Tuesday, February 5, 2019

Book Review: Tangthupha gen a ka kalsuannate leh Revivals

Book Review: Tangthupha gen a ka kalsuannate leh Revivals
A gelh: Pum Za Thang Tombing
First Edition: October 2018; price Rs.150/-
...
Rev. Pum Za Thang Tombing in Topa’ tangthupha gendia a kipat (March 1969) zawh kum 50 cinna hun a Topa’n a zatkhak sam dan leh tua tungtawn a gahsuahte a' niteng laibu (diary) pansan a bawl laibu ahi. EBCC a dia Revival masa thu zong ahi.
Mi masa pastor P K Englian, Upa Suakhnun, Evan. Zamlian leh Evan. G. Thonzakham te tawh Topa’n amau tungtawn a asepkhiat thupitak amuh theih hi. Theihtuak mahmah, Biakna a I mi masate; Nengzachin leh S T Hau Go thu zong a om hi. Tualo in amah leh khovel a Evangelist minthang Billy Graham thu zong a gelh hi.
A belh Topa’ piina tawh kisai suina ahihna ah ‘Aman honpi’ a cih tawh a kituak mahmah. Lamka a dia khua poimoh Bungmual, Pearsonmun hi in Chiengkonpang a cialpi nasa leh lawhcingtak a bawldan. Banah PNC & Boys Scout kiphuhkhiatna, Saptuam lamah BCM & CBA kiphuahkhiatna leh Paite puandum piankhiatna khua ahi Tangnuam khua ah cialpi abawlna zong a gelh hi.
Siit leh khentuam neilo in Myanmar hi in India gamah micih kiangah (Simte kual, Gangte kual etc.) cialpi ava bawl hi. Mizogam buailai in Jail tangkha, Topa’n Ama a dia pangte humbit ahihna a kilang mahmah. A thugen tungtawn in miten I Topa’ hotdamna mu kia hilo mimal hi in khua tuamtuamte kilemna a tun cih amuhtheih hi. A cialpi bawlten a kiim a paam a khua teng a zelhsuak jel dan muh in a om hi.
Revival thu I sim ciang in, va telkhak uthuai na mai jen e! kici ahihna ah tua hunlai bang a phattuampih theisam ding in khenpi khat mahmah a gelh hi.
Pasian mizat leh mi manpha ahi cih a kician mahmah. Ahi a, I gam buaina tawh kisai Topa ah ngaihdam kingettuah a damna omsun ahi cih zillai muhtheih ahi. Tangthupha tawh kisai khanlohna thak a hong tun a lunggulhhuai mahmah.
Nidanglai thu leh tangthupha thehzakna thu tampi telkha ahihman in lei tuak, sim tuak leh kep tuak mahmah laibu ahi.


No comments: