Tuesday, April 1, 2014

My birthday in 2014

Tuni nisim March kha, ni 30, ni in kana piang hi. A hun bel ka pu Awnzanang in a diary ah nitaklam dak 3:00 hi in ana ciamteh hi. Birthday lop cih pen naupangte a din koih mahleng Pasian kiangah kilatkhiat poimoh kasa hi.
Zingsang dak 6:00 in khupboh in kilatkhiatna ka nei hi. Hinna hong pia leh makaih Pasian tung ah, Lungdam lua ing ka ci hi. Ka thoukhia a ka hinkhua a beisa apat tuhun leh maban ka lunggeel hi. Call of nature mu ka hihman in room neu ah kava ki-ing kawm in ka hinkhua mah ka ngaihtuah zom jel a; sih hun naih deuhdeuh in ka ki mu a, a kimkhat ahk a kimkhat sang a tamzaw hinkhua zangkhin ka hi de aw cih ka ngaihtuah na ah a om hi.

6:30am in Mumbai local train ka tuang a BKC area ah NSE leh CNBC Tv18 te saina nuaia Investothon kici road run ka va tai hi. Mi tam petmah. Flag off ah kiphupuk (stampede) a om a, third row ah ding ka hihman in bangmah ka ci kei hi.

Inn tung kikin ka inkuante toh ki hello, happy birthday wishes khit in puannak thak liklek US Polo company bawl ka tate’n hong pia uhi. Tua khitin gari nawtsiang fatfat. Ann ne. Kikhom ding kuan pah. Thohlawm laan in pang. Kikhom khin tea fellowship ah ka puan thak’ ngawng bawldikna alpin lakkhiatsak in ka om hi. Nuom lo thimthim. Damlo ki-ensak dia hong pai hopih in a dinmun uh ka dong cian hi.

Keel ngoi lehlep zatzat, huan khit ahih in ne; lim hita veen.

Zingsang a pat zankim-zankhang tan hong deihsak lawm te’n birthday wish hong khak uhi. Ke’n ana like geihgeih. This is life and thanks all for the life we shared together.

Turn by turn in ka tate tawh iPad ah games ka kimawl zoh in light off ahita. Well it’s a day well spent. I was born and ready to face the new (financial) year.

No comments: