in.

OS pen I gen sa bang in a platform/foundation ahimai hi. Na computer ah BIOS a om a tua banah OS kithun ahi. Hih OS platform/foundation tungah na software tuamtuam te na install/thun/koih hi.

Microsoft Windows leh Ubuntu:
Windows pen mi tampi tak in a jang ahihna ah compatible software tampi a om hi. Tua dungsun in virus tampi mahmah a om hi. Ubuntu compatible software tamkei leh zong a poimoh teng free software a om veve hi. MS Windows a thawn a hikei a, Microsoft Office mahmah zong a leikhiat kul hi. Ubuntu jang leng, a poimoh Antivirus a om hia? cih na lungsung ah hong lut leh Windows environment apat hong kipan na hihna a ciang kuau hi. Ubuntu ah virus phe suau suau din koih ken. Windows a dia virus te ama a dia virus hilo lua kisa in nin a hi lel uhi. Na muh leh delete ziau in. Lungsim nopna din free antivirus software, ClamAV a kici install in. Booting a kin a, vit sa in na zat din mansa in a hong ngak ding hi. Shutdown zong tua bang mah in a kin hi.

A lehlam ah Ubuntu pen free ahi. Install le cin complete Office product, Libre kici a om ngal hi. MS word, Excel, powerpoint presentation leh database access te bang a zat theih free mah in a om ngal cihna ahimai. Midang kiangah khak/share ding na hihleh, pilhuai tak in .doc, .xls format in save in. MS Office file format a file om teng a hong/open thei hi. MS Office in leh hon thei vek kei. Internet browser teng lakah a minthang Firefox customised sa in a om ngal hi. Top header ah tulai a dia poimoh mahmah email leh chat system a om chiuhcheuh a, lemtang mahmah.

Email client ding in MS Outlook toh ki bang Mozilla te bawl Thunderbird a om ngal hi. A changkang deuh a bawlhoih beh ut na hihleh Alt key mek geih inla command type/run geih theih ahi. Desktop screen apat zong na zon ut pen type suk pah theih ahihman in Google te desktop search sangin zong hoihzaw sa ing. Short cut key jang zazat ut na hihleh na keyboard a window key mek zual mah dih; a key combo hong dawk suausuau ding hi. Software na deih beh leh sidebar ah Launcher ah icon khatvei kia click leuh le cin na deih pen Software kin tak in zon khiat a thunlut theih ziang a'i. Na desktop ah na nasep pen hun dang ciah mun dang apat sutzop din Cloud ah na hem tou thei hi. Midang khat kiangah na room na taisat kom un na Ubuntu desktop a file om pen, ana etsak dih ou cih toh bluetooth ziau in meeting hohna dia car hong ngak ah na kikhoh lut thei hi. Media leh multimedia te tweak na ding in free software hun khop a om zomah hi. Tua bang teng a thawn a zatziang ding in om diudeu ahihman in Ubuntu OS pen 'Phat ding kilawm' ahi.

Nidang in online apat I order leh CD a free in hong khak geihgeih uhi. Tu hun in internet speed hoihta ahihman in free download zual ding ahimai. Tulaitak in 12.04 LTS version (aka Precise Pangolin) a om lel hi. LTS in a gen nop pen Long Term banah Support ahi sonson lai hi. Hih kammal teng omkhom ahihna ah tampi thei kei mah le hang I lung a nuam pong hi. Download na ding buai na hihleh, ubuntu pen minthang mahmah lel ahih ciang in, ubuntu.com ah na pai in.

Na software hi in file tengteng cloud ah (ubuntu one) kholkhom na ding sign up le cin mun awng, 5GB hong pe ngal ding uhi. Na deih teng na push touh kia hilo in Ofis a na sepkhit louh teng koih touh a na man dandan in handset ahihkeh mundang a apat na sunzom thei hi. Back up buaipih ngai hetlo din Cloud ah ana kila cecet din na set thei hi. A buai khak leh cloud apat restore theih cihna. Download freak te a ding in torrent client, Deluge a om hi.

Na Computer ah duh zawk zawk dan in Windows toh dual boot din na thuah thei hi. Ahihkeh amah kia na thuah theih hi. Amah kia na thuah leh na computer sung a file, document leh software banah a disk ki auto format ding a, a lui teng kichai, kichai vawt ahimai. Backup external drive ah lak masak a pil huai. Minimum system requirement ngaihsak a ngaikei. Bare minimum ahi a poimoh.
(Running a command from the terminal)
Aih hang ken zong deih ing cih toh kimok pat ding ahi kei. Na OS a na thuah/neihsa software zat lel te taan ding na hi. Tua ahihman in, "don't try this at home. It should be performed by professional only" cih toh khup ni.

For more pix CLICK

1 comment:

Lai IT.Development said...

Good blog
visit me back..
www.laimedia.blogspot.in