Friday, March 1, 2019

MONEY: THE SIXTH SENSE


MONEY: THE SIXTH SENSE
Published in the magazine of Delhi called Gosem

I theihchiat bang un, mihingte’n sense 5 I nei uhi. Hiaite poimoh mah2 ua, amau lak a khat peuh in a sepding bang uh a septheihlouh chiang un taksa natna/ bukimlouhna a tun hi. Hun hongpai zel ah, sum poimohna lian deuh2 in, mi khat ngial in tuh "Money is like the sixth sense of human without which you cannot make a complete use of the other five" chi hi. Hiai pen, tu dinmun (abik in khopi ah) toh i ngaihtuah leh dik mah2 hi. Muh ut, duh, deih leh zak ut, etc. I hau ua, ahia, SUM i neih kei leh huaite sukbuching theih hilou hi. Kum bangzah hiam paita a Wall Street Journal in a gelh-na ah - "Money is an article which may be used as a universal passport to everywhere except Heaven, and as a universal provider of everything except Happiness" chi hi.

Tuiai khovel ah theihna, pilna, siamna sangtak neite sangin sum neite'n thil hihthei zaw bang uhi. Sum zaw zon a, neih a, buching zawdeuh a khosak ding mah ana hi hi. Ei Zomite bang ki en leng I buaina tamzawte innsung a buaina, siamsin-na maban hon daltu, etc. sum-le-pai dinmun uh niam luat ziak ana hi hi.

Sum-le-pai bang chia zong a muh ding ei ta le? I gam ua lah hauhsakna ding genlouh, I nek khop le piangsak zoulou hanga, Govt. in mizawngte dopkangna ding leh gam puahna dia programme leh fund tuam2 hon bawlsakte uh lah officer tamlou chikte ki tundingna ding suak zel a, khenkhatte siatna ah khenkhatte a khang uhi (at the cost of other). Aneite'n lah productive dia zanga, investment bawl om khollou hi. Lottery khawng, van kila sawn' - a sum kivei kual2 sak hanga, I invest theihna sun uh, neih zoh dan bang chiat a tate laisin a koih hang a, huai ah neukha I lohching zek lel hi.

Pathian in hihtheihna(talent) hon piak bang dungzui a I mite, saptuamte, makhua ding khual a ngaihtuah hun mah2 hi. I zong ding ua, I sem ding ua, nnasemtu chu loh mutak a seh ahi ngal a. Ahia, phatuam ngai lua himahle'ng I muhdan(a means) a dik kei leh vualzawlna dal to leng hong suak thei zel hi.

Sum tawm I neih hang in, I deih pen tam mah2 hi. Huaiziakin, I deih leh I poimoh kikal khensiam a, priority set siam pen poimoh mah2 hi. Etsakna din: Pathian in lem hon sakpih leh SSPP Golden Jubilee'97 lawm dingin I kisa panpan to ua, huai a zatding sum lakh 15 val bang budget in ki-guang a alohchin ngei leng I lam-en hi. Huai a zat ding sum huai zahzah muhna ding thei I hihleh, huai sanga manpha zaw deuh di hun hong pai ding (long run) a dia I mi-le-gam in a phat-tuampih theih ding job-creation khawng om theihna bang ngaihtuah theihlou I di uam? Ei lak nana na a ni 2/3 a bei mai dia zat di'n chu pammaih I sa deuh kei uh maw? Sum chauh genlouh, ngaihtuahna leh tha-le-zung lah tam seng chi buang hang a.

Pathian in a mite adingin a hoih pen thei in deihsak hi. Laisiangthou sinsaknate kong bangkim a hon chilthei dia bukim ahi chih thei in kipiisak ni. Kumpi Solomon in thildang tampite sang a 'pilna’ a nget in Pathian kipaksak in - ama leh anung a mi teng2 sang a hausapen in bawl beh lai hi. A thuguk na ngaihtuah ngei hia? "Pathian tellou a dangka sum deihtak zaw gilou chiteng bul ahi."

"Money is a good servant, but a poor Master" ahi chih thei ni. I lamet Vangam hontun thei kei a, I deihpen kipahna & lungmuanna leng hon pethei samkei hi. Huai ahihman in, "Money is not everything, but without it we don't stand a chance," I chi hi. Or, sum pen khanna/masawnna ding in necessary condition ahi a, sufficient condition bel hilou hi.

by Ms. S. Chiin Ngaihhlian (JNU)




No comments: