Monday, January 4, 2016

Mumbai Zomi in Kum thak lawm

Mumbai Zomi in Kum thak lawm
Krisrtian te a ding a a loptaak Krismas Mumbai Zomi ten a lopkhit un 'Kris ah kipawlh khom mah nuam ei, hih jel jel tuak lua' cih tawh K dang khat Kum thak lopna dt 03.01.2015 in a nei nawn uhi. 
Cpt(IN) Lalsuonglien leader na nuai ah I biak Pasian phatna laa tawh bang tan hiam neih khop na kinei masa a, tua khit in Pastor Mung Munsong in Holy Communion hong sai hi. Hotdamna puanzakna neih ahi a tua khit in pastor Robert Samte in Pasian thu 'Lampi thak ah pai ding' ahi dan kicing tak in hong gen hi. Mipi te a ding in zong thuumsakna nei in kitai mahmah hi. 
Alian leh Kamzalian in ana sai tea break in zom zual a Topa phat a Leenkhopna pa T K Zam, Lam David Shingto leh Summinlun in hong makaih uhi. Amaute Esther Ngaihbawi in panpih in Topa ah lungdamna tawh kilaam hi. 
Hibang hun zatna ding a mapang diakte pahtawina leh nute hong ompih theite pahtawina in zui hi. Tuanvai a buaikha diak kiangah 'a material cost' beek pe ni kici hi. A professional labour cost pen kipe zo lo ding ahihman in tua lampang kikankhia ngam lo himai. A sepna ah a lamzan zel ding deihsakna lianpi ki-pia hi.

Neek lam saite hong kipan in tuailai mifel TISS student te makaihna in nupi kipe zo te singtang meh huansa leh Executive Chef James Biaka in sa hong huan sak pa Ginminthang in kuang leh beel a kaihkhop te zang in limsatak in kine hi. Ei ma kam ciat ah kithun ziauziau ahihman in kipau man kei ci uh. 
A mun leh beel te, mifel Muani leh a lawmten hong hahsiang zet in lungkim tak in kikhen diam uhi. 
Let this be the beginning. Hih jel thei ding in Topa'n hong ompih hen cih lungsim tawh ki-om hi.

No comments: