Thursday, March 21, 2019

Review: Gam siangtho zinna


Review: Gam siangtho zinna
A gelh: Tuan Khankhup Naulak, IFS
First Edition: 2019; 570 pages and relevant photos; `500/-


Gam siangtho zinna (Pilgrimage) I cih ginna lamah hatzawkna ding, kouzanna muh ding ngimna a biakna tawh kisai mun leh mual poimohte ah zinna ahi. Hih tawh kisai Pu Tuan Khankhup Naulak in Kristian sahkhua in gam siangtho a akoih munte ah a vial zinna apat sinlai tampi omte a hong gelhkhiat laibu ahi. A poimoh bang in limlak zong hunkhop tak koih ahihman in a thugelhte a theihsiamnop tuam mahmah. Jesu tungtang kia hilo in Bible a mi leh mun poimohte, thukhun lui hi in thukhun thak hitaleh a huamkha vek hi. Suut detdet a gelh ahihman in I sahkhua laibu ahi Bible theihsiamna dingin a phatuam hi.

Khenpi 15 in a bawngbawng in lepkhop ahi. Bible ki-muhkhiatdan apat tuhun tan in Israel minam tangthu a om hi. Nidang a film kibawl a minthang mahmah, Uganda gam Entebbe’ a Israel Commando te vualtungtuanna na tan kimsipsip in a gelh hi.

A minthang Anthony leh Cleopatra tangthu bang, Israel minam thah cimitsawmna 'holocaust' tawh kisai bang, Juda sungah kipawlkhopna poimohte; Sanhedrin-thupukna bawlthei kipawlkhomna (pasal 23 leh 71 kikal member), Pharisaite, koih tuam cihna, tawh kisai socio-political party te lawi, Sadukaite I cih mihausate (aristocrats) dinmun bang kimtakin a gelh hi.

A laibu ka sim leh ei Kristian te a dia hoh tuak mahmah Israel gam ahi cih ka cianseem kia hilo in Bible theihsiamna din phatuam hi in kamu.
~Kamzalian Tomging.

No comments: