Sunday, March 13, 2016

Mumbai Zomi Sports 2016

Mumbai leh a sehvel a om Zomi ten tu kum 2016 in zong Sports meet nei non uhi. Kum teng in a neih uh himahleh tutung pen Welfare Committee in a sai ahi.

Nisim 12.03.2016 in time slot 12:30pm apat 7:00pm kikal sung vingveng a minthang MSSA ground - Azad maidan ah a nei uhi. Pastor Khenmung Munsong in thumna nei in, team nih Captain ten rules and regulations bang a kimawl ding, sportsmanship tak a kimawl din a kiciam ua, Capt(IN) L Tonsing in ball khat pek khia in a hongkhia hi.


Team nih Blue leh White in kikhen ua nasatak in kibeihna leh kipolhkhomna om hi. A masa pen in naupang te a ding in Musical Chair sai ua pa Kamzalian Blue Team Captain leh Ginminthang Shoute White Team captain ten a group uh nasatak in makaih ua Open Category Numei Pasal ten zong Musical Chair a neizom uhi. Kingang leh Zei poimoh game ahi a pastor Khenmung Munsong in Kapsian a zo khia hamham hi.





Five stages obstacle race: Balloon mut tap, maida kawm apat haa a coin pet khiat, phim ah khau khum, candle mitlo a tawi suak leh spoon race ahi.
Khut kibuan ah Damsuanmang in 'Over the top title' a la hi. Volleyball ah Numei leh Pasal kimawlna om in Blue Team in gualzohna a la tuaktuak uhi.
Tai kidemna 100mtr leh 200mtr race a numei leh pasal a om tuak a, Mei zial Zen in dead heat run ahi mai hi.
Team work taktak Tug of War ah kibeihna nasatak a om hi. Lang khat ah mi 30 khong pang in Navy te Long khihkipna khau in a hong kikang tuah taktak ua, Team leader ten a member te uh hoihtak in thathousak ua thagum lompai sak in hong hih vutvut ua leh Blue team in amau lamah nihvei kai zo ahihman un a hatzaw hihna a la uhi.
Football in zui a Numei te hong ki mawl taktak ua a zo zosam omlo hi. Tie break in penalty shoot out neih ngai hial in a om hi. A peek siam ciat cih mah tak a peek lut geih geih uhi. Goal khat tuak save banah Blue house keeper in goal dang khat save beh ahihman in Vualzohna a la uhi. Pasal te ahihleh Papi-Tangval game ahi. Samuel Ngaihte leh Kungmuanlal te cet mahmah ua, papi lamah pastor tegel; Khenmung leh Robert ten a siam lai dan uh zang in ki bei thei mahmah uhi. Closing whistle a hong gin in Tangval ten 4-3 in Champion Trophy a la uhi.
Welfare lam apat pa Roumuan in kipahthu a gen a, nu Nempi in special award a hong sai hi. Best sportsmanship leh performance din Nu Muanching, Samuel Ngaihte leh Damsuanmang ten a la uhi. Award sponsor te ahihleh nu Nempi, Dr Thangmawi leh Mangte Taitom ahi uh.

No comments: