Sunday, March 25, 2018

Tumnah Nipi 2018

Tumnah nipi
[Date 25.03.2018 ni a Mumbai ZCF kikhopna ah ka thugen ~ Kamzalian Tomging]

I Topa Jesu pahtawi a a om ni sunsun Palm Sunday ci a minvawh ahi. Leitung ah eite honkhia ding in mihing in hong pai lai in nihvei kia Kumpi min pua in ki-bia in ki-pahtawi hi.
Palm Sunday tawh kisai NT ah Matthew 21:1-12; Mark 11:1-11; Luke 19:29-44; John 12:12-19 te ah a kigelh hi. OT ah munih ah a kigelh hi.
A hong pianni in mipil te chibai buk din a hong pai uh. Tualo in Palm Sunday ni in pahtawi in a om hi. Hih thiltung tawh kisai in bang teng kizang a I cih I en masa ding. Sabengtung, Puan leh Tumnah ahi. Sabengtung icih sa ginalo khat ahi. Ginalo himahleh Topa Jesu a tuang ciangin gen phak in a om hi; eite zong I hinkhua ah Topa Tuangsak in vaihawm sak le hang thupi leh genkhak in I om ding. Puan a phah uh; puan cituamtuam-hoihlo, kek leh nin om ahihman in Topa tawh mekmat kilawm zolo a bang. Tumnah pen hoih pen suak ahihman in Palm Sunday kici hi ding in koih ni. [Jn 12:13-Nisuh hiang tawi a ci.]. Tua lou in a kizang kammal Hosanna ahi. Tungnung pen ah Hosanna cih himahleh gualzohna kammal ahi kei. Hong honkhia in cihna ahi zaw cih mangngilh kei ni.
Background a I theih ding: Olive tang apat 5 Km khong a kigamla Jesusalem a hong pai uhi. Jerulasam temple hahsiang uh, tua khit in nitum kuan ahihman in Bethani a khawl din pai uh kici ahihman in ni kimkhat kia pahtawi a om din a gintakhhuai hi. Hih ni tawh kisai history ah bang om hiam icihleh Jude governor Pontius Pilate makaihna in Jerusalem khopi tumlam apat suahlam ah military march ana nei hi. I ngaihtuah leh Jesu pahtawi a om tua khit in Jerusalem temple hahsiang ahihman in hun tomchik sung kia pahtawi a om hi lel ding ahi.

Palm Sunday tawh kisai nungzuite apat sinlai I lak theih bang a om hiam I enkhom ding.
Pansan ding in LST sim ni. Matthew 21:1-12. Panpihna thuumna nei.
1.       Topa thupiak/hilhna kician mahmah vs 1-3
Koiah pai ding, bang hih ding, bang gen ding. Mai a khua ah pai ding, Sabengtung kikhih mu ding, Suut ding, Jesu kiangah kai ding.
Ei ten Topa hilhna bang ci theih ding. Rom 12:2 ah Leitung mite bang a omlo ding. Lungsim kikheel ding. Tua hileh Pasian deihna bang hi hiam I thei ding kici hi.
Jn 16:13-14-Khasiangtho hong tun ciangin a dik in hong pii ding a kici hi.
Ps 32: 8-I will instruct you and tech you the way you should go. I will counsel you with loving eye.

2.      Topa Thupiak LST tawh kituak
OT Zakaria 9:9-Aw Zion na kumpi sabengtung tungah tuang in a hong pai ding a kici. Psalm 118:25-26 New International Version (NIV)
25 Lord, save us! Lord, grant us success! [Hosanna]
26 Blessed is he who comes in the name of the Lord. From the house of the Lord we bless you.
Matt 5:18 nothing of my word will disappear until everything is accomplished.

3.      Topa hilhna a hi ngeingei ding- Vss. 6-7
A nungzuite a va pai ua Topa Jesu gen bang in va mu, va hih kia hilo in a kiang a om ten ana dong uh, a hilh bang in a dotna uh a dawn uleh khah uh.

4.      Topa hilhna a hoihse - Vss. 8-11
Nungzui ten a gen bang a a zuih uleh amau zong part of the great day ah pang kha. LST in a genkholh tangtun na suak hi.
Nungzui te thuzuihna tawh kisai eite a ding in bang sinlai a om a cih gen ni.
Thupiak, thu hihna pen zuih ding>Thuman ding ahi.
Kua thu la? I kiang nai om Topa koih te kua ahia, A thu uh I man ding.
Nu le pa: Mawl leh pillo, tulai lo. Ngaihsun thak ni. Selung geel non ni. Nu/pa thu na mang, na mang tam deuh leng zaw hitan kia tunglo ding hiveng na cih hun a om ding.
Ute: Zukham, Thulimlo hikha thei. A sia hong gen sam ken teh.
Pasal te: Topan I lutang ding a koih ahi.
Sapte: Fello, theilo, thring deuh I cikha thei. A dinmun tungtawn un muhna lianzaw nei tangpi uh ahi.
Hih I gen in a dinmun uh zahtak leh thuman ding gen ut ihi. Mi maimai khat hausa leh I zahtak, MLA hileh, kaam mu in sepna hoihtak nei leh I zahtak hi. Amah hilo in a hihna ahi. Nu ahihna uh, Pa ahihna uh, U ahihna uh, Pasal ahihna uh zahtak kom a thuman ding ahi. Ei sang a hihna sangzaw te, Nu leh Pa, Ute, Pasal te, Heutute zahtak ding, zuih ding ahi.
Topa piina pen kician in hoihse a Ama deihna bang in tung ngeingei ahi cih mangngilh kei ni. Topa’n thumang thei ding leh zui thei ding in hong ompih ciat ta hen.

No comments: