Friday, March 21, 2014

Bang hang minmal te gelhkhawm ding?


 1.       I behmin te uh a hong suang I pupi min ahi. Behmin malnih te a kigelhkhop mah bang in I min te zong gelhkhop ding ahi.
2.       I min pen a malteng gawmkhop ei min ding in phuak/piak ihihman in phuak min (given/first name) ahi hi. Mal masa pen leh a zom teng a phuaktu in ei a ding in hong piak liauliau ahi.
3.      I min malteng gawmkhop ii khiatna i deih man a kiphuak hi. Khen ding kilawmlo hi.
4.      I minte a mal mal in I gelh ciangin a tawpna min mal pen behmin hilo hi. Theihkhial loh na ding in gelhkhop kul hi.
5.      English ten zolai hong bawlsak hunlai in a malmal a gelh in ei sungah (a milip tawm mahmah lai ihihman in) hithei hi. Tuhun in bel I khuadak theih ciangin International system zat ding mah phamoh ta hi.
6.      I min tawpna pen I tate a ding in behmin (last/Surname) bang in pai taleh sawtlo in I minam hihna mang lel ding hi. Zomi I gen kankan hang in I behmin I gelh keileh a beimang pah ding bang hi.
7.      Mimal tawpna beh behmin in pang mawkleh kikhen neu deuhdeuh na hizaw ding hi.
8.      Mun pawl khat ah tate min ah a middle name ding in a pa min koihsak teitei uhi. Ka tanu in min mal thum nei, a middle name ding in kei min leh behmin gelh sawnsawn leng min mal sagih pha ding hi (Man Muan Kim Kam Za Lian Tomging). Hibang minmal sau leitung mihing te’n ki ngaihsun zo nailo hi.
9.      Form fill-up na ah hi in online khat peuh ah I ki register ding ciang in I min mal kikal ah space koih theihloh cih zong ciamteh kawm le hang I min mal teng gelhkhop ding mah hive aw cih cian pah hi.
10.   Passport leh IT PAN card apply ciangin First name, Middle name leh Last/surname gelh teitei kul hi. Tua ding tan pha in a dik ding, I min mal teng gelh khop a behmin zong gelh hamtang ding kisam hi.
11. Gam dang ah khosa in zo min phuah ding lemtang lo hileh ka behmin mah tawh ka hihna taklang toto thei ding hi ing.

No comments: