MY STORY- The Rebel

Book review: Thangzamang

2012-01-30T07:08:00.003+05:30

Sutkhiat theih ziang dia a lepsa, a sihsan, a zi pi Chhungi leh a tate pangkhom a 2010 kum in a hong zohkhiat uh laibu peek 220 a sah ahi. Feb 7, 1938 a Thanlon khua a teeng pu Khamkhopau leh pi Ningzaniang te goutan te lakah Sept 15, 2007 tan leitung hinkhua zang kua dang hilo in azahtakhuai pu Thangzamang ahi. Tanu nih leh tapa khat a nei a tu 4 mel a mu man hi. Siamna lam ah M.A English Litt eimi lak ah zo masa ahihkia hilo in IPS lohcingtak a seemto, MPSC Chairman piak a om banah a kampau apat pu H. Chinkhenthang in IAS a muhloh hi. Lai lunglut, word theihbeh som in a ipsung ah laithem kuah in sim kauh zel, nungakte laikhak sim hi dia ngoh a om pa ahi. A theihlohte pitek putek te dongh a laibu/labu khat suah hial cih ka theih in kei zong ka pi toh compact cassette dim khat khanglui laa ka khum uh, ka pa Pau (J.M. Paupu) in a keemta, thu bang ka phawk khiat loh hi.

A laibu bawlte sim vek ka ki sakleh hih laibu pen mukha leh simkha lo ka na hi. Khatvei Mumbai ZCF ah pi Chhung in deihsaktak in ka nupa ua din a hong pia a hampha ka kisa uhi. Ka nupa un pu Mang ka ngaina ua, ka star petmah uhi. A laibu sim masa ding bang ka kituh bawl kha zawzen uhi. Etmai in ama tanchin kia ahi. A bumin mahmah zong ama min a hitop mai a cih khak theih hi. Tua bang ana hihet kei. A inkuan leh midang bangzah hiam ten amah a muhdan leh ama thugelh hoihtaktak bangzah hiam omna laibu ahi. A mah toh kisai mi 23 tak in a muhdan a gelh uh a om banah laphuah 7 leh limlak muhnophuai tamtak a om hi.

Vaikhah a bawlna ah I inkuanpih ten nidang ciang in vaihawm leh makai ding a hong ngak uh ahih thu ahi a, pan la ni a cih ciang in i hinkhua ah ‘The rules, skill, team work, leadership, organisation skill, discipline, observation leh Strategy’ siam ding a gen uang hi.

A mihinzia, a khutsiam dan, a mipolh siam dan leh a picindan miteng in gen uhi. Shillong a Ekant Bungalow, Bishop Cotton Road, Polo ah a omlai un a tanu (Lawmngaihching) in pasal (Mangminthang) a neih dek in cialna card Shillong ZCF a piakpen ama design, a khut mahmah a (caligraphy) nalh deuh a gelh ahihlam tak ka thei lai. A kiten un close group sim a bat man in ka telkha kei. Biakin ah pasal lam te tutna first/second line ah tu gige ka hihman in amah second line a tu a omdan ka thei hi. Lasa khat omleh, siamlua a na ci zel a, a music ding bang a kam in ana bawl zel hi. A damtheihloh sim toh chlorets a toss lut kauh zel hi.

Mi niam cik te natan phok pha ahihna kei leh ka zi hinkhua ah ka thei cian mahmah uh. Accident nasatak tuak khin, kiteng in Delhi khopi ah ka lenlut dek un hong phone a Imphal Airport ah hong delh ahihlam a hong gen hi. Hong mu ut ahihlam a hong gen a, baih deuh lai ahihman in a inn uh Paite Veng lamah ka tai pai suak uhi. Ka gari uh kipeltuah cih aman a thei masa a ana pai ua ka hong delh zui uh a ci hi. A inn uah singpi limtak hong dawnsak a, a inn banah study room natan hong etkual pih in laibu bangzah hiam tak hong present hi. Tualo in Delhi ah ki-ensak ding in a hong hoh in khatvei eh nihvei ka va pha/veh kha sam uhi.

A ngentel dan leh art lam a lunglut dan pu Ngullam Tombing in milim a gelh, a muhkhak a gensawnna ah a kilang mahmah.

Mi heh theilo, a sialam ngaihtuah ngeilo pa ahi peuhmah. A laibu a pat theihbeh tampi ka nei hi. Tu khangthak ten I zakkhak lel uh ak mit-et cih bang ama hinkhua pansan in a genciang a, Shakespeare pianna Stratford-upon-avon lunglut huai tak in a gelh hi. A thugelh hoih diak a ka theih: Proper co-ordination for Security of vital installations, The personal qualities of the preacher banah Taj Mahal bawlpa Shah Jahan's Delhi a hoih mahmah hi. A capital Agra apat Delhi ah a suan thu ka theihcet beh hi. Ama genna ah Agra kholum(sa) leh lampite khocik ahihman in Delhi ah hong suan ci in a gelh hi. A diak in royal procession a pai ciang in lampi a neu ziak in mipite a buai khak pen hoihsalo ahih thu a taklang hi. Amah pahtawina (citation) kicingtak in hih laibu ah a ki gelh hi.

Sahang in bang dia mihing ne a hia cih sakap siam a minthang Jim Corbett gen apat a gelhna ah, sahang a teek ciang in kingang nonlo, a khe leh ha te hiam nonlo leh mihing ten thah dia en ahihman in mihing sa a ne hi, cih.

A gen pipen uh dik a ka theih khak sam amah toh kisai in; mi picing, polh nuam, kingainiam, heh kampau zang ngeilo, midangte khual masa gige, art leh tradition kemcing ut cihte ahi. Tulai pau leh mi COOL ahi.

Ka dinmun

2012-01-24T10:49:00.003+05:30

Laisiam a sepna muzo ding ka hi kei. Laisim na ding hun leh sum kana nei kei uhi. Vangphathuai tak in Open school system a hong om a, ka pass toto thei hi. A zatna ding in Sepna ka lei zo kei. Minister lah neilo. Beh leh phung banah tanau laina muanhuai leh deihsaktu neilo himai ing. Zogam a din nasepdan kei hihtheih lam lah ahi kei. Singtang khosak a buaihuai man in Lamka ah ka hong peem suk mai hi.

Kiloh va kuan ding lah siamna ka nei sam kei. Thagum a sep ding deihsaktu leh kiloh a kuanna ding kamu zokei hi. Lou khou ding cimok leng a mun a mual ding mah zong buaihuai pah. Gam awng a om kei a gam neiten lah hong khousak kei uhi. Mata naak lam ci le hang a kuanna ding in bus/auto bahara ding zong haksa ka sa hi. Thamlo in gari a kuan/pai gige hileng ka loubawl a lawk kei ding. Cycle a va pai ding hoih mahleh a lei na ding sum ka nei sam kei hi. Sum baa zen a lei ding ci leng sum hong ba sak ding a om kei.Khosak leh hinna dia bang hiam khat hihngai ahihman in kei a ding a ka hih theih omlo ahimai. Ka hinna ding in risk lak mah a poimoh hi. Utlo pi leh kisiamtanlo pi in thil diklo leh kilawmlo te ka hih a kul hi. Van gam hinkhua bel nuam mahmah ding a cih lamtak uh ka thei a tua mun tun kal ka ngaklah mahmah hi. Ka tun ma leitung a khosakna ding ahi a hong buai sak pen.

JOKES tamlo

2012-01-21T19:25:00.004+05:30

1.Hatzaw toh Tungtuang koi a hat zaw dia?

>Hatzaw a hat zaw kei dia.
>>Hatzaw cu hat zaw na d in cin Tungtuang pen Hatzaw tungah tuang hiuhiau d ei ngal.

Comment>

Khum Ngaih Lian hahahah..tiiittiaat......den ciah Hatzaw ten ong ph na ve uh aw...
17 January at 20:19 ·
Biak Lun Dousel mah2 sek....a hatzaw un atungtuang tuak2 di uh..hehe
17 January at 20:23 ·
Kamzalian Tomging Jokes a kici a theisiam lo ding Hatzaw te om kei veh aw Sister
17 January at 20:31 · · 2
Siing Lian Hatzaw Hahaha! Atung lam ah tungtuang te en to vengvang kawm a "kei hatzaw ve2" cih kul mai lo dia
17 January at 20:36 · · 1
Kamzalian Tomging Na gen dik eis
17 January at 20:39 ·
Siampu Thomte Englian toh Engzau koi a eng (vak) zaw di, chih toh kibang ama :-)
17 January at 20:40 ·
Khum Ngaih Lian hahahahah..Ulian@Hatzaw....ka like lua...
17 January at 21:01 ·
Kamzalian Tomging sepaih kilak. va cing zolo. nang bang dia cinglo a cihleh>>> mi nungah hat tak a ka tai cheu lel hiven ci...lol
17 January at 21:04 ·
Khum Ngaih Lian kare..a sub tah2 a cihte uh hita ven cih maw...lol...hahaha
17 January at 21:06 ·
Ls Munsong Va tungtuan lele a pang zoh tuan keileh hatzaw tuan d...hehe
17 January at 21:25 ·
Kamzalian Tomging Tung ah tuang ahihleh cu pan poimoh nonlo cihna. Hat zaw khin uncontest a
17 January at 21:28 · · 1
Ls Munsong Tungtuang sa hatzaw kahi chih alah na a a tung a tuang sak phot ahi zo diam m hatzaw in
17 January at 21:32 ·
WaynePong Khuptong Zomi Tomging in khuang ana tum ging kauh2 di :p
17 January at 21:34 · · 1
Kamzalian Tomging Zohna khuang izit lol
17 January at 21:37 ·
WaynePong Khuptong Zomi khuang a ging chia tom deuh2 uh eichoo hahaha
17 January at 21:39 ·
Kamzalian Tomging A tungah tuang pa bang kisawi kom zehzeh
17 January at 21:40 ·
WaynePong Khuptong Zomi a hatjaw pen tom deuh2 a ging chianga
17 January at 22:04 ·
Kamzalian Tomging Yes
17 January at 22:07 ·
Mary Kim Hatjaw hatjo le klawm m? Hagaga
17 January at 22:11 ·
Kamzalian Tomging A na khongai oh Grace, den ciah Hangzo te ka hong gen d

2.Kua a thuakhak zaw dia, Hangzo ahk Lunkhel?

>Lunkhel a ngal kei dia. Khel cih om aihcia.
>>Lunkhel cu khel lua in cin a khelna lun (popular) ta. A khel poimoh nonlo. Hangzo chu hang hang lai ahihciang in! Na theisiam na maw?

Comment>

Minthang Guite Kiamlou toh Hauzel koi ahausa zaw d?
Yesterday at 18:37 · · 3
Khum Ngaih Lian Hahaha
Yesterday at 18:37 · · 1
Muan Guite Diana Hayden to Salma Hayek kua ahai zo di? hehe
Yesterday at 18:39 · · 4
CeeBee Guite nalh jel eis... Sirjee mah2..
Yesterday at 18:39 · · 1
Xang Hangzo Daguyfrom Picit koi pen a a phattuam zo dia leh koi pen a beng seng zo d,,, tomging m tombing????
Tombing chu mun vang 1 a kitawm leh phatuam mai thei,,,hup bing thei dia....
Tomging pen zo,,,, ,, k tomging zihzeh d a hh chiah,a bengseng zo d m....gagaga...... :P
Yesterday at 18:45 · · 1
Kamzalian Tomging I tom leh cu a ging d mah ahihcia, law of nature avoid leh kou theihloh eiboi
Yesterday at 19:05 ·
Kamzalian Tomging FYI, Lunkhel I cih Haokip sub clan ahi
23 hours ago ·
Sanga Samte chi chiitchiat se se, lol
21 hours ago · · 1
Sanga Samte khovel a behmin laklak a tampen Suante te chihdan eihchu moms - Adam suante, isak suante chih hisuk deudou ahihchiah :D
21 hours ago · · 1
Xang Hangzo Daguyfrom Picit eh..ana h m.... Hilele,,, behmin a zo,,k chiamnuih dah kei ni uh,,chh kha ka gen ut na ziak aiii.....ng a upa zo in nana theisiam zo d chh e hn koih leh,u prove me wrong.boss...... Y ziak mai2 h kn cmnt a,thulaak y lo deuh kn gelh...... Hahaha........

Pianna vangkhua hohna a hunzatdan

2012-01-09T15:46:00.017+05:30

09 Dec- in pianna vangkhua tungto. Singtang aksa in ka uten hong vaitun uh. Inn thak etkualna nei.

11 Dec- Nipi ni hong hi. Zingsang in Sim veng, College veng leh PT stadium fangkual. Kikhom. Mungsuan sungkhoh leh luak thuah in a hong dam kei.

12 Dec- Zingsang in doctor kiangah check up. Lamka dist hospital ah ki admit in drip khai ngal. Ka zan giak uhi.

13 Dec- Damlo naupang nih Rs100 tuak in panpih. Puan ka piak zong om. Nitaklam in hospital apat pawtkhia. Inn ka tun un Mungbawi sihna toh kisai in ka u Thangta te inn Lanva ah ka diangsuk uhi. LIC toh kisai buaina a neih uh ka theih in pan ka lak pihpah uhi.

14 Dec- in Haansuang phut na ah nasem in kuan. Tangnuam ah giak. Mou neihna ding toh kisai ka indongta te utoh meeting nei.

15 Dec- Zingsang baihtak in inkiim hahsiangna nei. Langsanglian ten nau a thumna ding nei uh. Rs100/- in etsak. Antang septe Rs100/- in treat. pute thupha ngetsakna mah thupi ci in a pute inn Dorcas veng ah sa kava puak uhi. Giak ngal.

16 Dec- ni in LIC ofis ah va hoh. A dealing Officer leh a Branch Manager a om kei uhi. Tangnuam ah pai phei. Nitak in inn thak ah giak lut.

17 Dec- Muankim birthday kum 3 ahihna lawm.

18 Dec- Gang Noksuanlian in hong beisan. Zingsang in Rs500/- in va gaal. Sunday kikhom. Dak 1 in Muamuan zi man ding va piak na ah kuan. Mou man Rs1500+20+60 ahi.

19 Dec- Zingsang in tuikholna tanky satsia. Teklei te lem. Muamuan zineihna uap. Lal te banner ding Rs500 in bawlsak.

20 Dec- inn invan tuah. LIC ah hoh. Zingciah cheque hong la in ci. Inthak latna pastor pa neisak.

21 Dec- inn ah om. Nitak in mou man piakna ah va kihel. Rs1500+20. Banner taak banah decoration sai fel.

22 Dec- Zingsang in wedding cake va la. Lawm Zoson, Suan Dousel leh Mangkhum ten sum leh photography coverage in hong uap. Naupangte nektheih .

23 Dec- Zingsang in haan hong. A panpihna din Rs3000 pia.

24 Dec- Mas advent. Labu PNL leh BL combine a bawlthak copy thum Rs360/- in lei. Siksia seer 15 zuak. Rs45 ding himahleh Rs50 kipesak. Mas pocket money d lungkham nonlo. Nitak in leengkhom.

25 Dec- Christmas ni. Kou inn pansan in saptuam in hong zang. Saptuamte an in ka vak uhi. Mas sa nek khit phet in Dorcas vengah kikhoh phei.

26 Dec-Tuni Wipes leh damdawi bangzah hiam nu a din va lei. Nitaklam dak 5.30 lak in nu'n hong beisan. Zanhak.

27 Dec-Tunin si vuina nei. Lawm Zoson laibu honna ah kihel theilo. Nitak in si hong gaal kom in a laibu khat hong pia. Autograph ana la geih.

28 Dec-Damlo sim. Ka pa Lal in a tanau teng vok khat hong goh. Limtak in ne. Zanpuan piakna nei. Dorcas veng ah giak lai.

29 Dec-Lamka ah va vakkual. Cybercafe ah lut. Net hatlo law mahmah, Rs10 liau man. pu Songkam te mou neihna ah hoh. Rs1000 in panpih.

30 Dec- Zingsang in pa Ngaihthang Rs200 in va veh. Chinthang Guite, Lanva khua tu zing in si. Zokhual laibu honna ah hoh. Bu khat leisak in autograph la geih.

31 Dec-Ka vokno uh suak va en. Giat tak pha. Nitak in Tangnuam ah paiphei. Lampi ah mobile handset khat mu. A neitu in hong call. Ka inn uah hong la in cih san. Hong la uh. Sum hong piak som a ken "ka la kei ding, ka dau zuak toh a kibang ding" cihsan. Nitak lengkhom te kiangah nek ding sangh pia.

2012

01 Jan 2012- Kum thak damlo sim nemnum in kikhom. BIS ah patron membership Mungsuan a ding toh kei a Rs300 in la. Raffle Rs100/- man ticket la. Ciingtutphah nih Rs300 in lei.

02 Jan- Pangzawl a nu Dim te inn ah hoh. Rs100 pia. Pu te kiangah sa puak in thupha ngensak. Zing ann ne. Sun hun in ompih ding Vungboi toh kisai in a paneu Khamgin, Bungmual kiangah hoh. Lawm Zoson te inn ah baang. Nitak an ne din Usuan in hong cial. Zoson hong hoh in Malsawm Initiative panpihna din Rs100 pia.

03 Jan- Ka lou uh va en. Banah Sumtuk, Bohlui, Saipum, Mata, Lingsiphai, Munnuam, BCM Hq, Thingkangphai khua fang.

04 Jan- Last minute marketing Lamka ah va hih. Pite inn ah baangto, chocolate leh sum pia. Ka nu u in thumna hong neihsak, Rs100 pia. Burma store a ka nupi in zong thumna toh hong khakhia, Rs500 pia. Cinzacing khakna ah baang, a u kiang ah Rs500 pia. Nitaklam in Biakthang leh Lalpi in Imphal Airport ah Sumo in hong kha. Lalpi kiangah Rs1500 pia.

Ka damkhiatna uh Hospital

2012-01-08T07:55:00.004+05:30

Background story

Nipi ni (dt 11 Dec 2011) biakin kikhop lai in ka tapa leh a ni' a ki delh pawt bal bal uhi. Inn pai suak in ana ihmu ua, lupna tung ah nasatakin a lua hi. Nitaklam in sungkhoh leh ci sa in a behlap hi. Amah banglo tak in halh lo kia hilo in a zawi dildel hi. Ka u Mung te nupa Kohima apat hong tung ua, hong hoh phei ngal uhi. Naupang Mungsuan damlo a muh un 'doctor kiangah ka gari un va taipih ni', a ci uhi. Ko bel 'enkhe lai phot ni' ka cih bawl ua Mumbai a ka doctor pa ka phone a, Domstal leh Crocin ana pia un cin a hong advise hi. Ka u Thang toh motor Bike in kikhohkhe ngal. N Lamka ah omlo. District Hospital kong a Pharmacy ka naih uhi. Tulai domstal supply a omkei ci in replacement khat a hong pia ua ORS juice pack 4 toh ka lei hi. In ka tun in ne sak pah. Dak 9 in ka lum ua dak 10.30 lak in a ek tui luan in a hong luang non hi. Diaper apat leetkhia zawzen. Khengkhia, damdoi pia in ka lum non uhi.

Consultation leh admission

Zingkhua hong vak in thopah. Daileng non. Hi kei, va ensak ni ci in pa Thang thusiamna toh a gari zang in Dr Vumchinpau Tonsing kiang ah kava ensak uhi. Rs200 hong la. Kiman petmah. Cold diarrheoa ahi cih dortor in hong hilh hi. Admit din hong refer pah a, kou zong Lamka District Hospital, Casualty ah ka tailut uhi. Entry formalities teng ka hihzoh un Children ward ah ka taito uhi. Building first floor, pu Saikhenpau Hangsawk in ana lam pen ah ka lut uhi. (Ka theihkhelh kei leh 1985 kum a kiluah ahi. A building hoih mahmah lai. A pilh om nai lo. A kilam thak te sang in a tou zaw lai de aw ci ing). Nurse fel sim mahmah khat in hong na enkai a damdawi lei ding hong gelhsak te ka lei ngal hi. Table khat pansan in drip bulh. Om na ding lupna omlo. Ekbuk kiang ah mun awng a om zek a, tua mun ah ken a drip bottle khai in ka zi in baang pansan in Mungsuan a pom hi. Sawt kuam tak ka om khit un a sung ah theihngei te lupna nawl khat ah ka ki henlut uhi. Vangphathuai tak in lupna hong awng a, nget cencen zoh in lupna ka mu khong uhi.

Sapkhiat in ka om a khutpek cia laithem a hong pia uhi. Bill for Rs345 ahi a admit fee toh simkhop ahi. Ofis a reimburse din leh a poimoh hunah damlo kha ka hi uh cih cetna din District Hospital lai taktak poimoh hi ing a! A hi theilo pi chu bang I genta dia! Tuzing a doctor private clinic ah Dr consultation receipt zong deih huai veve ei. A omkei tuak mok a hiven! Pharmacy te kiangah damdawi I leite a receipt hong pia in I cihleh 'a man a kigelh vele' hong cihsan in hong pe ut kei mok hi. Ken ta get inlah 'hilo ken deih ka hi' ci teitei. Ka kuan non in pharmacy dang ah ka leita. A bill hong pe ut uhi. Lamka khovel chu lamdang himai.

Ka u Thang leh nau Lal ten Hospital ah hong delh in an a hong puak ngal uhi. Ka omna uh building nuai lam ah kumsuk in ART centre pang ah an ka ne ngal uhi. Gim nam omleh zong poi sa lo in ka ne suk miatmiat hi. Ankam lim keileh zong gilkial loh na ding ci in ne geih ka hi mai. Nitaklam in ka dailen hong suak in ka Papi te inn Burma Store, Mualveng ah kava dailen kom in tuidawn ding ka va la hi. Panpih theihdan a omleh ci in ka nau Moia in hong zuito ngal hi. Damlo ten I hihtheihloh te Nurse leh doctor te zat ahi a, a dang teng ei le ei a kito delh ahimai. Doctor in a round sung kia longal visiting hour ahimai in ka mu. Doctor in a hong round dekciang in, 'na na pawtkhe thei d uam' aleh cih top uhi. Tampi pi om huthut mai. Zan lup hun hong hih in piching mi thum leh a damlo Mungsuan lupna khat ah ka hong kual khom uhi.

Night life and our sorroundings

Zan hong hita. Guta lata te apan kiven ding ahihdan a hong hilh uhi. Bang ci kiven mok ding ahia, cih buaihuai sim. Damlo veh kineihte bang hi thei thepthup ahihman in theih haksa pi khat ahi.

Ka lupna paam ua lumte a pa zukham in hong zan lut, a tanu inn ah paipih som in a zi a phil phil hi. A giakpih dingte tawngheh in zan mial pi in a paisan uhi. A langkhat lam ate ahihleh a pa pen khamtheih hih ginalo ci in midang tangval khat in naupang nu' hong heel kom in a ompih hi. A tangthu uh bel mi tuam in a gen dungzui in tampi mahmah a om hi. Damdawi inn full house lua kisa a lupna tang zolo ten varendah a phek phah a om uhi. Vot ven aw. Kei, lupna tungah kual ngiungeu pan zong votsa hi ing a. Zingsang in ka uCing in hong delhto in vuk kia cih a hong gen hi.

Unit/Room no I, bed no 1 a om naupang piang tuung ni 3 lel ahi. A pian in a nu'n (thahdoute) sanghkhe zo pahlo a ci ua a khuak effect a ci uh. Oxygen a pia ua ka awlmoh mahmah uhi. A hoih jelna hiam, cih check ahi kei. A si dia a koih uh ahiam peuh ci ing. Nurse duty te kiangah naungek damlo a zun leh ekte silsiang leh kem siangtho din ka va gen hi. Zahtakhuailo deuh ka hi diam ah bangmah a hihloh tak un a kiang a Vaiphei nupi khat toh ka zizi in a khek sak uhi. Nau tunna puanlum nih leh puan pan khat banah sum Rs100 ka sawk khe sam hi. Panpih tuak a tam mahmah hi. Kou room a bed 13 a om Suangdai te puan gina neilo ahihman un puanlum nih leh ka zi in a nu uh teen theih ding a luppih pheituamlum khat a pia hi. Ken lah ka neih sunsun a hausa pen mah bang in ka homkual mok hi. Damloh I cih I hospital uah a nuam kei mahmah a dam ding ahi top mai. Gen sau dah ni in thudang gen mai ni.

District Hospital building a bawl thak pen uh a zo simta uhi. Operation theatre leh surgical ward din a ki zang ta. A kong pam ah prayer hall khat a om hi. Damlote panpih leh thumsak ding ahihdan a gelh ua ki cian kasa mahmah hi.

Ka damta uh

Drip bottle nih ka khai khit un ka tapa Mungsuan a hong tei panta hi. Lawm Ginza te'n ka tapa hong etna hong piak khedap pen bulh in varenda ah a tai tai ta hi. Pawt pah ka ki lamen ta ua Nurse te kiangah drip lah khaikhinta, halhta ka hihman un na hong discharge thei d uam, doctor in bangmah thu hong nutsiat lo hiam kava ci hi. Doctor visit ngak ua a cih man in ka ngak charchar uhi. Nitaklam dak 1 in hong round in normal receipt cia a lian lai pek khat a hong piak uh a disrcharge cert ahi. Hih pen press print ahi a hoih kasa hi. Ka doctor pa uh hong advise/prescribe na lai pek pen a hong pekik kei mok ua hiven. Damta, pawt ut law mahmah ka hih man in ka lai uh mangsak kha uh hia, bang cih kha uh hia cih ka kankhe non se kei. ka damlohna uh medical record om hetlo in pawt ka hi mai uh. (kipahsak in) ISO certified Hospital ahih ding kal a ngaklah huai mahmah. Hileh kikhen lamdang na om ding in lamen pong ni. Dam ding mah hi. Cidamna hoih go manpha ahihdan ka theihkhiat beh deuh in ka thei.

Kitenna marup: a zonglai te a ding

2012-01-07T19:20:00.000+05:30

Zi leh pasal a kineihna din sum sen tam khoptak pha. Khat kia suktuah zoh a haksa. Pasal sen d a tam bang in numei sen ding bei tuanlo. Hi toh kisai in zi leh pasal nei nailo te bangzah hiam kipawl khop hoih sa ing. A tawmpen in ci leng Rs50,000 khong bei din hisap ni. Mi sawm tan bang kipawl khom le hang Rs5000 ciat in thohkhom thei cihna. Khangual bangzah hiam kipawl khom in baihlam tak in hihtheih din mu ing. Lawmta kipawlkhom teng in kum khat sung in zi leh pasal nei ciat din koih kei peuhmah phot le hang.

Member ten amau seen ding a piak khit toh kiton in tawp thei. Tua mun hu ding in member thak lak theih jel ding.

Ka sungh nu sih toh kisai a laphuah

2012-01-07T11:57:00.002+05:30

(A)Tun ngaih aw ci'n nua hei kom a sianglam zong ding
Tuai aw ngaihkhua kong tuah luat ma'n
Zanciang maimit siing mawng e.

(B)Sen angkawi leh von nih gel tawh
Nun nuam kumsawt zou sak aw ci'n
Sianmang kiang ah tuai aw mimbang thum ing e.

2011 Krismas zatna. Tangnuam khua ah

2012-01-06T10:48:00.001+05:30

Tukum krismas zatna din nasatak a ana kisa khol uhi. Bawng lian hun mahmah khat leikhiat ahi. Committee Chairman pa gen dan in, bawng lai mahmah kii nih nei ahi. 24 Dec nitaklam in a kizatna ding mun pa Ginglianthang te huansung ah kikhihta. Kiginni kikhop khit in leenkhopna kipan ngal. Deihtuam bangzah hiam sak khop ziahziah a hih khit in first phase zatzohna tual upa Thangminlian in dak 9.25 in hunkhakna a nei hi. Tangnuam khua a leenkhop nuam gige ahi cih gen tam ngailo in leengkhom a tel a tamzaw ten a deihkhop het kei uh.

Apini khua vakpan cih ding in sagou ding in a ki phe vengvung ta. Unp Taansiam leh a team teng hong kipei fitfit in khetpuk a aat zialzial uhi. Sa gohdan enpawl leh naupang saphuuk ngak pawl in a um khepkhup uhi. Papiten sa aatnen in beelpi sagih ah khenzak ahi. Inteekte thusiamna in mipite nek ding a poimoh zah antang teng hong sponsor uh nupi fel mahmah bangzah hiam in a huan hong kipan fitfit uhi.

Kikhop hun hong hi. Kikhom mi tam himai. Biakin dim phitphet banah a pwa ah zong mipi tamkhop a om hi. Kei tung hak sim kha cileng lah hilo. Lut teitei, upate tutna first line ah ka va tu kha velval hi. Bethel veng leh BYF ten lapawl siamtak leh biltai huaitak in a hong sa ua, KK committee lam apat thupuan leh Local a Secy in mundang a om, mas zang dia hong pai leh mikhual teng a vaidawn khit in thugentu ding Upa Ginkhopao a hong ding ta hi. Krismas hong piangkhiat dan leh kristian te I om dingdan uh thu manpha tampi mahmah minit 35 a hong gen hi. Kikhop tawp in krismas cibai kibuk tuah vengveng in kikhen ahi.

Inteek ten antang poimoh teng thoh uh ahihman in nupite anhuan dia in pai kul lo. Leenkhopna mun ah paikhom pah in pat ahi ngal hi. Limtak in lengkhom dipdip. An nek hong hun pah ahihman in ankuang thumna neih zoh nitaklam dak 3.15 in an doh din ki line ahita. Buh thuk ten thuk ziahziah, meh hom te lah keupi zang in bawngsa I kuang ah hong sunsuk zuai mai uhi. Ehe deihtak I ne a zaw aw kintak in second helping din va ki line a himai. Lawmta ten nekhom pelpal. Din kom a ne pawl toh, tu khiuhkheuh kom a ne pawl toh lungkim tak in ki ne ciat cih ding hi. An nekhin Mawite dawr ah kuva hal phei chelchul in nuam himai.

Tua khit in unp Ginpu Guite leh a team ten Raffle/lottery hong sai uhi. Naupang bangzah hiam ticket tumbong te doksak gaihgaih in a book no, serial no leh min mi khat in a hong genkhia a Ginpu the comedian in kituak taktak in hong ban gen geihgeih hi. A thugen bangzah hiam ka hong genson ding. 'Mihing lamdang kasak chu numei lo teng pasal ahih mahmah. Lei sik khalo a pai mahmah ahi haksa kasak. Tg Ginlianmang in bawngkhe a man hi. Nitak kikhop khit in leenkhopna a om non hi.

Lamka 2011: ka muhdan

2012-01-05T17:30:00.002+05:30

2011 December kha in kil bang khankhiatna khopi Lamka ka va siik khak hi. Hih tungtawn in ngaihtuahna tampi ka neiloh. Aw nang gam liangvai, donloh leh pampaih, neksiat lel in maw na om. Lunglai ka geel ciang na lua e. Na lutlai nite na om ngei sam hi a maw. Hibang dinmun na tan mai zaw pamlua sang e. Bang cin hong zun pan ding ka hiam, nang gamlei ithuai aw, ka lungsim in a ci vongvong.

Nuntakna haksa deuhdeuh. Lamka ah Sum mah deihtak zon kul. Dik in dikta keileh nekmuhna ding in hihsuk gop kulta. Nasem peih tawm hiai hiai bazar nasan ah meh lei ding a vaang mahmah hi. Pan khial, panla khial hive hang aw maw ka ci hi. Koitak leh bang cin cih gencet haksa kasa. Lamka khopi kiang a khota bangzah hiam ka phakha hi. Pearsonmun, Pangzawl, Ngathal, Mualpi, Mualsan, Bohlui, Saipum, Mata, Munnuam, Lingsiphai, Tualnuam, BCM HQ, Thingkangphai, Lanva cihte ahi uh.

1. A saklam cinema hall kiang teng ah dawr ana kibawl dim hi. Zenhang bazar, new bazar ana thupi tuan kei. Sa zuakna ah i lut a sa atdan ana siam nai tuan kei uh.

2. Tui lah haksa gige himai. Dawn ding tui leizo kei leng dangtak a sihtheih ana hidan hi in maw. Lamka ah. Tui supply a kaina area leh a kailohna a om hi. Light toh kisai bel gen ding tamkei. Mobile balance a bei sang in battery a bei ding kilauzaw a ci uh.

3. Share auto service tam mahmahta, nuam tuan mahmah. Line lunpen ahileh Lamka-Bungmual line ahi. A tuanman half ahi sese zomah. Auto pute genna ah, mi 50 khong in ka service ua, nikhat in a tamtawp in 10vei ka tai man uh cih ahi. Hilezong Bungmual tan kia tung, Pearsonmun ten share auto ngawl.New Lamka Pan dukan khat ah ka omlaitak in laikhak khat postman pan a koih gaih hi. A mi ding ana zongkhia un cih toh pai thuah. Min gelh kicianlo. Miteng theih ding a a min gelhlo bel ahi peuhmah. Ken lah a behte khat pesawn le hang amau beh sungah hong kizong khe lel un teh ka cih san hi. I thu genkhop uh a pai hoihna din kuva khong haai kom ni ci in Rs10 ka pe gaih hi. Hong bawl vatvat, haai ngal in kiholimna ka sunzom uhi. Na nau un bang hihta ka cihleh, back subject nei veh aw cin a hong dawng hi. Na pass ma, eh sepna na muhma inn hong pai ken ci ou. A ki ngaklah hita ahi cih toh ka zom hi.

4. Lui nih omte lakah Lanva lui pen luita' a bang lelta a, a tui luang nonlo phial himahleh embankment nasatak in aki bawl hi. Tuitha/Khuga lui ahihleh a tui a tawm mahmah ta. Canal kibawlte ah tui hoihtak luan malak ah leisai in a vuk na mun a om hi. Cement baang omkhakna te a detdo tuan sam kei hi.

5. Govalment in Saipum ah RCC Bridge khat bawl thak. Pu Ginsuanhau khutsuak ahi. Bawl hoih in ka mu. Mata naak lam I daktoh leh pu Vungzamuan nahtang farm muh ding a om. Khuga Hydro project ahihleh muh ding a om het kei. Et ding leh et taak om in ka theihloh man in ka gaal et lel. FCI godown ahihleh a min kia ahilel lai. A foundation stone kia lo ngal, building himhim muh ding a om naikei.

6.A khopi dung a lampi khat om sunsun Teddim road kipuahlo, tulpan kaita, siat petmah in a sia a vui khu lua ahihman in kam leh nak tuamloh phamoh hi. MLA in a puahlo hia bang cidan ahia cih theih haksa pi ahi. Mun teng puah hetloh in kamu. I gam puah thei dinmun a I din ua bon puahlo ihih ua leh ei min a gam nei leh kivaihawm dia cinglo mah hi hang e cih ka muhdan ahi.
7. A khopi sung a lampi sangin khota lel ahi Nghathal khua ah lampi ahoihzaw. Pucca road I cih bang cidan a hia cih na muh utleh va hoh in. Tua khota ah na mu lel ding.
8. Gari leh inthak tampi a ki behlap hi. A neihdan uh I theihleh lungzinhuai pi ahi cihloh gen di dan dang omlo himai.
9. Inmun plot khat i cih bang cia a cih ka thei thei kei. Standard size omlo, a zuakten plot size a piak dandan hi mai plot khat.

Tomkim takin gen ding hileng, Haleluijah cici te kiangah na sum leitawi sak ken, mukiklo ding hiteh. Zogam ka it cite zong up ding ahi peuhmah kei, a nesete leh a nese utte ahilel uh.

The case with LIC Churachandpur. Solved

2012-01-05T11:35:00.003+05:30

(Hih ka thugelh pen ki show off na leh ki sukminsiat na ding a gelh leh suahkhiat ahi kei. I buaina te uh thupi lo cik a pei lungam in I om ua, nna paidan theihcet a hangsan tak a solve theih ahi cih etsak nop na ahi zaw)

Insurance is an investment made which we can fall upon to tide over the unforeseen losses. But indemnity and the benefits thereof or even one of them is a different story in Lamka, Churachandpur. It is something to dream about in our dreams. With the long procedure of getting succession certificate and legal heir, it is difficult to say the least. To substantiate my claim let me tell you a real life story.

A little wayside story

My wife and I visited our cousin in the evening of 13th December 2011 to console the untimely demise of their dear son, Kevin Dolianmung @Mungbawi. My cousins (bro and his wife) were not at home but arrived after sometime. After our formal greetings we came to know that they are trying real hard to get some money from money lenders for payment towards the settlement of the insurance policy claim of Mungbawi through court. They took this step on the advice of the LIC Ccpur. We immediately call up an Officer who had worked in Ccpur branch to advise us on the matter. We send the detail of the policy and was told to wait. I then use my BBMsgr to contact a friend who is an advocate and another family friend of ours who himself is an LIC Agent. Both of them told me that no certificate is required. As advised I compose an email from my BB for the HO of LIC and grievance redressal cell indicating all the details and a request to tell me the reason for rejection of the claim which I can take up with the insurance regulator, IRDA. Unfortunately, I could not send the mail immediately due to the usual 'network down'. The next day morning I press the send key of the mail with a cc to their Regional Office, Guwahati.

The policy

It is a life insurance policy popularly call Bima Plus with Policy no: 491806617 taken through an agent whose code no is: 0040549B in branch code 49B, Churachandpur. A half yearly premium of Rs2449 for sum assured Rs1,00,000 payable for 16 long years. The policy was taken on 28 March 2006 when Mungbawi, the policy holder (who was born 08 Sept 1990) was 15 years of age then and the premium was paid regularly and on time. The proposer was his mother Awikhanching. What a smart mother he had! But Mungbawi died on 15 November 2011 at 21yrs.

The problem and the mistake committed

Mungbawi attained major some three years back. The policy was an open one as indicated by the LIC and needs a nominee. The mistake committed by Mungbawi was in not putting the nominee when he attains major. The proposer, his mother was the nominee from the beginning. But at this juncture they did not take the name of his dear mother as the nominee.

The mistake committed by the LIC/Agent is in not informing the policy holder to indicate a nominee on his attaining major. Not done through letters or even a simple phone call. The problems associated with the policy is supposed to be handled by the Agent from whom the policy was taken but he does not help us. Their head office customer care department told us that an issue of this type can be settled by simply filling up three forms for legal evidence of title i.e Form no. 3805,3806 and 3807. Even succession certificate was not insisted upon by their Head Office to avoid the inconvenience. The policy claim settlement officer, AAO advised my cousins that the claim cannot be settled in the normal process and advice them to take up the matter through court. They, with great difficulty, hire the service of an advocate. The advocate at first agrue with the LIC about the three forms and press that settlement through court was not necessary. The local Office still took their stand on settlement through court and my cousins started paying the usual court fee and the first hearing was fixed on 4 January 2012. The legal tangle is what the dealing officer advised instead of these three forms! The forms were procured but that is not free. They need to make our own copies and spend a few rupees for photocopying. An interesting Office. At this juncture we came into the scene and they had already spend around Rs7000 which my cousins hesitatingly told me. My email to them was replied informing about the change in the dealing officer, AAO and the case will be resolved in 15 days.

A visit to LIC office and the phone call

As directed, the three forms were submitted through our advocate. I along with my wife and cousin visited their office the next day to follow up the case. The Branch Manager and the dealing AAO were not available. I took their mobile numbers from a very helpful staff and began dialing the numbers. The BM's no was not functional and the AAO's was in switch off mode. After many failed attempt, I send an sms to them which reads "As instructed we have submitted the three forms for the claim of Lic Bima plus Policy no: 491806617 Policy holder: Dolianmung

We expect the settlement at the earliest

~Awikhanching & Kamzalian"

The delivery of the msg to the AAO was confirmed but that to the BM was not.

On reaching home I dial again the mobile numbers. Luckily the mobile of the AAO rang and after the hello, I intorduce myself and inquire about the policy claim. Our conversation runs thus:

'Kindly tell me the status of the policy claim of Dolianmung'.

I am on leave.

'Even though you are on leave you can still tell me the status of the claim. You are 24hrs on duty'.

Who told you that?

'This is your service condition. Even though you are on leave, you are on duty'.

Why are you so aggriesive?

'I need to know the status of the policy claim. You gave me no choice. I need to place to the notice of higher authorities. The way you deal with the case and the advised made by you is uncalled for. The claim can be settle just by filling the three forms, not through the legal excercise.'

I received the three forms yesterday.

'You mean you now received all the three forms'

Yes, I received them.

'Good. When can I expect the settlement of the claim?'

Give me three days.

'On what day exactly?'

Monday.

'OK. I'll send them to collect the cheque on Monday. If there is a delay in payment I can claim for interest and a compensation for mental agony caused'.

Silence.

The settlement

Monday came. We are busy with the marriage ceremony of our another cousin. And then Tuesday is here. My cousin brother went to the LIC Office and was given a form to fill up, to indicate the bank account no where the settlement will be credited and put a signature in it. I was called by my cousin when I was busy shifting our belongings from our old house to a new building. Rush down at her residence, checked the form, our documents etc and reach the Office by around 1.00pm. Submitting the form to the dealing AAO, we were asked to get it counter sign by any officer of LIC which we promptly did. After submitting the form we were told to collect the cheque for settlement of the claim tommorrow. We thank him, I extend a congratulation to my cousin, by shaking her hand and went home happily.

On our way home we went to the market buying the usual vegetables like cabbage, onion etc for the coming week. My cousin asked me, what shall we buy for the (my) kids? Nothing was my reply. After a many refusal we stop over for a cup of tea and puree. My cousin drop me home by their two wheeler Activa. On reaching home she tries hard to give me some of the vegetables she purchased. I continually refused. I blurt out, 'If I accept this it means you are purchasing my service. I fought the case out of my concern and that's that'.

The settlement cheque was received on 21 Dec 2011 with no 'cha thaknabah'. Their Ghty office updates me by email about the settlement of the policy claim. I confirm the credit of the proceeds of the cheque into the bank account of my cousin. I then thank the LIC for settling the case. Looking forward to the best customer service. Always.

Hence, this close the case.

The Home Coming Journey

2011-12-09T11:41:00.002+05:30

Nidang banglo in tak in thoubaih ka hi. Ka van puak ding teng uh ka lawmte thohma in 'last minute review' ka bawl zungzung hi.

All set. Sawtlo nung in ka taxi bookna, MERU ten a hong call a, 'pii din ka hong kuanta' a ci hi. Ka zi, naute' ni leh Lulun a hong tho ua. Singpi ka dawn uhi. Naupangte lah a thoh hun uh hi nai mahmah lo ahihman in phot zoh ahi se kei uh. Msg khat hong lut ka et leh taxi pupan ka hong tungta a ci hi. Sawt lo khit in hong call a, Sir in nuai ah ka omta hong ci hi. Ka tate lupna ah ka va pai a, a nih uh a biang uh ka tawp a, neuzaw pen in hong phok a, ama ngeina bang in hong nui pah ferfur hi. Zun tha sak. A u nu pen utlo sa sa in ka pom khia hi. Hong kap. Khem kom in a kisa sak uhi. Ka van uh Bag lian 8 taxi nih ah guang khinta. Ka check in/cabin baggage te sim loh hi zomah. Kikhoh khia in Mumbai domestic airport ah 5:40am in ka check in uhi. Waiting. Waiting for 7:45am. Lenna sungah van guanna mun kham khol din ka ki line pah cet hi. Tuang ta. A neupen nawi teep in hong ihmu non ngal hi. Ki zen lua himai. Dakkal nih ka len khit nung un Kolkatta tung. Connecting flight Kol-Imp IndiGo flight ngak na kom in 'chicken roll' ka ne som som uhi. A tunglam ah kahto in ka flight uah ki line ding ngak in ka om uhi. Ei seat ding om ciat mahleh Vaite mongmong tutna ka tang kha kei ding ci hileh kilawm in kitut ve vu ahi sim mai. Naute lutpih pah pen a nin khak ding uh lau in ko bel tu hiuhiau in veih khong ka sang phot hithiat uhi. Ka lutkhit uh sawtlo in all clear, len theihta cih a hong puang ua cabin crew I cih Air Hostess ten show hong nei zom ngal uhi. A kal lak a khat pen in a muk 'chap' deuh hia a bawl lem kom in a ki fuhsak deuh in a mit hong phe duai duai hi.

Dak kal khat a len zoh in, we are flying at 33000 ft. Will be reaching Imphal in another 10 mins. Thanks for chosing IndiGo. We look forward to serving you again a cih zoh in; Imphal here I come ahita. Lalpi leh Siamboi ten Sumo gari in hong na dawn uhi. Vante hong hawt sak in a tungvum a hong guan sak khit in gari a awngthol tak a tuang in destination Tangnuam vangkhua via Lamka khopi ahita. Sawtlo ka tai khit nung in lamsik ah ka khawlsak ua, kipahthu genna ka neih zoh in ka tai zom zel uhi.

Bishnupur ka tun un lampi kimkhat ah 'uku' ana bawl man un traffic police 7 tak in traffic ana control uhi. Khat lam te taisak, khat lam te ana khol phot un cihna khut mi 4 tak in a hong congress uhi. Mi khat kia in hih theih lel ahihna ah, What a wastage of man power va cih ding lah himok lo. Amau poimoh sa ahih ciang ua. Lim la ding ka cihleh ka mobile phone batt down. A limlak omlo in hisap mai un.

Mun khat ah police ten hong na khaam uh. Ka icard la khia in ka etsak leh hong paisuak sak pah in ka taito ngal uhi. Moirang singzu zuakna ah sipi a ki bawl nektheih ka lei zoh un 'moving on' ahita.

Gam leh mual kilawm tak te enkom hi hisap bawl neuhneuh ka kisak leh Tuibuang ka tung to ta uhi. Auto khat nunglam ah Bungmual cih kigelh ka muh in, eh Bungmual to Tuibuang direct hi ding eive ci kom in a hektu ka enphei hi. Numei driver pen ana hi zoh mah. Wow. Salute pe ding bang in ka khut ka lik to a ka wave khum hi.

Ka ompih uh Lulun a in uh, Vengnuam, N Lamka ah kava kha ua, a pa'n damtak ka tun uh kipahthu-thuumna a hong neihzoh in ka pai ta uhi. Lamka zaw khu cih gen ngailo in a omten muk leh nak tuamna ana bulh seuhsouh hi. A kikhekna ka muhthak khat ahi.

Taito zek in Tangnuam vangkhua tung ka hita mai uhi. Cibai hawm, sweet in delh zui ngal cihte ka hih khit un an nek ut huai hipah mai; tuni an tak ngawl, ne nailo ka hih na uah. Manipur an limtak, singtang aksa, bekanthu gawi leh zawngtah sapmalta sohthak in hong thuak kei ei. Bei ziahziah mai.

Moreh handheld light panpihna in ka in uh ka baan veel uhi. A nuai ah pan a tungah kahto in a 'bower' ah ka dakkhia a ka neulai in ka inmun leh huan uh lian kasak mahmah pen khatvei thu in etsuak theih ahihman in 'I huan uh lian law kei e' maw cih toh in lui ah ka lut non uhi. Local channel day's review ah pu Hawla, CM of Mizoram hong hohna cihte ka ban et ua pianna vangkhua ah ka hong khosa pan ta uhi.

TZS 04122011

2011-12-04T12:53:00.001+05:30

TZS 04122011

Bang dia kigu i hia?

2011-11-29T14:27:00.003+05:30

Pulakna
Ei Zomi sung ah, zi leh pasal a kineihna din pai/ciin dan ci nih a om hi; kigukna leh Saptuam dan ahi. Nidang in ei toh kituak leh tunitan a daan bang a hong kipomsak indongta level a kipii ahi. Tuhun ciang in a kizang non kei. Tua ahihman in a kizang lel, kiguk thoh leh saptuam dan etkak na dia sulzuihna neucik bawl ahi. Hih toh kisai lunghimohna neite apat ngaihdan ka lakkhawm ahi. Sample data hunkuam tak lak ahi a, tuate tungtawn in muhkhiatte hong suahkhia ka hi zaw hi. Data kaihkhopna ah ngaihdan lam tuamtuam apat ahih theih na ding in dinmun, khosakna leh lungput tuamtuam nei ding a theihte kiang apat lak ahi cih zong ka hong taklang hi.

Kristian dan, eh Saptuam dan cih zawk ding hia ka buai ngal. I Bible natan ah kiten dingdan kigelh ciang fikfeklo ahih man in Kristian dan i ci thei kei hi. Bible i gindan leh lakdan toh kituak a daan i bawl uh, Saptuam dan ahimai hi. A dik pen ding cihna hikei mahleh tuhun in tangpi tangta in kipom hi. Ki pom mahleh tam kuam tak in ki zuilo jel hi ahihman in, bang dia kigu I hia, cih toh lehsui ahi.

Profile of the respondant and methods adopted
Doctrine, laisiamna, khosakna a tuam dungzui in a huamkhak te apat data ki la ahi. Deih masak bel ngaihdan tuamtuam neite leh dai kilkal a te natan huapsak ahi. Zi leh pasal a kineisa, nupi leh papite, tuailai leh lengkul i cihte apat ngaihdan ki lakhom ahi.

Randomn sampling method zat ahi. Data kaihkhopna ding mi tam khoptak ki select masa hi. Tuate Randomn tak in ki select a, Category tuamtuam ah kikoih hi. Amau omna category representative hi thei dia gintak bangzah hiam ki pansan hi. Hihte tungtawn a data kimute sittelna leh genciangna hong ki bawl a hi.

Thusitna leh gencetna
Data ki kaikhom te pen, gen ut leh gendan tuamtuam tampi muh in a om hi. A dawngtu i tuam dungjui a dawndan tuam ding cih theihsa ahihna ah bang pen tak gen ut ahia cih hoihtak in a kisuut beh hi. Tua khit a dawnna uh a bawng bawng in koih ahi. Hi bang a dawnna te sehkhen a hih khit in mipi te apat ngaihdan pai tangpi muhkhiat hi a, tuate lak ah-

Saptuam dan a kiten pen 'ki utlo' cih hipah samlo hi. Saptuam dan a kiten pen haksa kisa. Sum leh pai poimoh masa a, innkuan leh indongta kichuptak neih kul hi. A du a da banah hih ding poimoh tam law mahmah ahihman in buaihuai ki sa hi. Saptuam dan a kitenna a om theih na ding in mi bangzah hiamtak round bangzah hiam kiho khop masak poimoh ahihna ah hun a la hi.

Saptuam dan i cihmok pen tumlam te (Western) a ki lasawn ahihna ah sum leh pai seen tam a, kitenna i cihpen glamorous gawp, ki show khiatna cih ngaihdan nei pawl naktak in om. A dikna om tham. Pasal lam gen le hang a numei pen ama a hi naikei mahleh moupuan e, puanten leh kicheina ding tengteng siksak tangpi ahihman un haksa ding mah hi. A lopna ankuang bawl zek ngai teitei, hong uap mipte a taklam leh veilam uah nekding piak kilawm. Zomi pasal te a tangpi a kikhual tak a khosa te kihilo ahihman in hibang seen leh paan zozai haksa ding mah hitah e cih pen kei a gelhtu pa in zong ka cihpih pah hi. Nule pate tung ah kinga tangpi I hihna uah dan a kiten pen gen ngam huai lo ding mah hi. Data ki kaikhom lakah tamtak in sumsen toh kisai naktak in a gen/ngoh uhi.

A numei leh a inkuan te a ding in zong a baih tuan kei. Kiten khit ciang in mite theih ut, 'van bangzah a keng a' cih ahihman in Saptuam dan a kiten pen phuut ngam huai lo ding hitah e a cih theih hi.
Pawl tuamtuam apat himahle hang thugin kibatlohna tampi in a kingoh kei vanglak. Doctrine kibatlohna a ngohtu zah mah in mi mai a va tut renran a kiten pen zahkai hi theilo sa pawl om. Numei-pasal kal a tat khelh khak man in ngamlohna nei pawl a om leuleu hi. Tua bang dan in a na 'advance' khak ziak in saptuam dan hitheilo pawl a om beh hi.

Nu le pate deihsak loh leh haltu om ziak in Saptuam dan a kiteng thei lo. Kiguk a vaiveng geih mai ahihdan taklang pawl om hi. Ki guk i cihpen nihte kal ah zat din diklo deuh sa pawl a lehlam tak ah a om hi. Ki thutuak leh thutanna bawl a ki paipih ahihna uah kigu cih kammal diklo sak na a om. Van guk laklak ah guk nuampen, amau mahmah hong kito delh pah leh amau lemsakna om ahihman in kigu cih dik mah hia?? Ngaihtuah beh dia hoih khat ahi. Numei pen guk khiat ahihna ah a neitu a nu le pate himai/hilai, amah leh amah ki neitu theilo hihna bel a ciang peuh mah. Ei leh ei kineitu theilo i hi mah hi. Kigu cih ding mah ahi cih in om veh aw maw?!

Saptuam pompihna thupi ngaihlo om leuleu ei.Kiten dan in gen tawm nei zaw, kiteng ihihleh kikhenloh ding cih thupi pen a ci pawl te gen khu zong dih kit jel. Ki guk mahmah romantic pen eive maw a ci lah a omlo tuan lo. Style tahtah cu a ve. Hiteng ziak khong mah hilo ding hia, olsamtak in gen le hang, dan siantho a kiteng teng a siangtho kei uh, kigu teng a bolhloh vek kei uh', cih kampau a om!

Hialbawlna
Mipi pomtheih dia kiten ding mah ahi. Zi leh pasal a kineih banah tu le ta nei dia koih te i hihman in kiten dan baihlam leh sum tawm bei ding ciindan ngaihtuah poimoh. Biakin a naulat bang phial in kitenna a sai theih diam? Dan siangtho i cih pen zong siangtho gige lo ahihman in Dan Siangtho ci lo in Saptuam dan ci leng dik pen ding in muh in om. Kigu cimok sang in kitaipih cih dikzaw kha ding ngaihsutna om thei hi. Tomcik in gen ding hile hang kiguk i cih in, 'it saves time, money and the pastor' cih thupi leh poimoh mahmah.

TZS 27112011

2011-11-26T21:26:00.000+05:30

TZS 27112011

TZS 20112011

2011-11-20T07:51:00.000+05:30

TZS 20112011

TZS 13112011

2011-11-12T22:36:00.001+05:30

TZS 13112011

Phatna la by Ningngaihlun at mzcf

2011-11-06T16:27:00.001+05:30

TZS 06112011

2011-11-05T19:41:00.000+05:30

TZS06112011

TZS 30102011

2011-10-30T08:08:00.003+05:30

TZS30102011

Paite lai gelhdan dia dikzaw- Kei muhna pan

2011-10-26T23:14:00.005+05:30

PAITE LAI GELHDAN DIA DIKJAW -Eugene H Chinzahao kupna

JAW cih pen ‘ Amah jaw (mi tate jaw) tuiluang kiang a singsuan...’ a zat din a hoih. Amah a khut a jaw (zeng) hi, cih te pawl...

Pathian in pao a honpiak nungin, nam dangte paidan jui a lai gelh chih tuh, chikmah chiangin a dik ngei kei dia, kuamah in leng a honjui thei kei diing chih leng theih masak diingin a hoih hi.

¬Namdang te gelhdan jui leh pansak in ei a dikkei ci thei lel hilo i maw. Ei pau gelhdan pen experimental basis in a om lel in ka koih.

Huaibanah, tulai in lai gelhtu khenkhat in paidan kichian (formality) om loupi a lai gelh pawl a ki-om a, huan, a simtu diingte khualkha bawnsan hetlou a lai gelh pawl leng i om veve uhi.

¬paidan kician neihsom a panla lel ihi un ka mu.

Huan, Paite laimalte bel a gindan kikheklou ahi ua, a tuh a kia a ging, aw tuh aw a kia a ging, e tuh e kia a ging, i tuh i kia a ging, o tuh aw bang a o kia a ging, u tuh u kia a ging ahi uhi. Huai bel, Paite laimalte ah laimal khat hinapi a laimal nih gindan a ging a om thei kei, chihna ahi. ‘O’ ou bang a na ginsak aleh bel, laimal khat hinapi laimal nih gindan a gingsak na hi diing hi. I theihsiamna diingin, etsakna in taklang lehang:

Paite laimal i cih bang a hia? Paucinhau laimal kia nei hilim lo i maw?

Na bawngpi un nou a neita hia?

Singbong in a bawngpi uh a sat.

Tuni a lou kuanlou diing maw?

Itna jaw thupi lotel eive

Damdawi valei lou diing maw?

Lawm, nang hongtellou diing maw?

Ka uinou uh leilou diing maw?

Nang, lou kuanlou diing maw?

Hiai ‘O’ laimal aw bang a i tomginsak uh a phattuamnate:

IPA toh a kituak a, mi’n a sim dik thei uh

Ahihna diktak zuihna ahi.

Lawmlawm tel! leh Lomlom tel! theihkhenna a omsak

I laigelh uh a khiakna theiloute’n leng a sim thei uh

Mun tampi ah theihsiamna hontun

O leh OU banah AW pen a lemtang thei pen in zat kisom lua in ka mu.
C leh Ch zatna ding mun a om tuam in ka thei
2. HONG LEH HON ZATDAN DIK: Tulai in i paukhiakna uleh lai i gelhnate uah hiai hong leh hon zatdan i theikhen thei mahmah kei uh, chih a kilang hi.Huai kia thamlouin, a zatlouhna mun diing khawng peuh ah leng i zangkha nak uhi.

Hiai hong leh hon tuh, English-te’n prefix a chihte uh ahi a, thumal ma a kibehlapte ahi uhi. Huai omdan bel, hong (open) chihna hiam, gan hon ( a group of some animal) chihna hiam ahih kei nakleh, prefixes ahi uhi.Huchi ahih dungjuiin, thumal a kizompih toh gelhmat ngeingei diing ahi. Ets.1. Laibu hongpia in 2.Laibu honpia in.

HONG, HON, NA HONG, N’ONG, KHUA , KHOTE, pempom leh peempoom cihte pen a lemtanna mun om mah e.

GELHDAN DIKLOUTE: Hiai ah gelhdan diklou chi a ka hon-gelhte khenkhat ngaihdan in bel a diklouhna omlou in a ngai maithei uhi. Himahleh, formality om a laigelh diingte aa diingin, a diklouhna leh dikna theihchet a poimoh hi.

Hilhchet haksapi ahihmanin, a etsakna in taklang lehang:

A dikte- A dikloute

Zougam- Zogam

Zoumi- Zomi

Mualkawi- Mualkoi

Damdawi- Damdoi

Khodou- Khawdo, Khodo

Kei ngaihsutna ah Zogam leh Zomi in kipom thei ciat zaw in koih ing. ZOUMI i cih ciah Zou te kia gen kibang dek sim.

Word ciiltaka zatna leh lemtang zaw din Mualkoi leh Damdoi zat hoih sa ing.

Mizo in Khuanu a cih khong ua pat leh Khua/Khuazing/Pasian/Lungzai cihte ngaihsun le hang Khuado cih d mah hivaw. A root word leh a khiatna thei ciat mah hang maw?

Gelh gelh le hang a hoihzaw leh a dikzaw hong piangkhe mai dia a DIK pen cih ding i nei ding uh.

TZS 23 Oct 2011

2011-10-22T13:19:00.007+05:30

TZS 23102011

YPA toh kisai ka kupna

2011-10-21T11:12:00.002+05:30

ssppnet yahoogroup ah discussion ka mail leh a hong suahkhiat loh pen uh ahi.

Re: [SSPPNet] YPA Min Thil Kihih Thursday, 20 October, 2011, 8:34 PM
From: "mail4kamlian@yahoo.com" Add sender to ContactsTo: siamsinpawlpinet@yahoogroups.com

Ken chu hi bang a gum tak a gamtang te ka mohpaih. Leh heek geih leh Police case register a case a hinkhua ua khuk det uh hoih kasa.

Awlmohna tawh
Kamzalian
Sent from my BlackBerry® wireless device
--------------------------------------------------------------------------------

From: Khatchin Langel
Sender: siamsinpawlpinet@yahoogroups.com
Date: Thu, 20 Oct 2011 17:51:05 +0530 (IST)
To: siamsinpawlpinet@yahoogroups.com
ReplyTo: siamsinpawlpinet@yahoogroups.com
Subject: Re: [SSPPNet] YPA Min Thil Kihih

A him2 in, mi kuahiam khat diklou pumlum hileh le YPA power/thuneihna zanga (siiktum/suangtum?) a khet ek-ek chih mawk theih ahi diam? Educated, Advocate khat hichibanga soisak ahih leh midangte'n bel ikam ua zipper thuahdet hoih ding hi, ithuak ut kei uleh....

So, the choice before us is 'Speak up and condemn crime' or 'Shut up and Obey'.

Khatchin Langel
New Delhi

TZS 16102011

2011-10-17T20:06:00.001+05:30

TZS16102011

Every human must watch

2011-10-15T13:30:00.000+05:30

Smart Kids

2011-09-27T10:47:00.001+05:30

Man Ngaih Nem d/o Pa Zam Lun and Paumuanthang S/o Pa Langsanglian performing on St. Paul's Teachers' Day-2011

Climbing, climbing

2011-09-19T18:35:00.001+05:30

Mungsuan Tomging climbing a ladder.

Short speech on thanks giving day of our new Quarter

2011-09-03T18:47:00.000+05:30

[Colony a eimi omte u Khualpu te inkuan, Muanding te inkuan leh Thangzason samkhom in La sak na "Topa hoih hi leh great is thy faithfulness" neih khit a hih zoh in]
Topa phatna la sak nuam ei.
We are gathered togather here to give thanks to God. Prayer goes up blessings comes down. It calls for a celebration. For some people it is a very simple thing but for us it is great. The cause is our new residential quarters, a two bedroom A 22, RBI Staff Quarters, Mumbai central (located at 18• 58'8"N, 72•49'35"E). The location in terms of connectivity for us is perfect. Looking at our conditions we are badly in need of a bigger accommodation. We prayed about it. The good God grant our prayers through our bosses and we are really thankful for it.
We are also thankful to our friends and well wishers. To madam (Kalyani Patra mother of M. Patra, CGM RBI) and to all who are present here. People call a house warming party but for us it is a thanks giving time to our almighty God. I feel it is our duty to say atleast thank you to God.

Now let me call upon our dear pastor to say a few words and lead us in prayer to be followed by dinner.

Bar code, QR Code leh coded information

2011-08-24T10:59:00.002+05:30

Tulai in newpaper khong ah kil li nei sung a vom gial tektok milim na mu ding ahi. Bang dang hilo in Quick Response code (QR code) ahi. Nidang a bar code om toh kibang ahihhang in cangkang zaw ahi.
Van khat himhim factory leh a zuakna mun tan ah lemtangzaw ding ngaihtuahna in bar code a kizang. Number bangzah hiam ki ban gelh ahilel. A bul, a tawpna leh a laizang ah a sau tuam thum a om hi. Tuate number 6 genna ngen ahihman in setan number a kici LST a kigelh toh a ki mekmat hi.

1994 kum in Japan gam ah Denso Wave in ana pankhia QR code ahi. A tung lam a pheilam cihte theihna din lian deuh a vom tuam thum a kikoih hi. Bang dia poimoh hiam i cihleh mihing te pen I hinkhua ah khawlnei (machine) in hong panpih ahihman in coded information neih/bawl a poimohna a lian hi. Kintak leh feltak a sepkhiat theih na din a poimoh hi. Tulai a QR code in information bang teng huam/tun kha thei ding hiam i cihleh ciangtan neilo in bang teng a tun khom thei hi. A tangpi in website/url khong leh apps te toh kisai a zat ahi. Na phone number leh sms na tan QR code in ki khak theih ahi. Lemtang lua ahihman in the future of marketting a ci zawzen uhi. Nna toh kisai i gen sang in ei mihing toh kisai in gen ni. Kei min Kamzalian Tomging pen QR coded form hi hibang ahi, pix 2. Koih beh nei in, Kamzalian Tomging, email:kamzalian@gmail.com, 63Kg a gik. Techno lam lunglut mi ahi.Tangnuam vangkhua a piang, zi leh ta neita, Zomi nam a Tomging beh ahih ban ah bank ah nasem cih teng bang QR coded form in hih ahi, pix 3. Hih teng ka gen dondon teng QR code in koih leng khawlnei in kin tak in sim khin ziau thei ding hi.
A code pen man bei in website tuamtuam apat a generate theih ahi. A simtu leh sim thei ding tulai phone hoihte ah koih ahi. QR code tung ah na phone lamh phei lel in sim khit ahimai.

Mumbai ZCF 2011-2012 Election

2011-08-18T09:26:00.004+05:30

Mumbai ZCF makai ding ki teelna

Mumbai ZCF kum 2011-2012 sung hong makaih ding mipiten deih teel na dt 07 Aug 2011 in vote a khia uhi. Mi 12 teel khiat ahi uh. Tuailai apan in deih bang geih in mi 4 a cing to uh.

Dt 14 Aug 2011 in Biak kikhop zoh in pa H Thangzamuan inn ah teelcing te leh a len lel te ki muhkhopna a om hi. Adviser in taltak deuhte bangzah hiam a om uhi. Kei deihdan in bel amau, apicingte mah hong ki jang le uh ka ci hi. Pasian leh local pastor lo buang Adviser min nei in om kei leh hoih sa ing. Ken ka deihdan tak in ka geel ciang in hibang in ka lemh hi.

Chairman- H. Thangzamuan
V Chairman- Kaizadou Thomte
Secretary- T. Roumuan
Asst Secy- Ginminthang Shoute
Ko bank a sem pawl in sum lam hong len le ung.
Fin. Secy- Kamzalian Tomging, pau zalzal leh sem zazat deuh ahihman in.
Treasurer- Lianzalal Phiamphu, picingtak leh hoihtak a keem thei d.
Welfare leh corpus fund- MT Muanding Guite, activity om khollo ahi. Kum non ciah transfer in a paikhiat leh zong a hoih mahmah zat toh geih theih ding Liansiam Guite.
Youth Adviser- Joshua Singson leh Kamlalzom Gangte. Lalzom inn lemtang. Kimuhkhom dia pai na leh a inn mahmah zong lian.
Adviser pa Kaizadou in a hong lepdan in hibang ahi.
Chairman- Lianzalal Phiamphu
V Chmn- MT Muanding Guite
Secretary- T. Roumuan
Asst. Secy-Liansiam Guite
Fin Secy- H Lalhmangaih
Treasurer-Kamzalian Tomging
Welfare-Ginminthang Shoute
A dang teng member ahi uh.
Kamlalzom Gangte
Dongminthang Hangluah
Ginsuanpau Hangluah
Kevin Thangkhanmung Guite
Lia Lunniang.

KRISTIAN BIAKNA HOIHNA

2011-08-05T12:10:00.005+05:30

Dt 01 Aug. 2011 ni a 18th foundation day zatna ZCF Pune ah ka thugen ahi. Short speech ding hun hong pia uh ahihman in a nuai a bang in minit nih khong ka gen hi.

GOD is good, all the time; all the time, GOD is good. Tuni tan dongh a hong makaih i biak Pasian min ka phat masa hi. Kei ka hihleh accident a silo pa ci a theih in ka om. 2006 in gari accident tuak mahleng silo in hinna thak ka neih kia hilo in Zi leh ta, tanu khat leh tapa khat tuak piak in ka om ta. Kei din Topa hoih hi na e! . Na hong thumpihna tung uah kipahthu ka hong gen hi.
Tuni a no te kiang a ka hong gen nop in ah 'Kristian ka hihkhak ka kipahna' toh kisai ahi. I hinkhua a i lawmte, i seppihte kiangah i hoihlohna, cinlohna leh i weak point himhim a ki gen ngam kei hi. Tua te tungtawn in hong attack khak ding ki lau ahihman in. Kristian pih i lawmte kiangah nuamtak leh thoveng tak in ki gen khe ngam hi. I genkhiat ciang in i lungsim nuam tuam pah hi. Tua kia hilo in, hong thumpih uh ahihman in noptuamna tampi leh Pasian tungpan thupha ki tan beh thei hi. Hih leitung kia hilo in a nuam mahmah vangam lutheihna permit muh theihna hi zomah lai.

Thugen khin ka tut leh ka tanu in "papa na siam lua" hong cih leh ka om a nuam lua hi.

TIPS TO INDENTIFY FAKE NOTES

2011-08-04T16:58:00.006+05:30

For clarity CLICK the pix

Report : 18th ZCF Pune Foundation Day Celebration

2011-08-03T06:31:00.003+05:30

A minthang mahmah Union Biblical Seminary pansan a kiphutkhia Pune ZCF in foundation day a 18na dt 31 July leh 01st Aug 2011 in lopna a nei uhi. Theih ciatsa bang in bible lam ah mi masate kisakkolhna mun poimoh tak UBS ahi. Thangkhangin Vualnam inn ah kikhopna pat ahi. Khalam kikepna, UBS Ministry ngimna leh salam kipumkhatna dia Zomi siamsin leh sepna nei a Pune khopi a om mi 20 ana patkhiat uh ahi. Chairman masapen din David K Samte ahi. Tua hun 01st Aug 1993, dak 1600hrs ahi. Kum 18 pai ahita.

ZCF pune in foundation lawm dek cih ka zak in 'Pune khopi va hoh kom theih na d chance om ei' ci in ka kisa khol hi. Delhi EBCC pastor Nenglian Vualnam in cial a om ahihdan hong hilh ahihman in thuzak jel ni ka ci uhi.

A nuam zaw ka ofis' guest house book khin thrap mah leng UBS ah zong tun theih ding cih ka zak in ka utna a lianzaw hi. Mumbai Pune train, Pragati Express in ka inkuan khozang un ka taitou uhi; Numei leh naupang simtel in 7 ka hi uh. UBS a M.Th sin lel Kham Suante in hong na dawn in a ma makaihna toh nuamtak in ka om uhi.

UBS a lemtan lohman in Pu GL John Seldow thusiamna toh BSNL community hall ah prog a ki zang. Ni nih, thanksgiving leh celebration in a ki zang.

Day 1: THANKSGIVING

Ani: 31-07-2011

Amun: Community Welfare Hall, BSNL Colony, Salisbury Park, Gultekadi

Ahun: 11:30AM

Leader: Gin Lalsiam Munsong leh recorder Kham Suante thu nuai ah program nuamtak in kinei hi.

Invocation Nu Nian in hong nei hi. Tua zawh ciangin ZCF Chairman Vumkhanpau in 'Pasianin tuciang dong hong gualzawhpihna hanga lungdam kohna' nei hi. Aman hih program siima mun tuamtuam pana hong paite vaidawnna a neih banah, meel lahna tawh zomto suak hi.

Vaidawnna hun zawh ciangin Ms. Ruth Naulak in LST Ps. 121:3-8 a simna nei in, worship team te makaihna tawh Pasian phatna hong neih pih ziahziah uh hi. La tuamtuam “God is Good; All the Time,” “Higher Ground,” “Give Thanks” cihte noptak in hong makaih uh hi. Hih hun pen Sumpi (Offering) lakkhopna in zomsuak pah hi. Mr. Mung Tawmbing in Sumpite Pasian kiangah aapna nei hi.

Intercessory Prayer Nu Manno Varghese, Advisor ZCF Pune hong makaih a. Hih hunah Topa hong makaihna hanga lungdamthu puakna, makai masate adinga thungetsakna leh Program lawhcing taka a kizat theihna dingin thumna kinei hi.

Hih zawh ciangin Good Shepherd Home panin Bible Recitation naupang mi 7 in hong nei uh hi. English leh Paite in Ps. 23:1-6 sung hong gen ban uh ah, Action Song “Jhum Jhum Jhum” cih kilawm takin present uh hi. Paite pau a vai naupang ten bible chang gen cih ka zak ciang in lamdang kasa hi. A co-ordinator uh Mung Tawmbing kiang ah kankhe pah in aman,"naupang ten theih haksa a sa kei uh, kaal thum kaan a zil kei uh" ci hi. Ps 23:1-6 in zokam.

Amaute zawh ciangin Speaker Pastor Nenglian Vualnam in ama hun hong la to pah hi. Lai Siangtho pansan in thulu dingin, “Bang hanga Puan-Inn kek kisam hiam?” cih siamtak in gen hi. Puanbuk keek a kisapna hici bangin gen hi.

(i) Pasianin nang le kei a dingin geelkholhsa hoihtak nei ahihmanin. Gtn. Pasian in Noah leh a inkuante Tuiciim pana a hohkhiatna ah 'Mite in hai sa phial mahleh, Noah in lungkia lo in a nasep zom to to hi'. Tua mah bangin a kua mah peuhin lungkia lo in, kuhkal takin I sep ding ahi hi. Laisimte in zong Puakbuk keek ding i nei hi.

(ii) Zumna tuak loding na hi (v. 4). Pasian adinga I lungsim te hong a, Pasian deihnate leh hoihnate I sut kei leh maizumna ki thuak ding ahi hi. Ahi zongin, i pilnate Pasiana dinga i zat nak leh, maizuman i thuak kha ngei kei ding hi. I omna muna a om den dingin hong deihlo hi. Amah in geelsa (plan) eite khempeuh adingin nei khin zo hi.

(iii) Pasian pen nang hong honkhiapa ahih manin, na Puanmun na kek ding kisam hi. Mi simmawh a na om lohna dingin na Puanmun na kek ding kul ahi. Amah muang lecin, na vei leh na tak lam ah kong hong honsak ding a, na suan na khakte adingin thupha ngah na hi ding hi.

Pastor pan hun a zat zawh ciangin Spicer College apat hong pai Zomite in La ngaih nop mahmah tawh mipite hong awi uh hi. Album bawl som cih thu zong kiza. Amaute zawh ciangin Goa khopi pana hong pai Thangno in “Hong Zang In” cih lasakna hong nei leuleu hi.

Ama zawh ciangin Music Secretary ahi Mr. T. Suanlian in Souvenir honna hong makaih a, Pastor Nenglian in a honna hong neihsak hi.

Mr Chungminlien in Pasian phatna la hong sa hi. Ama lasakna a zawh ciangin Worship Teamte in tawpna la “He Leadeth Me” cih hong makaih uh a, tua zawh ciangin Pu Siama, ZCF Advisor in hunkhakna nei hi.

Tea break

SECOND SESSION (31/07/2011)

Ahun: 2:40PM

Leader: Kevin Mung Guite

Leader in mipite muakna a neih zawh ciangin, Praise and Worship Teamte in lasakna hong makaih uh hi. Amaute makaihna tawh “On a Hill Far Away,” cih la kisa hi. Hih la a kisak zawh ciangin Holy Communion Pastor Khai Khan Pau in hong neihpih hi. Aman LST mun khat 1 Cor. 11:23-32 simna nei hi. Tua zawh ciangin Holy Communion a kizatna hang tuamtuam te gen a tua te ahih leh: (i) a sign of continuing fellowship with the Lord Jesus Christ, (ii) remembrance of what Christ has done on the cross, i.e., His victory, (iii) Reminder of Jesus’ second coming (Parousia), (iv) the proclamation of the Lord’s death, (v) For spiritual nourishment, (vi) a sign of unity of believers, (vii) affirmation of faith in Christ, (viii) it gives us hope. Aman, Topa annkuang a um ding mi khempeuh lungsim siangtho tak neih ding a kisap thu gen hi. Tua zawh ciangin kiphatsaknate paikhia a, kiniamkhiat tak leh kisa kawma ne dingin mipite zawn hi. Ama hun zawh ciangin la makaite in “Ancient of Days” cih la hong makaih ziahziah uh hi.

Amaute zawh ciangin Pastor Nenglian Vualnam in Pasian thu tawh hanthotna kipan hi. Aman LST pansan in thulu “Bangci bangin I Puanbuk khan Ding” cih ngaihnop takin hong gen hi. A thugen tomlak a nuaia bang hi.

I Puanbuk I khansak ma in, Pasian zon masak ding a poimoh na tawh pan a (Jas. 4:8). Tua dingin Pasian ah I Upna leh muanna I ngak ding kisam masa pen hi, ci hi. Tua hileh, Pasianin hong naih ding hi. Bang ci bangin Pasian naih ding?

(i) Pasian sap ding cihna hi (Isa. 55: 6f).

(ii) Gitlohna leh ngaihsutna hoihlote taisan ding, cihna hi (To forsake our wicked ways and evil thoughts).

(iii) Pasian muan ding leh Ama’ deihnate zawn ding, cihna hi.

Tua ahih leh, bang hanga Pasian naih ding kisam ahia? Bang hang hiam cih leh Pasian deihna leh mihingte deihna kibang lo ahih manin. Bang hangin Pasian naih ding kisam? “A mawhna uh Ka maisak ding,” Topa’n ci hi. Amah I kiang hong nai laitak in eiten zong i naih ding ahi hi. Tua pen Puanbuk khan sakna dan khat ahi hi. A result tu leh tu in I mu pah kei zongin, I muh hun om veve ding hi. I sap zawh nak leh, Pasian I mu takpi ding hi. Bang hang hiam cih leh, Amah I kiang nai ah om hi. Ngaklah lua in, lungkham pah kei in, Topa naih lel lecin, na haksatna teng hong veng ding hi. Topa naih na tawh I Puanbukte keek ni.

Rev. Asong Chiru, ZCF Missionary in hun khakna Benediction tawh hong neihsak hi.

Ann limtak nek khit in kikhen phot ahi.

Ko bel Chairman pu thusiam na toh pastor va zui in innteknu anhuan limtak nitak in ka va ne in UBS lam ah Tim Naulak in gari in pii kawi kawi hi.

Day 2: CELEBRATION

01 Aug 2011.

Leader: Mr GL John Seldow, recorder: Lia Dimthianmawi

Invocation Mrs Manno Varghese in a neih zawh in praise and worship nuam tak in hong pii uhi. Guitarist thum, drum leh keyboard leh song leader mi thum in hong makaih taktak zaw nuam lua himai. Unp T. Suanlian in a makaih zo mahmah hi. Mun dang tampi toh ka tetkak sang in 'praise and worship lively petmah' cihtan in ka gen lel ding. Amaute-

T. Suanlian- lead vocal

Chhingpui-vocal

Ruth Naulak-vocal

Suanpau-keyboard

Jenkhanlun-elec. Guitar

Lalmuan-elec. Guitar

Mangchinlian-Bassist

Veven-on the Drum ahi uh.

Mr Samuel Songate in thohlawm latna a neih zoh in lasakna 'aw Topa na vualzawlna pha cih leh..

Yeshu masih cih a ki sa ziahziah hi. Lungkhoih diak

'...tuana selung mawlte tun hong domsangta.

Topa eidin hoih na e.

...'Pyare pita

Tune humse kitna pyar kiya

Mere paapo se chudane ko

Apne bete ko kurban kiya

Pastor Nenglian in hunpi hong la to hi.

Will of God cih toh kisai a gen. Aman a genna ah 'there are certain features in all God's plan. Sanctification, Prayer and Thanksgiving, Doing good, Surrender leh Reading the bible” cihte ahi. I hinkhua a thiltung leh vision tungtawn in a hong pii hi. Bucingtak in a hong gen to hi.

Tuakhit in celebration cake cut na Pastor Nenglian leh ZCF Chairman in a nei uhi. Kei, Kamzalian in zong I biak Pasian a I neih uh toh kisai bia kha ka hihna leh hampha huai kasakna ka gen hi. Mr David, FMPB in greetings hong gen hi. Greeting msg kingahte simkhiatna leader in a neih beh hi.

Adoption and enactment of the bye-law of ZCF Pune cih laibuta Evan. Tongminthang in a hong nei hi. ZCF om teng lak a bye-law nei masa pen ahi diam ka ci nuam hi.

ZCF Pune toh kisai makai masate gift piakna neih a hih khit in Suanlian in 'Simply worship' cih la sak na hun hong neih pih hi.

Mimal lasakna bang zah hiam zoh a hih nung in Pu GL John Seldow, Secy ZCF pune in foundation zatna toh kisai kipahthu puanna siamtak in hong nei hi.

Zo ann limtak nek khit himahleh prog khelah tak in zoh ahita. Hun zat khit himahleh lasa leh tumging tum siamten concert hong nei taktak zaw aw ‘thupi leh nuam himai’.

This is Keikahi and Kham Suante reporting.

For Pix CLICK

Bombay, eh Mumbai local train

2011-07-12T19:09:00.015+05:30

[I theih khit dimdem ma in I gelh leh mawl sim thitthet, generalisation tamlo, theih a theihsiam thohna omlo ahih man in sim nuam in ka thei zaw hi. Sepna toh kisai in Mumbai ka tungsuk a a theipen cihna hilo in tamlo leh bucinglo sim in ka hong gelh khia hi.]

Naupan lai pek a kipat 'Bombei mithai' tungtawn in Bombay khopi ka thei hi. Tu hun ciang in Mumbai a ci ta ua hiven! I tungsuk zaw Bombay mithai kia muh ding a om kei. A khopi a om hamphatna, 'mumbai mithai' muh som mihing a tam petmah hi. Kuate hiam gendan in "khompi om hia"? cih theih d khop ahi. Mihing lu ngen ngen kimu ahi mai. Ofis leh munteng ah mi tam ahihman in 'mi khat' va ki hi lel mai dan ahi. Mikangte cih dan leh "just another guy". Public transport din bus leh train ahi, taxi leh autorickshaw om mahleh. Metro life, social life leh professional life cihte sang in a minthang mumbai local train tawh pan ni.

Mumbai local train
A min than na hin te. Minit 3/4 hal a tai bogey 9/12/15 nei train ahi. Hun teng in a tuang ding mi a om hi. Hih train zaw mi tamlua a ban a pen ah ka tuang mai ding cih a phatuam kei. Va phut ek a lut ding ahi mai hi. Train leh bus ngakna mun te ah line (Queue) system ahihman in ki zen mahmah. A ngakna mun queue ah Saheb, Sir, Madam leh mi poimoh cihte a om tuan kei. Na boss pan na din na mun hong tuh som leh na tongh(elbow) in phu geih le cin ki suanglah dia, a nung lam ah pai mai ding hi. A tuam mahmah khat ahihleh, mi tam sawm ve le zong tuan man a pia vek uhi. Ki pe ut ciat hileh kilawm in ka mu hi.

India a ding in Kolkatta khopi ah metro om masa pen mahleh tram zong a zang lai uhi. Tram pen a khopi ah tai doldol ahihman in a etlawm kei mahmah. Mumbai ah metro omlo, tram omlo (Eh metro bawl panta uh). Local train a om hi. Train masapen Mumbai to Thane km 34 a gamla 16 April 1853 in a tai panta hi. Line 3; Western line, Central line leh Harbour line in a kikhen in, a khopi ngat cik ahi a train in zik paisuak ahihman in ki vei kualna a lemtang sak mahmah hi. Train te Slow leh fast in a ki khen. Vai film a a tangval ten train tai lai delh cencen, delh pha cihte 'a hi thei kei ding' cih ka mu. A tangpi in 65Kph in a tai hi. Slow te chu station teng ah ban khawl to himai. Fast te bel station lian deuh ah a khol lel hi. Train teng station teng ah khawl lo ahi cih lesson dang khat ahi pah mai. Station khat ah second 30 kia khong khawl ahihman in pilsiam a ngai mahmah. A pawt khia lah chu miksi/khuai beel hih tap khak mah bang in a taikhe zoi hi. Tua khit phet in lut diam uh cih ding ahimai. Train a lut dan bel 'lut khak' som ding ahi mai. A pawt khiat dan ahileh bus tai lai a tawm khiat bang deuh ahi mai. A lut som mipi in hong phu hehu ding ahih man in kumh khiat manloh a lauhhuai. Tom/kumh khiat dan ci thum om in ka mu hi. A siam nailo leh dawilok deuhte a kongkhak ah ki luai in a tai awl mahmah ciang in leitual a siksuk pan uhi. Khat te lah ki tom khe leuh in a tuang hetlo dan in a pai bal bal uhi. A thumhna din, kei style, mipi hong lut d te lak ah kitom khe suk geih a fuh pen kasa. Bang hang in maw? Mipi lak ah kipuk cih om sese lo. Lut ut ahihman un a heh man kei uhi. Style tahtah a tomkhiat ngai a khoo.

A tangpi in zingsang lam in North South direction ah a rush diak. Nitaklam in South North direction. Mipi vai kuan leh ciah hun pen 'rush hour' taktak ahimai! Kei vai kuan/ciah na lam bel opposite direction ahi. Mi tam kei ci leng zong tam veve. [A pix en mah dih. Hun tom kha lel zong ka lakna phone camela ki lik to theilo khop ahi.] 'Tuni train ah mi tam petmah' ka cih ciang in ka zi in, 'nang paina lam a tamloh pi, a tam na taktak tuak kha nailo na hi' ci zomah lai ei. Ni khat in mihing 6.95 million kileh gige ahihleh a tam ding mah hi, ka ci thei khong hi.

Thudang ah, gari heek pen a nuamlo ahi tuan hetkei. Delhi bang lo tak in 'ki theisiam tuah tak in' gari ki heek hi. Lampi neucik. Taxi leh auto meter a pai, deek (bargain) ek ek ngailo, makhai tanpha kileh kik ciatciat ahihna ah khopi dang te zuih ding om eih ka ci lungsim hi.

A train tai teng a bogey/compartment kigualh dan ; numei bogey, first class, handicapped, second class cihte kibang vek ahihman in a masa pen in koi platform, koi muntak ah ngak a hoih a. Koi ah ngak leng a bogey nai pen ka 'class' a hia. Ka pawt khiat non na ding leh FOB a kahtohna mun tawh a ki tuak geih leh lemtang pen hiam? cih theih khiat a hoih. I lut khit phet ciang in I kumh khiatna ding station pen, platform vei lam hia tak lam cih theih pah ding ahi. I theih kei leh kan pah ding a, tua lam pang naih pah a kumh ding in kisak pah ding ahi. Pawtkhe ding te ki gualh na ah ki gualh pah, I ma ah midang a omleh a liang bet kheuh kheuh a 'Pudhchya (Next) station var utraycha aahe?' ahk 'uttar na hai' cih d himai. A kum kei ding leh a nunglam ah dingh in cih ding ahi ziang. Lut khin phet a pawt khiat na ding lampang Sepaih te march khe ding bang in maingat in din ngal ahi. Khong khak na naih pah keileh na tomkhe man kei dia, hong khel bawl kha ding ua, next station ah hong kumsak thei tuan kei ding ua saupi na tuan kholoh ding hi. Therefore pil pah ding, kong khak naih pah ding ahimai. Din kom a newspaper lemtang lo deuh a simdan leh dingh kom a ihmut dan bang na muhleh lamdang sa ken!

A tuan man a tawm mahmah. Ni teng a ticket va lei tom gige sang in pass bawl a lemtang pen. Kha thum sung zat ding second class pass ka bawlsak leh Rs265/- kia ka seeng. Kha khat a din Rs90 khong, ni khat (22 working days) in Rs4, one way Rs2 kia seeng lel cihna ahi mai. Ni khat a khatvei kia hilo in ut zahzah vei tuan theih ahi lai zomah hi. Uang gen leng 'a thawn a tuang' ka himai. Fast leh slow train a tuan man a kibang geih hi.
Mumbai train theihsiam na din va tuankhak poimoh hiveh. Tuang lo a thei te na hampha uh! Tadak, tadak, tadak.

The Google+ project

2011-06-29T21:50:00.001+05:30

Zogam a meh lim: Papak

2011-06-21T19:03:00.002+05:30

Zing ni suah ma. Mial mahmah lai. Lawmte toh plan a om bang in. Papak laa ki play ma tham in ki ban phawng in ki kuan khia hi. Papak laa I cih Tangnuam khosak a BSF subsidiary training centre a vaiten a Mandir uah a play jel uh 'um zai a zai a...' cih laa pen ahi.

Kuan tou fifit. A gimnam in zong tou ngal. Papak pen a pouna mun ah kum teng in leh a hun kibang cetcet in a hong pou non jel hi. A veteran I ci dia, a senior player deuh ten papak 'map' a nei uhi. A pou deuh na mun teng a lungsim ua map nei ahihman un a ban et tou somsom uhi. A mun leh hun kibang gige a hihman in calendar ah ciamteh pawl a om hi.

Guah hoihtak in a hong zu a, Papak huih a hong nung zomah zaw kipah bang nak om lua hin maw. Papak huih ki ci huih cikhat a hi. Hih huih pen lei zul ah a nung a ‘papak te a palh sak’ a ki ci hi. Guah thuak kom in zon touh fitfit mah; poilo kisa lo in, nuam pen hi mai. Bag a dim ciang in singzawl mong tuak ah khau vuah in tui kot bang in a kikot zawzen hi.A tam mu leh a tawm mu ki om ahihman in I zon khit ciang in lawmte toh ki mu khom in a tawm mute ki hawm jel hi.

Papak pen ci nih a om hi. Pakpi leh pak neu. Pakpi te a lian a, tampi a poukhom kei hi. Pak nih leh thum khong kan in a pou kei uh. Pak neute ahihleh tampi a pou thei hi. Mun khat a poukhom teng ‘khol khat’ a ki ci hi. Kua hiam khat gen dan leh, mikhat in papak khol khat tampi mu, tam lua in sibup zawzen, a ci hi. Tampi pou khom, a tung vom sim milmel I mu bang aw.... Eheu, nuam lua himai. Khat pa a laam zawzen na mah a! Khat pa tageet lah kipahthu geen a thuumna a neih leh a lawm pan ana bot khin geih. A palh khe nailo te tui ah I diah leh a hong palh khe thei hi. Khol khat ah a pou tengteng boh khiat pah ahi mai hi.

Tulai in bawltawm pa ngen a ki ne kha lel hi. A limna a dau deuh in ka thei a, singtang pa papak kaan a lim omkei ka ci hi! Pa' ci tuamtuam a om hi. Leikha in a bawl patung banah panai, pasan, pakep, pakhukbok, patoktawnol, pamua, pameihol, pacingduai, pasi leh a dng dng.

Papak zong a junior player deuh ten ki mu tamlo ahihman in 'theipi' peuh ki zong in ki paw mai hi. Theipi I cih Zakai siah dong pa tuanna singkung' gah ahi. Deihtak ne le hang zong I sung a se hetkei a dailen a nuamsak zawsop in ka thei. Papak kia hilo in theipi zong a zuak theih hi. A season sung in a om lel meh leh thei ahi uhi. A ut ten papak hou bawl in sawtpi a keem thei uhi. Tua mah bang in theipi pen 'theipi zu' a bawl theih hi. Theipi leh theipi zu tampi gelh uthuai mahleh papak zong dia kuan hun ta. Hung dang ah gelh som ni. A season 2/3 lak ah khat a beita cihthu inn lam a pat kaza hi.

Muankim reading the English Alphabet

2011-06-18T09:56:00.002+05:30

Dual core, quad core leh multitasking

2011-06-08T22:24:00.001+05:30

Computer toh I sep teng baihlam tak in ki hih khin ut pahpah a, dual core lo ki deihlo ahita. Computer khuak pen I theihdan in "intel inside" pen ahimai hi. Tu hun in dual core kia hilo in i3,i5, i7 cihte a bawl uhi. Tua bang mah in company dang khat AMD kici ten zong dual core leh multi tasking processor hih thei ding a bawl uhi.

Dual core zat a phatuam leh hoih taktak diam? Hoih bel hoih kha ven cin a phatuam na ding in ka thei kei hi. Computer zang a nasem I cih ciang in software ki bawlte tungton a sem a ki hilel hi. Software a ki develop peuhmah dual core power zang thei ding in ki bawl/gelh cih ka tawm theih mahmah hi. Ei pawl zat khak te lak ah tuabang a dual core power zang thei dia ki bawl software omlo ci phot ni. Pix leh VDO editing prog/software ten dual core hatna a zang zek lel. Computer game bel thu tuam in koih ni.

Cihnopna in ah dual core nasepdan pen hun khat a software in a sep ding hawm/sehkhen in nna a sem hi. Parallel computing zong a kici hi. Tua bang in dual core ki zang kha ngeilo ahihleh quad core I cih te gen/lei se a ngai kei. Quad core pen livei a hatzaw cihna hipah sam lo hi. Computer chips a kibawl pen a limit om a, double, triple leh quad cihte ah hat ding bang in a hat zo kei hi. Sa (heat) pahpah cih lampang ah a satdan a nasa dedeuh lel hi. Dual core zang thei Software I gelhna ding in a programming language pen tak dual core zang thei a poimoh.

Multi tasking ah dual core a phatuam I ci maithei. Kei muhdan in a phattuamna omlo ka ci jel hi. CD writing leh mp3 la ngaikhia kom in na sum neihzah na sun keuhkeuh a, na lawmpa toh chatting na hih kom zomah hi. Hihpen multi tasking himahleh dual core power na zatna a um vawt sih hi. Na software zat te tua bang ding in ki bawl hilo cih I genta. A dang khat ah na computer khuak pen in na nasepte a din a hun a hong hawm kual ahilel. Minute leh second I thei ciat. Split second I cih a sawtdan leh 100 a ki khen nen ahih zong I haih kei. Second khat sung in na nasepte split second bang zah hiam ciat hun hong sehkhen a, buai hetlo in multi tasking hih thei na hi mai hi. Tua ding in RAM lian poimoh ahilel, dual core hilo in. A speed GHz kici pen a tam lam ahih nakleh a hun hi.

Tualo thudang khat ah ka ngaihdan ka hong gen ding. Cloud computing hong thang deuhdeuh ding. Na computer pen Net connected ahi dia cloud ah software teng a om ding. Na computer in khuak leh Hard drive a nei kei dia, a neih leh zong a RAM sang in a memory a niam zaw ding. Na save ut te na pendrive/ external HDD ah save ding hive cin!

!

2011-05-26T10:59:00.000+05:30

Nidang pek a pat in ka lung hong khoih gige writing symbol ahi. Lungphawnna leh patauhna lam toh kisai ahi a, I gintak leh lamet loh lamah nna a hong pai ciang in lamdang cih kia a beisak lo in ki et thakna hun neih din ahoih. A symbol, ! hi bang toh ka tehkak hi: guahmal in langva inntung hong denkha leh ging keuh ding. A tunglam teng guahmal etsakna, a nuailam teng langva inntung kha ging keuhs. Hibang in I hinkhua ah nna hong tung ciang in 'tua bang himaw' cih kia toh beisak lo in I ngaihsutna a kipan I omdan na tan khek ding a poimoh hi. Selung geel non a koi ah ngaihsun/hih khial ka hiam, bang ci hih ding ahia cih banah mailam hun ah bang cih leng hoih ding cih tan kia hilo in sepkhiat leh hihkhiat a poimoh hi. Thei/pil khia kia hilo in maban ah a dang ! a hong omlohna ding in sepkhiat leh hihkhiat teitei a poimoh hi.

Sepna SBI nuai ah awng eih

2011-05-23T11:43:00.000+05:30

Nek muh na ding in sepna mah poimoh. Civil Service hi in bank lam ah kaam/sepna awng om jel. Tutung in zong SBI nuai ah PO tampitak sepna ding kaam awng om hi. Private a sep hoihkei ka cihna bel hikei.

Hih SBI nuai ah ST a ding liauliau in 75 sehkhen in a om hi. Ka hoihsak dan mok in SSPP ten inn lam ah coaching cih bang pian khat hong sai uh henla tampitak ten sepna muhna ding in zangkha le hang uthuai na e ka ci vungvung hi. Any graduate in apply theih. Kum 35 tan in apply theih cih hi zomah lai ahih ciang in hibang golden chance miss loh teitei hoih sa veng aw.

Recruitment of Probationary Officers in State Bank of India; and recruitment of probationary officers (rural business) in State Bank of India

>Date of common written examination: 24.07.2011 (Sunday)

>On-line registration will start from: 18.05.2011

>Last date for registration of online applications: 09.06.2011

>Post: Probationary Officers: SC-150, ST-75, OBC-270, GEN-505, Total-1000

>Eligible candidates desirous of applying for both the posts should register single on-line application by depositing fees only once

>There will be a common written examination for both the posts. Candidates have an option to apply for both the posts while registering on-line application.

>Eligibility criteria (as on 01/05/2011)

Essential Academic Qualifications

Graduation in any discipline from a recognised college / university

>Age limit : as on 01.05.2011

Not below 21 years and not above 30 years as on 01.05.2011 i.e candidates must have been born not earlier than 02.05.1981 and not later than 01.05.1990 (both days inclusive)

http://www.statebankofindia.com/ and CLICK recruitment.

INTERVIEW WITH TANGNUAM VILLAGE PDS AGENT

2011-05-11T03:55:00.000+05:30

TAZENSAM LEH PA KHEN CIN, PDS AGENT TANGNUAM HOULIMNA

[Tangnuam khua thupi sak na ziak leh pholakna hilo in I singtang khua te uh toh kisai bangzah hiam theih tuak a om man in hong kisuah ahi zaw]

TZS : TAZENSAM (Editor & Jt Editor), KHEN CIN : KC

TZS : Ann nekhinta’u mo ? TZS te tuma issue sutzopna toh kisai a interview dia hong kuan hi ung ei.
KC : Tu ua tu ua, ci zen zen eive. Bang khawng ahia le.

TZS : TZS na na sim zel hia, last issue a interview bangci na sa a ?
KC : Sim zel mah ing ei. Hausapu inter¬view na hoih himai. Amah zong ki open mah mahta in ka mu. Tulai a gen zel bang in khosung hoihna dia panlate kithuahpih ut ahihdan gen zel zel hi.

TZS : Amah apan hong kipan a mipi’n i thuap ding ai zo diam mo … he he ?
KC : Amah apan zong hithei, mipi apan zong hithei. Hoih deih khat peuh peuh in pat moh cih omlo pi a .

TZS : PDS Agent hihna bang cik apan lenkha. Agent te kua’n bang ci dan a kisep a, Fair Price Shop i cite toh kibang/kibanglou, athudan a bang bang hong pai ding, bang bang hong pai sek ?
KC : 2009 apan lenkha pan kahi, Agent te Political appointment ahi. Bialtu MLA in a ut ut/hoih asak sak kiang ah apiak ahi. A ut hun hun a akhek theih. Mun dang a Fair Price Shop i chihte toh kibang himai . PDS nuai ah bel Antang, K-Oil, leh Chini hideuh pen. Ei khua a ding antang quota I neih bel khateng a 50 kgs bag te bag 26 , K-oil khateng quota 520 ltrs ahi. Chini toh kisai bel pai ngeilou. I nget ciang a zong omlou. Krismas dek ciang khawng a saptuam 3 omte a ding bag khat ciat khawng I nget ciang a 1.5 bag khawng hon pe lel uh.

TZS : Antang, K-oil leh chini hong paite ei khosung a inkuan bangzah, bang cih¬bang te a dia hong pai, I muh ding zah uh mu zou ciat I hi uhia ahihkeileh mu lou? Bangziak?
KC : Above Poverty Line (APL) leh Be¬low Poverty Line (BPL) innkuan 130 adia hong pai ahi. Pemthak kitam ta, inn khat sungkuan 2/3 in luah a khosa teng toh inkuan 150/160 bang ki pha thei mawk hi. Antang quota bag 26 lak ah bag 20 khawng la thei dia deposit hong bawlsak uh. Bag 20 a di deposit I bawl na lak ah bag 18/20 khawng kia kitang kha. Kuki helte’n bag 2/3 hong suh sek uh. K-oil 520 ltrs quota lak ah 360 a di deposit hon bawlsak uh 360ltrs a ding deposit I bawlna lak ah 320 ltrs khawng kitang. A dang teng Kuki helte’n hon suh uh. Im¬phal a meiteite nekbang, Lamka ah kuki te nekbang teng kitang kha hilel dan eive. Tua banah inkuan 130 a dia hong pai 150/160 khawng kihawm I hihman in I tan ding zah bel kitang zoulou mah suak hi. Pemthak leh teeng masa khentuam neilou vengsung mi hong pai teng kiang a kipia himai. Hu cih lai lai a pemthak khenkhat te a theisiam lou dek bang omna lai.

TZS : Kuki te’n hon suh sak mawk ahih ua leh nou mang(sumh) law lou di maw ? Bang ci sai ?
KC : A rate di diktak a kizuak theilou cihna suak mai eive. Agent hihna ziaka loh nei ki hi tuan lou, a tuama commission om tuan lou ahih ciang a. Govt dan a bel Antang Kg ah Rs.10 leh K-Oil liter ah Rs.15 a zuak ding himahleh antang leh K-oil Rs. 12 leh Rs 20 a zuak ngai. Godown sung apan puakkhiak nang, a bag dim deuh leh I tankhak baih deuhna dia kuli te sum piak ngai. Godown apan inn puak tun nang gari/Rickshaw lak ngai.

TZS : Ei a ten la ? Kukite a asai theih dan omlou di hia ?
KC : Ei a ten chu khoih vet lou zel uh. Tuma in bel khatvei ki ci man zek mah ung. Kou zong nei, nou kong piak sang un kou a te kiang ah ka pe zo di uh ka cih ua leh hong nem thak vanglak uh.

TZS : Veng dangte hawmdan leh rate leh eikhote hawm dan leh rate toh kisai ?
KC : A rate bel vengsung ah inkuan tam leh tawm dan a zil in tam zaw/ tawmzaw zek thei mah hi. A hawmdan leh hun toh kisai in veng khenkhat ten bel a hawm ding dakkal pia un tua ban pe nawnlou bik bek bang zong om uh. En bel nasem a kuankhia khawng I hihman in a hun thu ah bel kici ten tun lou.

TZS : Gen leh sak tampi bang le zata maithei maw, nasepna ah a poimoh lou a hong ki golh/golh sawm Hausa lam apan, VA apan / MLA/ a mi leh sa kici deuhte apan khawng a om hia?
KC : Gen leh sak hucia puaknat luat ding omtadih kei. Ki mi hoih in hong thei¬siam uh sa ing. Hong kigolh leh kigolh sawm om kei .

TZS : BPL census toh kisai leh vengsun ah BPL card holder bangzah om ? a mu¬ dia kilawm te mah hi’u hia ?
KC : BPL census cih ciah bel om khak lam thei kha nai keng. Tuma in BPL card apply theih ding ci in ei veng apan inkuan 130 a ka submit leh 26 kia hon san sak uh. A mute bel a mu dia kilawm pi pi ngen mah hi uh.

TZS : BPL in bangcibang/kuateng huam kha ?
KC : A tom pen ding in (i) Khaloh sang lou, (ii) Tuilou leh gam neilou leh, (iii) Kum¬khat sunga Rs30000 (siing thum) san¬ga tam zaw summuhna neilo te ahi uh. A tak tak a et dia bel kumkhat a Rs30000 (siing thum) mu lou cih cu…

TZS : BPL card bang bang a zat theih, a phattuamna te .
KC : BPL card inkuan 26 kiang ah ki¬pekheta hi. Central School, College khen¬khat leh Train tuan man leh damlou ki-et¬sakna leh kepna ah 50% discount omthei ahi.

TZS : Angtang / K-Oil koi nai zaw, cik ciang a? Kg/ltrs bang zah bang rate in?
KC : Na U Mang in antang bag 20 ading tuni a deposit va bawl hiven zing ciang (Kiginni) khawng in hawm theih mai in teh. Antang Kg 5 chiat @ Rs12. K-oil bel gen thei nailou. A om chiang in ltr 2 chiat @ Rs. 20/-

TZS : Vengsung mipite theihtuak na gen ut bang a om a ?
KC : (i) Midang a ding lak kep/laksak nawn kei thei le. Mi’n amau a tang lak ahon phal ua leh a proof na din amau mah hon tonpih thei le uh. Huchi loute kipe nawn sih ven.

TZS : Poimoh lou tuanlou a tawpna ding in, na lungsim a om mah mah khat ?
KC : I kho sung khotang kipuakna khat nuai/ kithutuak in om thei le, tua sang mah a khangtou zaw ding leh mi’n (MLA te tel in) hon enlah leh zahtak zaw ding uhi.

(TZS : Kuamah political party, saptuam leh philantrophic org toh kizopna neilou, independent body ahiman in suah lemtang lou kisa sim mah leh Dik mah mah veve akisak man in hong kisuah hi) Congress Ministry nuai a Manipur i om apan PDS cihte hong pai hoih ahih man in maban nai cik a zong Congress mah ci nawn le).

TZS : A first step ding in Issue based Joint consultation Nam, Saptuam leh Philantrophic org heutute’n nei ding in kisai in Hausapu/ Jobcard saiten hon fund le uh a diam maw. Bangteng hileh na hun manpha tak nong piak man in Lungdam peuhmah.

KC : Hong interview uh eih cia singpi bek hon bawl ve.
Bossnu: Kuva haisak le a diam maw…

[PDS, BPL, APL toh kisai theih beh ut neiten cik lai peuh a dot theih din agent te kiman uhi Contact Nos. 9436036559 / 9862831019]
Source: TZS Vol - 2 Issue 15 dated 24 April 2011

INTERVIEW WITH TANGNUAM VILLAGE CHIEF

2011-05-10T12:39:00.003+05:30

Nisim 22nd April 2011 ni a vengsung news, Tazensam in Tangnuam Hausapu L Chinkhenthang sunnung dak 1:30 press conference a neih pih na uh hong kisuah ahi.

TZS : Khosung mi teng lunglutna leh khosakna a dia phatuam mah mah MNREGS (Job Card) toh kisai bang teng kisemta a bang teng sep ding omlai?

Hsp : Tua kisem lel ni 55 tha 2010-2011 kum a ahi. Ni tha 35 sepzoh ciang in Rs.2849.00 (tractor puaksak man etc..cut zoh ciah) ciat kila zo ding a, huai zoh in tha 20 sepzom hiding hi.

TZS : Job card sum negu cih toh kisai leh nasemte thaman ding cut se louh a piak theih dan omlou d hia ?

HSP : Govt guidelines leh mate te training huna asep dingdan uh BDO te thupiak dungzui in nikhat a dakkal 8 sung nasepna thaman Rs 81.40 hiding ahi. Nasepna toh kisai mate te sai ahi, amau BDO te kiang ah nna hoihtak (a dakkal kim – sepding bangtak) in ka sem uh hi ci in report pe zel uhi. Nek guk malak ah job card a taak ding limlak man' na ngawn a pe nailou omlai tazen veh e! Nitha man bel kikhoih sak lou hi. Balu shingle lu apuak ding cih ahi, himahleh a po ngap omlou aki hihman a tractor kiposak in a puak man ding nitha apan ki cut hizaw hi. Lu a po ngap te a ding in bel a puak nak ua leh a nitha uh ahi zah geih geih piak hi ding uhi.

TZS : Nektom zong leh a tasam ngen i hihciang in veng dang (eg New Lamka) te hih dan deuh in Tractor puakman pen material cost apan mipite khualna toh etsak theihdan om theilou di adiam?

HSP : Material cost ding nangawn ki daih zo lo hi, Office leh Pawlpi te’n 10% tuak khawng cut un, tuate ban ah Mate te loh @Rs 90 zong Material cost apan kipia ahi. Tua lou Central Observerte hong pai ciang un a tuam a kidon beh hilai hi.

TZS : Nitha loh pung Rs.126/day la bang cik apan kila ding ahia le; tua kisem lelte apan hipah di hia ?

HSP : Hipen tutung budget ah om khalou ahihman in kumthak 2011-2012 a sep ahih ciang in kila thei pan ding hi. Tha 55 teng zawh khit ciah.

TZS : Tu kumthak a pen cik ciang khawng in aki sem pan thei dia le ? Work Proposal ki pelut ta hia, bang khawng sem dia mipite ana kigin kholh uh hoh ding ahia le ?

HSP : May – June khawng hi ding in um ing. Work proposal 01-03-2011 in ki submit ta hi. Proposal a kipia bel hiteng(anuai ate) hi. Bang teng hong pomsak ding uhiam cih bel ki genthei lou.

Culvert : (i) EBC Church approach road, (ii) K.G Tungdim road, (iii) L.Lianpu Road

Shingles & Pucca drain : (i) CBA Centre Road,(ii) Bethel veng road,(iii) Venglai Road, (iv) Pumzamung Road, (v) Thangzachin Road, (vi) V.A House Road(vii) Henkhogin road, (viii) L.Lianpu Road,

Public Pond : (iii) Ex MLA T. Tualchin Pond, (iv) Kamzalian Compound

Protection wall : (i)Tuibuang stream, (ii) Tangnuam Bridge

Approach road Land Development: (i) EBC, (ii) KG Tungdim, (iii) L.Lianpu and (iv) Tuinu bridge, (v) Road Improvement & extension of Khukpi road

TZS : Ei khua a ding proposal bang cidan a kibawl a, Guidelines in bel vengsung mipi in VA makaihna a vengsung a dia poimoh guan ding cih hi a mo ?

HSP : Work proposal ahihleh 2007 a kibawl pansan a kumteng a kibawl thak zel ahi. Ei khua a ding bel kei bawl ahi. NREGS nuai a septheih tuamtuam te bel ; (i) Lampi bawl / puah phat (Shingle & Culvert) (ii) Tui/ tuilakna (Kholak Pukhri), (iii) Singnou suan, (iv) leh Leitang puahna (Protection wall), (v) Pucca side drain, cihte khawng ahi. Ei khua a zat leh hoih ding en a ki bawl ahi.

TZS : MNREGS toh kisai kia hilou in I khosung in bang POIMOH hi’n na mu ?

HSP : I khosung in I Poimoh bel TUI leh Lampi ahi.

TZS : Tui lah haksa sa ciat hang a VA level a panlakna bangmah omlou hia le ?

HSP : Committee om mah ei , tui lam toh kisai Vungthang makaihna toh kisai deuh ahi. TN Haokip in zong Rs. 10000/- pe khinta. Bang seem uh bang ci sai uh cih bel theih pih kha keng.

TZS : Handpump toh sai khawm uh hia ?

HSP : Handpump bel Biakmuan te’n sai uh, amau bel VA level a mohpuakna piak a om hikei leh zong tua dan khat a ki la thei veve.

TZS : Khokhung a tanky tui la... kinephuai/ngak ci di hia le ahihkeileh adang bang ?

HSP : Bungmual apan tui lak nang Pipe bel hong paita hilezong TN leh SO te’n Thoubal lam a dia na heikawi uh. Tun L.Haokip contractor na nuai ah Bungmual apan hong zawl tung sawmin nna sem uhi. Nikum Sept. kha pawl in khawl uh a Pipe ding hong tun hun a sepzom ding ci uh. Cik ciah hong tung ding cih bel kitheilou. RWS Rural Water Supply nuai ah hong pai pen tangval ten lakhin uh .

TZS : Tui hong kai leh a fee piak ngai ding adiam ?

HSP : Theilou. Tua lam bel bangmah gen kha kei uh.

TZS : Ngaihdan khat mai mai VA level a committee om ahih ngal leh Public well bang nih khawng sak lam toh khanglam ah neile adan om tuan mah mah ding hiven maw.

HSP : MLA toh kisai nnate bel amau a mite pe mawk un VA in voice ki nei kholou hi. Govt apan ringwell panpihna mu bel i khosung ah bangzah hiam om hiven.

TZS : Lampi toh kisai.Kumkhat sung a shingle bangzah vei hiam hong pai te apat awl awl a Pucca road bawl theih dan omlou di hia le, DC pi mah in zong work quality a hoihnak leh ci hilou hia mo. Pucca road neih nang ahih leh bel mipi in zong a poimoh ding leh nitha kimkhat toh pan zong kingap mai lou di hia ?

HSP : MNREGS nasepna toh kisai bel Mate te sai hi’n, Sum tawh kisai Bank apat draw khiat pen Kei leh VA Secretary sai deuh hi. A CIH KHEMPEUH UH HANG IN ….MNREGS nasepna te ah Nasep ma – Nasep lai leh Zohsa limlak kipelut zel ahi. Office lamte/Central Observerte lungkim lou ding uh lauhuai.Tua ban ah Pucca road bawl pen skilled work hi’n mi nautang sep theih ding ci hilou hi. Alkatara leh Roller ding zong contractor ten zong haksa asak uh khat hi lai.

TZS : JOB card sepna toh kisai a ei khua a dia Vigiliance and Monitoring Committee om hia. Kuate? Bang a asep ding uh, mohpuakna, thuneihna etc.

HSP : V&MC om mah ei, Village authority tungtawn a kisep ahi; Chairman : T.Thangminlian, Church(EBC) Representative, Secretary : Th.Sanglian, Youth representative Members : (i) Niangleuh - Women Org representative, (ii) Chinlianthang – Social worker (iii) T.S Zamkholun – Ex service. A sep ding uh ahi mai. Mohpuakna leh thuneihna bel thei lou. Meeting sam un ka cih leh Chairman in meeting ka sam zou kei ci in hong dawng.

TZS : Village Authority Hall toh kisai , koi ah bang tan tungta ?

HSP : A bawl nang 2.5 lakhs sanctioned hita, 52,000 bank ah hong peta uh, Mate Lawmthang in teklei ka orderta ci, amun ding buaihuai pi suak , Office lam te’n bel nang inn kiang khawng ah lam in ci uh, a khonung in a lamna mun ding piak khiatna lai bang poimoh ding hitaleh buaihuai pi suak thei ding.

TZS : Banga zat ding ahi dia ?

HSP : Meeting nang khawng, vante koihna ding khawng. (Van bang bang om)- Tupi 10 leh suahdul 15 khawng vanzat dia hong pai. (A poimoh na a zat theih ding eivele maw) hi.. hitham, a gaa thuah peuh leng.

TZS : Job card leh Post office pass book kuan kem ? Vengdang apan hong pemlut te Job Card Transfer sai ngai ding omta hia ?

HSP : Jobcard bel hiah ken kem, mang khaleh asai buai huai ding ahihman a kikem khawm ahi. A mangsakta bangzah hiam om man. Post office pass book bel Panglian BPO Postmaster, Mr. Goukhanpau in kem a khop khawm leh hawmzawk na hun sawt alak ziak a akep khawm uh ahi. Job card bei leh bel amau account ciata balance om zah toh aneitu kiang ah kipekhe vek ding hi. A sum lakloh te PO Ac ah na ki kholkhawm ahi. Vengdang apan pemlut a sai ding 3 khawng kia om. A kholui ua hong tawi uh ngai ding ahihman a ut khol lou uh hi ding hi.

TZS : Hanmual leh Electricity la .. ?

HSP : Haanmual tawh kisai nikum September kha in Committee te Lawmthang, Kaikhawpau leh KG Tungdim te haanmual mun zong ding in kiseh hi. Lakh 4/5 tan man leh zong phamawh lo ki ci a, report bel hong lut nai lo..TZS: A sum di la koi apan? Mipi lam a pat dong ding ahi. Haanmual fee kila ngei lou. Mikhual ki vuite 500/- kila a. Transformer zong lampi ta'ng deihman leh meigui dongkholh man in school nung ah ki suan sawm.A dept te khut ah om.Kaikhawpau in khat vei hong suan sawm khawl kik. A sum ding zong Jobcard apan ki cut khin.

TZS : Ei khua Anganwadi, ASHA woker leh PDS toh kisai ?

HSP : Anganwadi worker : Mrs Neihlam, ASHA worker : Chingsuan, atang a Lunniang training khawng a kuan zel, leh PDS agent Pumkhenchin.

TZS : ASHA/NRHM nuai a Village Health and Sanitation Committee member kua kua, bang khawng sem, ei khua a ding zunbuk leh dustbin cihte hong pailou hia ahihkeileh paper a kizouta .

HSP : Village Health and Sanitation Committee om lam theikhalou (TZS- Khoteng a om ding Chief Chairman ding ahi). Khatvei zaw Rs 10000.00 hiam hong pai abang.

TZS : Community hall kibawl lel toh kisai, hausa hihna toh bang tan na thei kha a, chik cia zou ding ?

HSP : Tuma lam in bel TN in 4 lakhs a zoh nang peta ka hi ci hi. (a bawltu Rangpu kiang ah phone tungtawn a TZS in a dot leh tua ci bang apai lam ken ka thei kha kei ci hi.)

TZS : Tazensam Pasianni zing in na na sim zel hia, bangci na sa a ?

HSP : Sim zel mah ing ei, thu tuam tuam kithuzak tuahna ahihman in hoih ka sa. Thil hoihtak panta na hihman un patau kei le u cin sum in hong nung delh ding hi. Mi muanhuai lah hau mah mah lel hanga. A fee bangzah la na hi ua, issue khat bangzah in zou hiam?

TZS : Tuma a Hawkers te fee don Rs 30.00 pen kha nih (Feb & March )ading ahi, Issue khat ah Rs. 250-300 khawng beizou hi. Copy 120 khawng ki hawmkhia a, tuma a fee kidon pen gintak sang in hong lut hoih hi. A khenten 15/20 cih khawng a pia om, inkuan 90 khawng apan fee hong lut hi, a pethei zaw deuh ten I donzah sanga tamzaw honna pia bang le om a, huai lou in panpihna dan a hon pia bang le om, kipah huai leh tha hong guan mah mah.( HSP: Ken a nawn a ding 250 ong pe ning ei, sum nen na nei uhia). Lungdam peuh mah.

TZS : I khosung ah kua pawl/org/Assn na ngaisang pen a ?

HSP : “Na tung a ding na deih bang in mite tung ah hih in” cih pansan a citak, ginom khuamite ihih man un ka ngaihsang dan aki bang vek hi.

TZS 08052011

2011-05-09T11:50:00.003+05:30

CLICK

TZS 01052001

2011-05-01T12:33:00.001+05:30

CLICK

Kuva, Kwai, Pan

2011-04-27T21:08:00.001+05:30

Khatvei ‘oneteen nineteen’ hun lai in Thingkangphai khua a lusei tangval te’n kiphasak deuh a om Lanva te khat man kha. Heh lua 'Enge I duh?' a cihleh 'Kuva' ci in dawng geih. Midang khat pa'n zong limsa tak hi inte 'michapati a tui masa houh sekhe ngam ve cin' a ci hial hi.

Kuva pen duh huai tak zaw hi mah hin te 'Burma te tangthu na tan ah gaal mat te uh a thah ma in a last wish uh, kuva leh dawn ding tui a pia uh' kici. Mun siang leh changkang pen a ki gen Singapore khopi nasan ah a guuk in haai ding a kimu hi. Vietnam gam ah mou heelna singpi khai tang in kuva a zang uhi. South east Asia gam ah a kizang/haai nasa mahmah. A haai na ding haa nei nonlo te nasan in gawlawng dandeuh in a suvui ua, suk nen sa in a ne zawzen uhi.

Sa meh limtak, i nek khit toh ki ton in 'closing ceremony' din I zatleh fuh pen sa ing. Shillong ah 'kwai' a ci ua, a tang picing leh keu deuh zang uh ahihman un a limdan a tuam diak hi. Tua bang mah in a teh taak ten a limsak tuan mahmah. A taak nailo, a ngeek deuh te bel a kick tuam deuh ahihman in ki kham loh thei hi. A fuhlo deuhte ngial houh a uih thingtheng a a limna a tawm deuh hi. A laingek, a lim penpen eive a uih thei.

Zomi ten ci nih in I khen hi. Kom kuva leh Supari a ki ci mai in thei ing. Eipawl in kuva I cih ciang in a teh, a tang leh sunu a kihel cihna ahi tangpi hi. A common name 'Pan' himahleh eipawl a din pan pen zarda supari genna in thei ing. Supari, mitha pati, bangla pati leh varanasi ci in a ki minvoh diudeu hi. Varanasi pen a teh rong eng sim, sa hehu deuh ahihman in Zomi ten ngaina kholkei hang. A tang pen 'areca nut' cih min voh in a om hi. Helpih leh bawldan ci tuamtuam bel personal choice ahita. A limdan pen a bawltu siamnel na ah a kinga mahmah. A namtui phadiak I helsak leh a man a tam deuhdeuh hi. Haai khat Rs250 val man zong a om zawzen hi.
Kamsung natna ka nei zeuhzeuh hi. Doktol ka ki etsak ciang in Vit C deficiency a ngoh den uhi. Hi toh kisai ciah ahi doktol te ka gintak theihloh. Ka neu apat kamsung nna ka nei. Ka neu tuung pan in a hunhun in theigah ci tuamtuam nek ding ka nei gige uhi. Bang dia Vit C deficiency ci in 'Sukcee, Limcee, Vit B complex etc etc' hong gelhsak gige uh hiam ci ing? Kam kaat tanpha a noploh ciang in kuva toh ka bei geih a damna 'damdawi' kei a din na hi mai hi, aw nang Kuva. I haai khum geih ciang in I kamsung natna munte 'numb' sak in a dam loh lehlam hi. Geih lel. Digestion panpih ahihman in sung leh dailen nuam sak hi. Kamsung nna kia hilo in a phattuamna tampi a nei hi. Zun-im, luna, sung nuamlo, gawlna cihte bet daih na din a phatuam.

Cancer omsaktu ahi a ci pawl om leuleu ei. A teh hilo, a sunu zong hisamlo in a tang pen ahi cancer omsak theitu. Cancer omsaktu, zarda; ek saw bis, tin saw saad cihte hizawlo ding a maw ka ci lehlam. Zarda bel a limsaktu a kici hi. Nidang in ka lawm pa'n zarda toh I haai leh lim a ci hi. Tuabang a lim ahihleh ci in a haai ngeilo pa'n ka haai phak/khak sunsun kom kuva toh ka hong meh cheuh chu aw. Himai. Ka ci liing derder, tha teng bang bei. Field ah lum dildel in 'tawpna thuumna' ka neihloh ve. A si d kisa ka hihcia. Pil pah vingveng; haai som nonlo.

Shillong kuva munpi ah ka hong dianglut hi. Ka Khasi lawmte inn ah ka hoh ciang in hong pia uh. Khut ah tawitawi. 'To eat or not to eat that's the question' ahimai. Ei lam a I ki lenglat ciang in singpi I ki suah dan in Khasi te hihdan kuva kipiak ahihman in 'ka haai ta'. Khamsia. Ka zun suak, ci in ka va sekhia vek hi. Thamlo in ka kam ka khuah siang. Ka luut non in a haailai ki neih geih. A mun toh kituak in va haai loh bikbek pen nuam ciahlo ahihman in ka lawmpa khat toh a tang kia ka lei ua, ka haai jel uhi. Ki graduate tou zungzung ahihman in ‘full unit’ ka haai thei ta cih gentaak loh zarda pan ka haai thei zeihta hi. Chain eater bel ka hi nai sam kei. Ni khat in khatvei I hai fuh leh hun kasa. But one thing I still don't know. The red. The red spitum, the red teeth and the red cloth used to cover the betel leaves.

TZS 24042011

2011-04-24T12:43:00.001+05:30

TZS 24042011

Haan tou dia mi guai

2011-04-24T07:46:00.001+05:30

Central Lamka YPA ten haan lai dia mi guaihsom, haan khat laih man Rs2000 hisak uh cih thu ka theih in "hoihsa" hi pah mai ing.
Sepna, nekzonna leh skul kaina buaisak ahihman in haan tawh pen mi guaih ding mah hi ci ing. Misi tam deuhdeuh ahihna ah niteng phial in misi om ahita. Ofis leh skul kailo zeen in leh ka neekzonna ah kiloh manlo zeen in haan tou din va kuankuan ding ka diam? Singtang leh khota ah bel thutuam. I neekzonna in hong buaisak ahihman in ki phatuamngai theilo hita hi. Mi guai le hang bel a haan tou group om ding a, tua ten nekmuhna in nei thei ding ahihna ah hoihsa ing. Hih toh kisai a CLYPA rate in a nitha ding uh gelh ngei ing.
I khosakna uh en leng niam mah. Rs2000 in haan laihsak pen haksa kha mah inte. A haanlai te a neekzonna un koihsak phot in deekloh leh hong kiam lo ding in koih phot mok ni. A mau zong a phattuamngaihna suah in a laihman hong kiam thei uh bel ahi hi. Misi vui I cihpen innkuan khat kia toh kisai hilo in "inndongta" vai ahi hi. Inndongta I cih ciang in innkuan tampi/ beh leh phung toh kisai cihna hi pah mai hi. Tua ahihna ah Rs2000 haksa lua ding hiam? Haksa ahihleh miphatuamngai bangzah hiam kipawl in a sum seen ding uh seen sak theih lai hi. Panpihtu ding omlo/lemtanglo ahk haanlaih man ding haksa tou lai ahihleh a bial sung MDC/MLA theisak le hang hong thoh khe thei mailo ding a de aw?

TZS 17042011

2011-04-17T12:33:00.009+05:30

TZS 17042011

Saptuam dan: nohkhia leh laklutna

2011-04-17T11:24:00.001+05:30

Saptuam dan a kitenna, kinohkhiatna leh laklutna toh kisai hibang in ngaihdan ka nei hi.
Saptuam I cih Society min a ki register ahi. Society I cih in 'rule leh bye-law' ban ah aims and object kiciantak a nei hi. Tua bang dan in kivaipua in dun leh dan a member te lakah etkol in a zang(thei) uhi. Sep ding leh a sep theih te kiciantak a gelh te kia sem thei cih ahi. Thu dang ah, a sepna mun, area of operation a kici ah state tuamtuam ahi ding cih a kigelh keileh mundang ah septheih ahimok kei.

Satuam dan pua a kinohkhiatna:
Saptuam I cih I gensa bang in dun leh dan nei hi a tuate zang in vaihawm uhi. Dan toh kituaklo asakte uh nohkhia leh thutankhum thei mah ahi uhi.

Mihing khat member ahih nakleh vaihawm khum thei mah uhi. Member dia pan khakdan leh laklutdan ci tuamtuam a om. Peemna lai tawi in Saptuam khat apat khat ah member ahihtheih. Pian na leh min khumna. Nau khat a hong pian ciang in Biakinn ah kilaan sese hi. A kilat ni apat in member ahi ngal a dan toh vaihawm khum theih ahi pah mai hi.

Nohkhiat leh danpua a koih theihloh kuate ahia? Biakinn a nau kilan khalote. Amin uh saptuam ah kikhum lut lo, member hilo uh ahih man in. Tuabang mah in Saptuam belh deuh neilo, member hihna neilo te zong danpua ah koihtheih ahikei. I biakna saptuam te Society dan a kiphutkhia ahihna ah I kiphutkhiat nasan/ ki register dan leh I sepdan/paidan bang tan hiam a diklo om in ka thei hi.

TZS10042011

2011-04-10T08:06:00.003+05:30

TZS10042011

TZS03042011

2011-04-03T07:04:00.003+05:30

TZS03042011

Biakinn a thohlawm dondan leh latdan

2011-04-02T17:47:00.004+05:30

Biakinn a thohlawm I don pen I biak piakna te lak a khat bang in ka koih hi. Nidang in I pu leh pa te hunlai in dawi leh kau mai ah ki thoihte I hi. Mimal kilatna leh biakinn a I thohlom donte pen I ki thoihna in ka koih hi. Dawi leh kau mai ah hi nonlo in a nungta Pasian mai ah ki thoih a kilan te I hita uhi.

Thohlom I don ciang in thom nei hetlo in a dongh ten a hong dong ding ua, eye contact om hetlo in I na sang dia I thohlom te I thoh ding hi. A dongh ding teng uh a don khit uh ciang in a nunglam apat in sepaih te hih bang in slow marching in pulpit lamah hong tawi phei ding uhi. Hih kawm kawm in mipite I na dingh ding hi. Tua pen pastor a I neih pen I siampu ahih man in aman a na saang ding a, a va pe tou tute toh kikal a table tung/lectern tung ah koih cidan in hih ding ahi hetkei. A sum ki dong te la ding in mipi te mah bang in a ngatna/etna lam uh kibang in nga kawm in a laan ding hi. Bible a thukhunlui hun lai bang in halmang thillat bang in I thohlom leh I lungsim te I laan ding hi. Pasian pen pulpit lam ah om bang in ngaihsun ni. Eite a ding in Jesu a omkhit nung in i thillat te leh Pasian kikal ah amau a hong ding uh hoihsa ke ing. I biakinn kaina san pen Amah biakna leh phatna, ei mah kilatna I neih ding bang I neih khit ciang in ngetna neucik hel ceuh hilo ahi !

TZS27032011

2011-04-01T15:31:00.002+05:30

TZS27032011

Ka birthday ni hun zatdan

2011-03-31T23:25:00.004+05:30

30 March. Ka birthday. Kei a dia kum thak. Hun, Ni leh kum kipat ni ahi. Tukum 2011 in ka hunzatdan ka hong gelh ding.

Ka hihdan ngeina bang in zing thoh in Pasian kiang ah kilatkhiatna ka nei hi. Birthday va lop dupdup sang in poimoh kasa zaw a, va lop pen naupang te a ding in ka koih hi.

Zingsang dang banglo in halhtak in ka khanglo a dak 6.15am in ka tho hi. Thungetna/kilatna ka neih zoh in newspaper ka sim hi. Tua khit in ka vengsung ua om RTO ah drving test din ka nau Biakthang zawn in ka kuan uhi. Delhi apat driving license ka deih man in nung kha 22 Feb in ka apply pen Temporary hong pe mah le uh amau condition bang in kha khat khit in actual driving test din va kuan ka hi.

Form fill up, limlak tak. Submit dekleh gari zat d pen Pollution Utilization control Certificate, PUC kici valid neilo ka hih man in Petrol pump ah va pai in kintak in ka bawlsak uhi. Ka gari zat pen passlo zomah. Rs10 piakbeh in fitness certificate a hong issue hi. Pai phei non, ka nau gari toh kingak sak in ka koih hi. Car leh 2 wheeler driving test ut mi tam himai. Ngak ngak, a hong paikhiat tak in ka va approach pah a, a kiang a police ompa kiang ah, 'nang amah va test in' ci in a gen hi. Ka gari koihna mun ah ka pai uhi. Test khinta, hekthei, heksiam ahi ci in a boss pa kiangah hong gen phei a zo ka hi mai. Ka hamphat dan, mi tampi hih ma in zo masa/ test masa in ka pang. Police mi nih in zong deih ahihman in amau a toh proirity in hong koihkhom ahihman ahi. Tuni mah in na licence ka hong khak ding na address ah a ci hi. Hikei leh 11.30am tan a niteng nasep sung un ka zo mankei ding uh. Vaite lakah ka hun hong tung manlo ding. Zingciang in Ofis kailo zen in va pai non kul ding cih ka ngaihtuah ciah ka lungdamna leh hampha kisakna a lian deuhdeuh hi.

Dak 11 bang hita ahihman in Ofis ka kai nonkei mai hi.
Lunch kintak in ka nek khit un i ding ka buaipih pen uh ka va enkhia a, a nei pan Rs13K advance a piak d a cihpen Rs10K in ka ki holem pih thei hi. Jai Singh road manoh in YMCA a course tuamtuam sin theihna propectus va la. Inn ka pai ngal uhi.

Gari nih taktak zatloh a kep sang in ci in Packers n Movers te call in ka zi transfer na Mumbai ah ka khak ngal hi. Documentation leh gari details, Km reading, scratch mark omte leh a dang dang note khia in cash sang in Cheque ka piak zoh in ka khah khia hi.

Ka mobile phone ah birthday msg FB leh sms hong lut te zingsang apat in ka dawng geih geih hi. Msg khat pen tuam deuh. Ka bank ah Ofis lam ten bill settle na ahi diam thei keng. Rs2538 na account ah alut cih ahi. It calls for celebration of my Bday ci in KFC call din ka khensat ta uhi. Nitak a din ka call ua, kintak in hong deliver in ka cih zoh sawtlo in ka ne pheuphiau ta uhi.

Ka ihmut ma in tuni ka hun zatdan ka ngaihtuah a, nna tampi semkhia in ka ki koih. Ka lung a nuam. Ihmut a nuam mahmah ve. Eh, ka birthday ni a hong wish ding ka upmoh sang in tam ka muzaw hi. Phone call 4. Sms 5. FB wall ah 154. FB private msg ah 5. BB msgr 2. Hibang a lawm leh deihsaktu ka neih man in ka lungdamna bukkim deuh in thei ing. Msg hong kikhak tengteng hoihtak in ka kem tuam hi. A si khin kimlai hi ciang dong hinna hong pia Pasian tung ah lungdam ing.

TZS 20032011

2011-03-22T18:52:00.001+05:30

TZS20032011

Laisimna leh nekzonna

2011-03-22T15:56:00.003+05:30

Tangnuam khosung weekly news, "TAZENSAM" adia ka gelh ahi. Pawl X, XI leh XII exam te khualna a ka gelh ahi:

Laisimna leh nekzonna

I hinna ding in nek leh tak poimoh a, nek leh tak i zonna ding in pilna mah kisam hi. Pil i neihna ding in laisim kul a, Laibu ah pilna ki gelh leh ki ciamteh ahihman in sim le hang ki pilloh thei hi.

Laisim pen thadah bawl thei hihang. Azatna ding i theihloh man hi in mu ing. Ka hinna ding, ka nekmuhna ding leh ka pilna ding ahi ci in theile hang phatuam ding hi. Laisim ding ciang in nang leh na maban a dia phatuam lo thudang ki hihbuaisak leh va ban hih sese ken. Na hun zatdan encian in. Ihmut suak zong ci seselo in pang ni. Pawlkhat te’n Ihmut i khamloh ding lau hi le hang kilawm hi. A kulkal leh tha-it mahmah te'n a ihmut khak ding lau zawsop uhi. Ihmut khamloh man in a si om nai kei cih thei ni. Citak peuhle cin na innkuanpih leh midang te'n ka hong theisiam lel ding uhi.

I laisim pen theih-utna leh siam-utna toh sim cencen ding ahi. Na hinkhua a dia na kisakkholhna haksa sa na hihleh, kiging in na maban ah hinkhua haksazaw in hong ngak ahi. Na maban a dia training/kisakhol na hi cih mangngilh ken. Lai siam theilo hiveng aw, cih ngaihdan neih ding ahi het kei. Hahpan inla na theih ma tan sim ek phot in. Sim ding leh theih ding teng na theih ma ihmu theilo ding in kikoih in. Thei nailo pi in lupsan le cin zong na ihmut a lim hetkei ding hi. Tua sang in theih som teitei ding, theih khit ciang in tomcik ihmu le teh lungnuam tak in ihmu na hih man in ihmut na kham lel ding hi.

Na maban hinkhua na hih sang/niam thei hi. Nang tung kia ah kinga liuliau ahi cih thei in. Genthei leh haksa tak a khosa ding na hiam? Midangte neihsa eng lel dia kiphal na hiam? Amaute sang in lianzaw, thupizaw leh hauzaw thei na hih lam mangngilh ken. Lunggeel inla na utdan tak, a nuam theipen a khosa ding in kisa inla; na deihpen teel in. A kikheel ma in. Nna in hun nei ciat hi. Tua hileh na maban a ding in na pan dingdan na ciang mai ding. Kisa in, ki sin inla pang fanfan ngal in. Na niam kiak deuhdeuh ma in. I sep ding masa pen laisim leh thu manh ahi. Thu manh pen midang I nu le pa, ei sang a upa zaw ten ei theih/muh sang a taanzau zaw in na thei/mu ahih man un leh amau pilna I zat theih na ding in a thu uh manh ding ahi.

A thei ding leh siam ding in khawllo in ki sin sin mah kul ahi cih mangngilh ken. Music siampen zong niteng in ki practise gige ahi cih thei in. Tua mah bang in nang zong na pilna ding leh na nekmuhna ding in na laisim ah tha piak gige kul ahi cih mangngilh lo in deihtak hong pang in. Na maban ah lohcinna, mavanna leh ken ka hong cibai ding uhi. Hong pai in kimu ni.

Delhi Zomi Crusade 2011 : Day 2

2011-03-18T19:37:00.003+05:30

Dr Zo Sian Khual

Dr Do Kham- Mi nuamsa i cih>

Delhi Zomi Crusade 2011: Day 1

2011-03-18T19:32:00.005+05:30

First day to kisai:

More pix CLICK

Audio on Na Goliat a om non kei ding hi>

Pasian maw Pathian?

2011-03-17T01:10:00.001+05:30

A dik tuak lel hi. Ahih hang in a thu omdan kansui ni. Pa leh thian/sian kammal kigawmkhom a bawl ahi uhi. Pa pen theihsa in koih phot ni. Thian leh Sian bel Thianglhim/Siangtho kammal apat kilakhia ahi cih, Zomi toh kisai I research scholar uh H. Kamkhenthang in a mukhia hi. Mizo pau thianglim apat in THIAN cih kilakkhia cihna. Paite LST pen Lusei LST apan kiletkhia ahihman in amau gendan kizui in Pathian kici paisuak hi ding in a uphuai hi. A cetna ahihleh; I minphuahte uah THIAN pen paite LST a om khit in kizang pan hi. I minphuahte uah THIAN pen kei khang toh teh in ka pa khang ah a om nai kei. Pasian I cihpen hong gawt ding kia in kimu nonlo a eite hong deihsak, thupha hong pe ut leh hong tankhia ahihna kiphok in Kristian I suahkhit in A min ki deih zaw deuhta ahihman in sakmin ki tam phuahta hi. Sian leh Thian deihbawl in kizang ziahziahta hi.

Pasian toh kisai pen Sing Khaw Khai in a sutkhiatna ah, nidang lai pek a pan Pasian kammal ana kizang ahi ci hi. Kristian I suahma ua I kithoihna ah " Ka Pasian, ka lungzai..." Cih na kizang khinta hi. I tangthu uh Neino tangthu ah Pasiante unau cih kammal om leh kizang khinta ahihlam zong mangngilh kei ni. Pasian i cih pen 'dawi leh kaau' te genna hituanlo hi. 'A biaktak Pasian i theih ma pek in Pasian cih min pen ana kizang ta' ci in khiatna neile hang hoihlel ding in um ing. Hi bang ahihna ah Pasian cih kammal i neihsa gige pen zattoh ding in kilawm leh dikzaw in thei ing.

Paite LST sunthak dek uh cihthu om hiven bang kammal hong kizang diam na enkhe ni.

TZS 13032011

2011-03-16T07:21:00.007+05:30

TZS13032011

MY STORY- The Rebel

Book review: Thangzamang

Ka dinmun

JOKES tamlo

>Hatzaw a hat zaw kei dia.>>Hatzaw cu hat zaw na d in cin Tungtuang pen Hatzaw tungah tuang hiuhiau d ei ngal.

>Lunkhel a ngal kei dia. Khel cih om aihcia.>>Lunkhel cu khel lua in cin a khelna lun (popular) ta. A khel poimoh nonlo. Hangzo chu hang hang lai ahihciang in! Na theisiam na maw?

Pianna vangkhua hohna a hunzatdan

Ka damkhiatna uh Hospital

Kitenna marup: a zonglai te a ding

Ka sungh nu sih toh kisai a laphuah

2011 Krismas zatna. Tangnuam khua ah

Lamka 2011: ka muhdan

The case with LIC Churachandpur. Solved

The Home Coming Journey

TZS 04122011

Bang dia kigu i hia?

TZS 27112011

TZS 20112011

TZS 13112011

Phatna la by Ningngaihlun at mzcf

TZS 06112011

TZS 30102011

Paite lai gelhdan dia dikzaw- Kei muhna pan

TZS 23 Oct 2011

YPA toh kisai ka kupna

TZS 16102011

Every human must watch

Smart Kids

Climbing, climbing

Short speech on thanks giving day of our new Quarter

Bar code, QR Code leh coded information

Mumbai ZCF 2011-2012 Election

KRISTIAN BIAKNA HOIHNA

TIPS TO INDENTIFY FAKE NOTES

Report : 18th ZCF Pune Foundation Day Celebration

Bombay, eh Mumbai local train

The Google+ project

Zogam a meh lim: Papak

Muankim reading the English Alphabet

Dual core, quad core leh multitasking

!

Sepna SBI nuai ah awng eih

INTERVIEW WITH TANGNUAM VILLAGE PDS AGENT

INTERVIEW WITH TANGNUAM VILLAGE CHIEF

TZS 08052011

TZS 01052001

Kuva, Kwai, Pan

TZS 24042011

Haan tou dia mi guai

TZS 17042011

Saptuam dan: nohkhia leh laklutna

TZS10042011

TZS03042011

Biakinn a thohlawm dondan leh latdan

TZS27032011

Ka birthday ni hun zatdan

TZS 20032011

Laisimna leh nekzonna

Delhi Zomi Crusade 2011 : Day 2

Delhi Zomi Crusade 2011: Day 1

Pasian maw Pathian?

TZS 13032011

>Hatzaw a hat zaw kei dia.
>>Hatzaw cu hat zaw na d in cin Tungtuang pen Hatzaw tungah tuang hiuhiau d ei ngal.

>Lunkhel a ngal kei dia. Khel cih om aihcia.
>>Lunkhel cu khel lua in cin a khelna lun (popular) ta. A khel poimoh nonlo. Hangzo chu hang hang lai ahihciang in! Na theisiam na maw?