Tuesday, March 10, 2015

Naupang te etkaina

Naupang te etkaina
Naupang tawh kisai ka ngaihsut  ciangin Sia Pau Za Cin aka Tompu la phuah ka lungsim ah hong om hi. A lathu ahihleh -
"Nu aw naupang neu ka hih lai in,
Tangtawn hinna hong hilh le cin,
Kei tua bangin om kei ning, nu aw... "

Nu le pa in naupang te kep ding ahihdan a kician mahmah. A keem leh etkai ding in nu le pa  ahi a, teacher te a panpihtu lel ahi. Tulai in naupang kep dingdan tawh kisai ngaihdan/theory a tam mahmah hi. Tate ngaihdan lak ding cih bang ngaihdan khat ahi. Naupang lungsim piching nailo te ngaihdan valak mawk pen fail na khat hi thei hi in ka mu hi. Mohpuakna haksa khat ahi peuhmah. A thei tungtuan child psychologist te zong buai veve, ta kepna lamah a fail te hi thei uhi.
I LST in zong Paunak 22:6 ah " Naupang khat a pai nading lampi ah pantah lecin, a tek dongin a pial nawn kei ding hi." a ci hi.

Nu le pa ten I etkai, pantah ding I mohpuak ahi cih i theih ding ahi. Itna tawh keem in etkai leng phatuam ding a; I inkuan ah, I society leh minam sungah buaina hilo in khantohna hong om zaw teitei ding hi.

No comments: