Thursday, April 25, 2013

Lamka vaanglai ni; ka theih danin


Tuhun ciangin Lamka apat khopi tuamtuam leh gamdang tanpha ah khosa, kiloh, siamsin, leh nuamlen in hunzang te lakah ke'n nga bang i tatna vangkhua Lamka toh kisai nung etkikna ka hong gelh hi.

  1. Hih thugelh pen Thawthong leh pa Nok theipha ciang te sim ding ahi.
  2. Goal keeper Chalkhum leh Tangnuam khua a Mangpu football siamdan theipha te.
  3. Saikot pan cih a khiatna thei te.
  4. Vuite road leh Subroto sakmin pen football toh mekmat te.
  5. Football ah 'wei, wud, forr cih kammal te jang te.
  6. Tolmamen ah time etna din puansia haal kaangin a zolo ten a thu omlo a complain bawltheih. Game kimawl non geih banah,
  7. Match zohloh man in cup/shield/trophy ana gu khia cihte.
  8. New Lamka I cihleh Tedim road leh College veng genna ahih hunlai.
  9. New Lamka a om mantep stadium ah star player te vaanglai ni.
  1. Lanva lui ah tui khan ciangin kibual dia kuan sese te.
  2. Tui tha leh pukhri peuh ah ki dive dive na gilvun taak sihseh, san hethut zawzen a diving leh swimming lamah matawng te.
  3. Thau(gun) I cihte gamsa beeng na di kia zat hunlai. Tem sagohna dia zat hunlai leh,
  4. Angry birds te saili (gawphel) jang a time pass na dia kido te.
  5. Sum tampi seeng selo a mud bath thovengtak a nei te.

  1. Kesto Khampu, Khamhang leh la minthang 'Tho tho thokang' theipha ciang.
  2. Lian Tombing in vaila, 'aza mere, pa thekpu' cih toh numei dance a a laam lai. HIT petmah.
  3. Function/conference ah laa sak ut man a amah leh amah ki request ciindan a hih lai.
  4. Bit leh zalenlai ihihman in ut tantan program jang geih.
  5. Entertainment omsun, Theatre nih; a saklam leh a khanglam cinema hall ah saptuam in khelhna bang hial a a koih uh Cinema en khate.
  6. Hindi film Gangte dialogue a bawl ahihlai.
  7. Khatvei a sound system buai ziak in a khanglam hall pen nuaiah gulpi om cih khong toh mekmat in a kicim ding sa in a ente taikhia. Kiphupuk lemlum in a liam tanpha om khak hunlai theite.
  1. Phatuamngaih man misi puak ciang in a tot khak khua leh pasal kisa tengin puaksom ciatin kituh ek ek lai hunte. Tua bang hun in, first Thado-Paite clash hunlai 1992 in a minthang Paupi (f/o Gloria Valte) te toh bandh khauhtak nuai ah luang khat Lamka dist. Hospital apat Mualsan khua tan va paw tung. Lampi ah kuamah kituhkhe saklo diing cih toh kihanthon nilouh te pawl ahi hih laigelhpa.
  1. Buk bawl hun. Buhpawl buuk a kaat ziak in Pearsonmun khua te mi tampi a sih uh thei kha.
  1. Sagohna (sa free) omna mun a thei a thei kha se. Cial ngailo in va uap chenchen.
  2. Moulopna omleh sang duh man leh bus tuang utman in va hoh teitei.
  3. Thingkangphai thahdo naupangte toh ka ki et khak ziak a ka kihonlaina om dektak hun lai.
  1. Ebenezer school thei kia hilo in Paupu leh Paula te toh kai masa te. Miss Chiinpi, Miss Hoihnu leh Sir KP (kipaai) cihte hilh khak banah Ebenezer-ak khe bai, Don Bosco-Dutbung sia, Model-mitdel, St Paul-pa pawl, AG-ak gu cih toh kiko tuah hunlai theikha te,
  2. Leh Lanva model high school te awza khat in "Lalwa moden hi si kun" ci la a sak lai theikha.
  3. One time by heart, two time writing system a lai zil te.
  1. Lamka khopi apat Km 32 kia a gamla Singngat khua pen Zezaw' tou a touh luat man hi tuanlo in ni khat in kileh theih cih mangmat khalo te.
  2. Vasa, gamsa leh thankik na tan beng kha. Saili (gawphel) a kido kha.
  3. Leeng, pei thum nei a tuang kha. Eh, boss te a nung ah sawn cencen ngei.
  4. Buhlei, meh lei, baal lei leh vaimim lou bawlkha mahleh popcorn pen vaimim kanpuak ana hilel tak cih theilote.
  5. Ngasa mat ut man in Lawibual, tui ki vung leh luita luang om sunsunte theh ngei.
  6. Kho khung lamah pute Khawltu, leh Leengthei amau huan dim jen a nei mah le uh Louzau lam deuh a mite a duh sese, temta tawh hilo in hatu toh ngiat ziahziah thei.
  1. Bawng leh Lawi cing kha.
  2. Zaanglo (tuilo) a nasem din phalvak ma a kuankhia a, gimtak a sepkhit ciang in gilvah tak an ne khin, loubuk sung a gil zut hiauhiau a lungkim mahmah te.
  3. Buhsaat na ah kiloh in kuan. Nulepate tungah Krismas 'pistol keep' leina ding ngen lo, financially independent banah sangkan na ding sum ama neihsa apat thohkhe thei te.
  4. Ompapa, The Great gang, leh CWA te cheetlai theite.
  1. Nungak te'n tangvalte kiangah 'phensi hong khilai dih' a cih hun lai.
  2. A lawmten khamtheih tuamtuam hih mahleh sum neihloh man leh khamtheih hih dia ana koihlo te.
  3. ECC nuai a Lanva bial leh Lamka bial ten a tuam a Naupang khompi a neih lai hunte.
  1. Besep (BSF) te mandir apat kho vak ma in 'papak laa' hong play ma ua papak zong dia lungsim a papak map toh kuante.
  2. Sepaihte thautang zuak din va tou jelte.
  3. Vaipau theilo pi a nupi lane (family lane) ah bawng hawl dia va kuan, hong khaam uhleh 'gaai dekhe ga' cihteng kia gen thei mihing.
  1. Facebook leh internet cihte om nailo, black and white Tv in kaal teng lateel 'Chitrahar' ngaklah leh nuamsatak mi a va en.
  2. Black and White photography hunlai. A flash a vak a haat ziak a minit bangzah hiam khua mutheilote.
  3. Krismas leenkhop leh zanhak cihte thupi mahmah in koih.
  4. Hara jeans kawnggak toh kithuahte deihpen a neite.
  5. Kenzo kamis thei kha.
  6. Kungfu shoes leh khedap side pocket deihpen ahih hunlai.
  1. Gari mu ut, kia hilo in a hong tai ngeingei leh a khu nam din delh geih2.
  2. A guk a petrol hup ek kia hilo in a khulawng huk cihte siamna a ngai.
  3. Flight zatma. Gari tuan ah khamkhop ngah in Kohima leh Dimapur kikal bus in hong vei dan haksa asa diak te.
  4. Sekmai leh Jaklabanda ah ihmut apat am biangbuang a zan ann nek toh kisai hoihtak gen theite.
  5. Sepaih pang a rail lu mu cih bang chu; turu tak ahih hunlai.
  6. Oi oi oi, ka gen thei/ngam nonkei....ka lunglai ah...

Lamka a ngaihhuai leh khiatlahhuai mahmah hunbi a thutungte ahi. Tunzaw Lamka khua a danglam luata. Ka theih khak hibang lel pen ka ngaizaw. Tham tham. Ngai in, Paakzu bangin teep ahi a, Lamka a vulta ngal a!

No comments: