Friday, October 18, 2013

Review~Kon Ngilh Zou Diam~S.Chingnu


Liapaal Biaknem Guite aka CeeBee Guite in promotional ads a hih. La minthang tampite lakah 10 omna DVD. Zaila kumpinu S. Chingnu in a sak ahi. Pengpelep- Shwanno Buansing, Zuanna danglo, Duanzen ngaihnou, Na gelngam diam leh adg adg omna. Media updates khong apat kana muhphak lel pen nitak khat ka khut a veel din leh zuak din hong om hi. Fans te'n next album a ngaklah gige pen sukbucinna khat ahi. Hamphatna in ka koih hi.

Ka leenglate paikhitin zan sawt mahleh ngaihkhiat pah ut tinten ka hihmanin a Disc ka player ah thunlut in thawm dai zikzek nuaiah ka ngaikhia hiuhiau uhi. A thawmging kilawmtakin ka kim-le-pam apat hong zeel hi. Pi Chingnu aw hoih e maw ka cih komkom in nidang a compact cassette hunlai a paksan nuai a a dinna cover bang ka phawk a, la khat beikhitin bang tan hiam dai dide, 'Khimzing ka zaal mang in maw' cih a kipatdan bang ka phawk hi.

Khatvei ngaihkhiat khitin ka kham zo hetkei. Zing thoh phetin ka replay kik kik uhi. Tampi hong khumbeh laileh cih lunggulhna lianpi ka nei hi. Deih a hong thukhak ten zong ngaklah mahmah ding ci in ka diangkhia a, kava courier ngal hi.

A late hoih leh ngaihkhiat nop kasa mahmah. A motion picture a pai awl dan hoih kasa. La lui ahihna ah a casting te naupang thei lua kasa mok hi. Ahihhangin a late ka deihna in a liahkhuh a category ahi. Tua dan in bel child actor/cast te etnuam e.

La 10 ka ngaih khitin kuate panlakna ahia cih thei-ut in a tawpna acknowledgement, credits ka en detdet hi. Pu Leivang Kam Ngaihte of vangngaih.com bang ka phone pah uhi. Lawm Chin Guite, Sam Guite leh Rinawm Tonsing te siamna gawmkhom a bawlkhiat ahi cih ka theikhia hi. 

No comments: